نیشنل اسمیتا کھیلو انڈیا ویمنز یوگاسنا لیگ 2024-25 یہاں آنند دھام آشرم، بکر والا، نانگلوئی نجف گڑھ روڈ پر شاندار طریقے سے اختتام پذیر ہوئی۔ 5 سے 7 جنوری تک ہونے والی لیگ کے آخری مرحلے میں 270 سے زائد کھلاڑیوں نے حصہ لیا۔ مغربی بنگال اور مدھیہ پردیش ان ریاستوں میں شامل ہیں جنہوں نے اچھی کارکردگی کا مظاہرہ کیا۔

 نوجوانوں کے امور اور کھیلوں کی وزارت میں سکریٹری، محترمہ سوجاتا چترویدی نے کھلاڑیوں کو مبارکباد دی اور 2026 کے ایشیائی کھیلوں میں ان کی شمولیت سمیت ہندوستان میں یوگاسن کی بڑھتی ہوئی اہمیت پر زور دیا۔ انہوں نے بتایا کہ یوگاسن کو اب 2026 کے ایشیائی کھیلوں (جاپان) میں ایک نمائشی کھیل کے طور پر شامل کیا گیا ہے، اور اسے اتراکھنڈ میں ہونے والے آئندہ 38ویں قومی کھیلوں میں ایک مسابقتی کھیل کے طور پر بھی شامل کیا گیا ہے۔

نیشنل لیگ کے شرکاء نے گزشتہ سال پورے ہندوستان میں زونل چیمپئن شپ کے ذریعے کوالیفائی کیا، جہاں 7000 سے زیادہ خواتین کھلاڑیوں نے حصہ لیا۔ لیگ میں پانچ زمرے شامل تھے: روایتی یوگاسنا، آرٹسٹک یوگاسنا (سنگل)، آرٹسٹک یوگاسنا (جوڑا)، ردھمک یوگاسنا (جوڑا) اور آرٹسٹک یوگاسنا (گروپ)۔ ہندوستان کے چار زونز سے انڈر 18 اور 18 سال کی عمر سے زیادہ  کے زمروں میں سے ہر ایک کے بہترین  آٹھ ایتھلیٹس نے پانچ زمروں میں حصہ لیا۔ گزشتہ سال جن چار زونزمیں مقابلے منعقد ہوئے وہ بہار (مشرقی زون)، راجستھان (مغربی زون)، تمل ناڈو (جنوبی زون) اور اتر پردیش (شمالی زون) میں تھے۔

https://www.instagram.com/reel/DEmGdKKTUJ9/?igsh=MXMxaWVxYXRjaTBidg==

یوگاسنا بھارت کے زیر اہتمام، اس تقریب میں 22 ریاستوں اور مرکز کے زیر انتظام علاقوں کے کھلاڑیوں کے درمیان صحت مند مقابلہ دیکھنے کو ملا۔ کھیلوں کی وزارت، حکومت ہند نے جیتنے والے کھلاڑیوں کو تقریباً 25 لاکھ روپے کی انعامی رقم فراہم کی۔

یہ اسمیتا یوگاسنا لیگ، مرکزی وزارت کھیل کی طرف سے شروع کی گئی ہے، خواتین کو یوگاسنا کھیل میں بااختیار بنانے پر غور کرتی ہے تاکہ ان کے خاندان کو فٹ اور صحت مند رکھا جا سکے۔ سال 2024 میں مجموعی طور پر 163 اسمیتا خواتین لیگز کا انعقاد کیا گیا جس میں 12 کھیلوں کے شعبوں میں 17000 سے زیادہ خواتین نے شرکت کی۔

پانچ زمروں میں فاتحین درج ذیل ہیں:

روایتی یوگاسن: انوشکا چٹرجی (مغربی بنگال)، سپنا پال (مدھیہ پردیش)

آرٹسٹک یوگاسن سنگل: سیما نیوپانے (دہلی)، سربیشری منڈل (مغربی بنگال)

آرٹسٹک یوگاسن جوڑی: نشا گوڈبولے اور اویکا مشرا (مدھیہ پردیش)، کلیانی چوٹے اور چھکولی سیلوکر (مہاراشٹر)

ردھمک یوگاسن جوڑی: کاویہ سینی اور یاتری یشوی (اتراکھنڈ)، خوشی ٹھاکر اور گیتا انجلی (دہلی)۔

آرٹسٹک یوگاسنا گروپ: مدھیہ پردیش اور راجستھان کی ٹیمیں۔

اسمیتا ویمنز لیگ کے بارے میں

مختلف شعبوں میں لیگز کے انعقاد کے ذریعے کھیلوں میں خواتین کی شرکت کو بڑھانے اور ملک بھر میں مختلف عمر کے زمروں کی خواتین کھلاڑیوں کو مقابلے کی نمائش فراہم کرنے کے لیے، اسپورٹس اتھارٹی آف انڈیا (ایس اے آئی )، نیشنل اسپورٹس فیڈریشنز (این ایس ایف ) کے تعاون سے کھیلو انڈیا اسمیتا  ویمنز لیگ/متعدد عمر کے گروپوں کے لیے ٹورنامنٹ منعقد کرتی ہے۔ اس کے اسپورٹس فار ویمن مشن کے ایک حصے کے طور پر، تکنیکی طرز عمل اور دیگر حادثاتی اخراجات کے لیے جزوی یا مکمل طور پر فنڈنگ ​​کھیلو انڈیا(کے آئی ) ایس اے آئی فراہم کرتی ہے۔

۔۔۔۔۔۔۔۔۔۔۔۔۔۔۔۔۔

ش ح۔ ا م ۔ج

Urdu No. 5071