آٹھویں امیونیشن کم ٹارپیڈو کم میزائل (اے سی ٹی سی ایم)بارج ، ایل ایس اے ایم 22 (یارڈ 132) کی شمولیت کی تقریب 6 جنوری 25 کو نیول ڈاک یارڈ ، ممبئی میں منعقد ہوئی ۔ انڈکشن تقریب کے مہمان خصوصی کمانڈر ونے وینکٹ رام ، آفیسر انچارج ، فلیٹ مینٹی نینس یونٹ (ایم بی آئی) تھے ۔

گیارہ اے سی ٹی سی ایم بارجز کی تعمیر اور فراہمی کا معاہدہ میسرز سوریا دیپتا پروجیکٹس پرائیویٹ لمیٹڈ ، تھانے کے ساتھ  05 مارچ 21 کو  کیا گیا تھا جو کہ  ایک ایم ایس ایم ای شپ یارڈ ہے ۔ سات اے سی ٹی سی ایم بارجز پہلے ہی فراہم کیے جا چکے ہیں اور شپ یارڈ کو ہندوستانی بحریہ کو چار سلیج بارجز کی تعمیر اور فراہمی کا ٹھیکہ بھی دیا گیا ہے اور اس طرح  سے ہندوستانی بحریہ کے ایم ایس ایم ای کی حوصلہ افزائی کے عزم کو اجاگر کیا گیا ہے ۔

شپ یارڈ نے ایک ہندوستانی جہاز ڈیزائننگ فرم کے تعاون سے ان بارجز کو مقامی طور پر ڈیزائن کیا ہے اور اس کے بعد سمندری اہلیت کو یقینی بنانے کے لیے نیول سائنس اینڈ ٹیکنولوجیکل لیبارٹری ، وشاکھاپٹنم میں ماڈل کا کامیابی سے تجربہ کیا گیا ہے ۔ یہ بارجز انڈین رجسٹر آف شپنگ (آئی آر ایس) کے متعلقہ بحری قواعد و ضوابط کے مطابق بنائے گئے ہیں ۔ یہ بارجز حکومت ہند کے میک ان انڈیا اور آتم نربھر بھارت اقدامات کے قابل فخر پرچم بردار ہیں ۔

ان بارجز کو شامل کرنے سے جیٹیوں اور بیرونی بندرگاہوں، دونوں کے ساتھ ساتھ ہندوستانی بحریہ کے پلیٹ فارموں پر سامان/گولہ بارود کی نقل و حمل ، انہیں چڑھانے اتارنےکی  سہولت فراہم کرکے ہندوستانی بحریہ کے آپریشنل عہدبستگیوں کو تقویت ملے گی ۔

۔۔۔۔۔۔۔۔۔۔۔۔۔

ش ح۔ م م۔ ع ن

 (U: 4937)