ٹیکسٹائل کی وزارت ، حکومت ہند نے میڈیکل ٹیکسٹائل کے لیے کوالٹی کنٹرول آرڈر (کیو سی او)، میڈیکل ٹیکسٹائل (کوالٹی کنٹرول) آرڈر ، 2024 جاری کیا تھا ، تاکہ اس زمرے کے تحت آنے والی اہم مصنوعات کی حفاظت اور افادیت کو یقینی بنایا جا سکے ۔ یہ آرڈر ان مصنوعات کے لیے ٹیسٹنگ پروٹوکول اور لیبلنگ کی ضروریات سمیت معیار کے سخت پیمانے طے کرتا ہے ۔

چھوٹے اور درمیانے درجے کے کاروباری اداروں (ایس ایم ایز) کو درپیش منفرد چیلنجوں کے اعتراف میں وزارت نے آئی بی آئی ڈی کیو سی او یعنی اس کی تعمیل کے لیے ٹائم لائن میں اضافی توسیع دی ہے ۔(ایس ایم ای صنعت کے لیے) خاص طور پر مذکورہ آرڈر کے شیڈول اے کے تحت 03 اشیاء یعنی سینیٹری نیپکن ، بچوں کے  ڈایپر اور دوبارہ قابل استعمال سینیٹری پیڈ/سینیٹری نیپکن/پیریڈ پینٹیز کے لیے یکم اپریل 2025 تک  توسیع دی ہے۔ یہ رعایت ایس ایم ایز کو اپنے کاروباری کاموں سے سمجھوتہ کیے بغیر نئے ضوابط کے مطابق ڈھالنے کے قابل بنائے گی ۔

مزید یہ کہ ہموار منتقلی کو آسان بنانے کے لیے ، مینوفیکچررز اور درآمد کنندگان کو ان کے موجودہ پچھلے  اسٹاک کو ختم  کرنے کے لیے منتقلی کی مدت کے طور پر 6 ماہ یعنی 30 جون 2025 تک کا وقت دیا گیا ہے ۔یہ التزام صنعت کو بغیر کسی اہم رکاوٹ کے نئے معیار کے ضابطوں کے مطابق ڈھالنے کے قابل بنائے گا ۔

ان اقدامات کا مقصد حفاظت کو بہتر بنانا ، افادیت کو بڑھانا ، اور صحت کی دیکھ بھال کی صنعت اور اختتامی صارفین میں اعتماد بڑھانا ہے ۔ ٹیکسٹائل کی وزارت صنعت کے معیار کے ضابطوں کی طرف منتقلی  میں مدد کرنے کے لیے پرعزم ہے ۔

Click here to download PDF

۔۔۔۔۔۔۔۔۔۔۔

ش ح۔ ش ب۔ ع ن

 (U: 4807)