হকশেল অমসুং য়াইফ-য়ুম্বাল মন্ত্রালয়
HMPVগী অপদেৎ
ICMRনা রুতিন সর্ভিলেন্সকী খুত্থাংদা কর্নাতকাদা হ্যুমেন মেতান্যুমোভাইরস (HMPV)কী কেস অনি থেংনখ্রে
সর্ভিলেন্স সিস্তেম মপাঙ্গল কন্না লৈরি, লৈবাক অসিদা ILI নত্ত্রগা SARI কেসশিং অসি মহৌশাগা মান্নদবা মওংদা হেনগৎলকপা থেংনদে
Posted On:
06 JAN 2025 11:35AM by PIB Imphal
কর্নাতকাদা হ্যুমেন মেতান্যুমোভাইরস (HMPV) কেস খরা থেংনবগী মীদিয়াগী রিপোর্তশিং লৈখ্রে। ইন্দিয়ন কাউন্সিল ওফ মেদিকেল রিসর্চ (ICMR) না কর্নাতকাদা হ্যুমেন মেতান্যুমোভাইরস (HMPV) গী কেস অনি থেংনখ্রে। লৈবাক শিনবা থুংনা শ্বর হোনবদা নুংঙাইতবা অনাবশিং য়েংশিন্নবা ICMRগী হৌজিক চত্থরিবা খোঙথাং অসিগী শরুক অমা ওইনা, রেস্পিরেতরী ভাইরেল পেথোজেন কয়াগীদমক রুতিন সর্ভেলেন্সকী খুত্থাংদা কেস অনি অসি মশক খঙদোকখি।
ভারত য়াওনা মালেম শীনবা থুংনা HMPV অসি হান্নদগী শন্দোক্লে অমসুং লৈবাক কয়াদা HMPVগা মরী লৈনবা শ্বর হোনবা নুংঙাইতবগী অনাবশিংগী কেসশিং রিপোর্ত তৌরকপা লৈখ্রে। মসিগী মথক্তা, ICMR অমসুং ইন্তিগ্রেতেদ দিজিজ সর্ভিলেন্স প্রোগ্রাম (IDSP) নেৎৱার্ক্কীগী হৌজিক লৈরিবা দেতাদা য়ুম্ফম ওইদুনা, লৈবাক অসিদা ইনফ্লুয়েঞ্জা-লাইক ইললিন্স (ILI) নৎত্রগা সিভিয়র এক্যুত রেস্পিরেতরী ইললিন্স (SARI)গী কেসশিংদা মহৌশাগা মান্নদবা মওংদা হেনগৎলকপা অমত্তা লৈতে।
থেংনখিবা HMPV কেসশিংগী অকুপ্পা ৱারোলশিং মখাদা পীরি:
- ব্রোনকোন্যুমোনিয়াগী হিস্তরী লৈবা বেপ্তিস হোস্পিতাল, বেঙ্গলুরুদা এদমিত তৌরবা মতুংদা থা অহুমগী অঙাং নুপীমচা অমা HMPV নাবা থেংনখি। মহাক দিসচার্জ তৌখ্রে।
- জনুৱারী 3, 2025দা ব্রোনকোন্যুমোনিয়াগী হিস্তরী লৈবা বেপ্তিস হোস্পিতাল, বেঙ্গলুরুদা এদমিত তৌরবা মতুংদা থা নিপানগী অঙাং নুপামচা অমা HMPV পোজিতিব ওইবা থেংনখি। অঙাং অসি হৌজিক রিকবর তৌরক্লি।
অনাবা মীওইশিং অসি ইন্তর্নেস্নেল ত্রেভেলগী হিস্তরী অমত্তা লৈতে হায়বসি খঙজিনবদা মরু ওই।
কেন্দ্রগী হকশেল মন্ত্রালয়না লৈরিবা সর্ভিলেন্স চেনেল পুম্নমক্কী খুত্থাংদা ফীভম অসি য়েংশিল্লি। চহি চুপ্পা ICMRনা HMPV সর্ক্যুলেসনদা লৈরিবা ত্রেন্দশিং মখা তানা ত্রেক তৌগনি।ৱার্ল্দ হেল্থ ওর্গানাইজেসন (WHO)না মখা তানা চত্থরিবা খোঙথাংশিং অসিগী মতাংদা ই-পাউ পীনবা চাইনাদা ওইরিবা ফীভমগী মতাংদা মতম চানা অপদেৎশিং পীরি।
হন্দক্তা লৈবাক শিনবা থুংনা পাংথোকখিবা প্রিপিয়র্দনেস দ্রিল অসিনা উৎখি মদুদি ভারতনা শ্বর হোনবা নুংঙাইতবগী অনাবা হেনগৎলকপা য়াবা খুদোংচাদবশিং থেংননবা মতিক চানা শেম-শারি অমসুং মথৌ তারবদি পব্লিক হেল্থ ইন্তরভেন্সনশিং অথুবা মতমদা দিপ্লোই তৌবা ঙমগনি।
***
(Release ID: 2090662)
Visitor Counter : 75