سماجی انصاف اور امپاورمنٹ کے مرکزی وزیر مملکت جناب بی ایل ورما نے آج گجرات کے وڈودرا کے اکوٹا اسٹیڈیم میں 23 ویں دیویہ کلا میلے کا افتتاح کیا۔ افتتاحی تقریب میں شرکت کرنے والے ممتاز معززین میں وڈودرا کے ایم پی ڈاکٹر ہمانگ جوشی، ایم ایل اے شری چیتنیا مکرند بھائی دیسائی، وڈوڈرا کے ضلع کلکٹر شری وجول شاہ، کمشنر برائے معذوری جناب وی جے راجپوت، نیشنل دیویانگ جن فنانس اینڈ ڈیولپمنٹ کارپوریشن (این ڈی ایف ڈی سی ) کے سی ایم ڈی، جناب نوین شاہ، اور وزارت کے نمائندے شامل تھے ۔

وزیر  موصوف نے دیویانگ جنوں کو ہر ممکن تعاون کا یقین دلایا، اور اتمنیر بھر بھارت کی تعمیر میں ان کے اہم رول پر زور دیا۔ انہوں نے اس بات پر روشنی ڈالی کہ وزیر اعظم جناب نریندر مودی نے معذور افراد کے تئیں مثبت سماجی ذہنیت کو فروغ دینے کے لیے دیویانگ کی اصطلاح متعارف کرائی۔ شری ورما نے مزید کہا کہ مرکزی حکومت نے دیویانگ جنوں میں کاروباری اور دستکاری کی حوصلہ افزائی کے لیے کئی اسکیمیں نافذ کی ہیں۔ یہ اقدامات انہیں تربیت، مہارت اور مالی مدد فراہم کرنے پر مرکوز ہیں۔ سرکاری اسکیموں کے تحت معذوری کے زمرے کو 7 سے بڑھا کر 21 کردیا گیا ہے، اور دیویانگ جنوں کے لیے سرکاری ملازمتوں اور تعلیمی اداروں میں ریزرویشن کو بڑھا کر بالترتیب 4فیصد  اور 5فیصد کردیا گیا ہے۔

سی ایم ڈی (این ڈی ایف ڈی سی)، جناب نوین شاہ نے بتایا کہ ملک بھر کے ہر بڑے شہر میں دیویہ کلا میلوں کا انعقاد کیا جا رہا ہے۔ اب تک 22 قومی میلے کامیابی کے ساتھ منعقد ہو چکے ہیں، وڈودرا ایونٹ سیریز کا 23 واں ایڈیشن ہے۔ این ڈی ایف ڈی سی کے اقدامات کے ایک حصے کے طور پر، آئی آر سی او این  کی سی ایس آر  اسکیم کے ذریعے مالی اعانت سے چلنے والی موٹر سائیکلیں بھی اس تقریب کے دوران 11 دیویانگجنوں میں تقسیم کی جائیں گی۔ مزید برآں، این ڈی ایف ڈی سی کی اسکیموں کے تحت قرض کی منظوری کے خطوط کے ٹوکن گجرات کے دیویانگ استفادہ کنندگان کے حوالے کیے گئے۔ میلے کے حصے کے طور پر 17 جنوری کو دیویانگ جنوں کے لیے ایک خصوصی ’جاب میلے‘ کا انعقاد کیا جائے گا۔

دیویا کلا میلہ 9 سے 19 جنوری 2025 تک وڈودرا کے اکوٹا اسٹیڈیم میں معذور افراد کو بااختیار بنانے کے محکمہ، سماجی انصاف اور بااختیار بنانے کی وزارت کے ذریعے منعقد کیا جا رہا ہے۔ یہ میلہ جموں و کشمیر اور شمال مشرقی ریاستوں سمیت ملک بھر کے دیویانگ کاریگروں اور کاروباری افراد کی شاندار مہارتوں اور مصنوعات کی نمائش کرتا ہے۔ دستکاری، ہینڈلوم، کڑھائی کے کام، اور پیکڈ فوڈز جیسی مصنوعات فروخت کے لیے دستیاب ہوں گی۔

یہ پہل دیویانگ جنوں کو معاشی طور پر بااختیار بنانے کی طرف ایک منفرد قدم ہے، جو انہیں اپنی مہارتوں اور مصنوعات کی مارکیٹنگ اور نمائش کے لیے ایک اہم پلیٹ فارم فراہم کرتا ہے۔ اس سے پہلے دہلی، ممبئی، بھوپال، اندور، گوہاٹی، جے پور، وارانسی، احمد آباد اور سورت جیسے شہروں میں اسی طرح کی تقریبات کا کامیابی سے انعقاد کیا گیا تھا۔ این ڈی ایف ڈی سی کو ان میلوں کے انعقاد کے لیے نوڈل ایجنسی کے طور پر نامزد کیا گیا ہے۔

اس میلے میں 20 ریاستوں اور مرکز کے زیر انتظام علاقوں سے تقریباً 100 دیویانگ کاریگر، کاریگر اور کاروباری لوگ حصہ لے رہے ہیں۔ یہ دیویانگ کاریگروں کی طرف سے تیار کردہ مصنوعات کے لیے ایک قومی پلیٹ فارم فراہم کرکے ’وکل فار لوکل‘ کے تصور کو فروغ دینے کے لیے ایک طاقتور ذریعہ کے طور پر کام کرتا ہے۔ میلہ روزانہ صبح 11:00 بجے سے رات 9:00 بجے تک زائرین کے لیے کھلا رہتا ہے۔ نمائش کے ساتھ ساتھ معروف فنکاروں کی ثقافتی پرفارمنس اور ہندوستان کی مختلف ریاستوں کی نمائندگی کرنے والے کھانے کے اسٹال اس تقریب کی خاص باتوں میں شامل ہیں۔ اس کے علاوہ زائرین کے لیے کئی پرکشش سیلفی پوائنٹس بھی بنائے گئے ہیں۔

افتتاحی تقریب کا ویڈیو لنک: https://www.youtube.com/live/9p8n-K7TWqQ?si=HGNbLtGSn-UbEu3h

***

ش ح ۔ال

U-5049

(Release ID: 2091608) Visitor Counter : 11