سال 2024 ہندوستان کے بجلی  کے شعبے کے لیے ایک تاریخی دور ہے، جس میں توانائی کی پیداوار، ترسیل اور تقسیم میں تاریخی پیش رفت ہوئی ہے۔ 250 جی ڈبلیو (گیگا واٹ) کی ریکارڈ بجلی کی طلب کو پورا کرنے سے لے کر مالی سال 2024-25 میں قومی سطح پر توانائی کی کمی کو محض 0.1 فیصد تک کم کرنے تک، اس شعبے نے پائیدار ترقی کے لیے لچک اور عزم کا مظاہرہ کیا۔ توانائی کے تحفظ، صارفین کو بااختیار بنانے، اور بنیادی ڈھانچے کی ترقی میں اہم پیش رفت سب کے لیے قابل اعتماد، سستی اور صاف توانائی کو یقینی بنانے کے لیے حکومت کی کوششوں کو  اجاگر کرتی  ہے۔

 یونیورسل الیکٹریفکیشن (عالمی برقی کاری)، دیہی بجلی کی بہتر دستیابی، اور جدید ترین ٹیکنالوجیز کو اپنانے جیسے اہم اقدامات کے ساتھ، ہندوستان مضبوطی سے توانائی کا عالمی رہنما بننے کی راہ پر گامزن ہے۔

پاور سپلائی پوزیشن میں بہتری:

• ریکارڈ طلب  پوری: ہندوستان نے مالی سال 2024-25 کے دوران 250 جی ڈبلیو  کی ہمہ وقتی زیادہ سے زیادہ بجلی کی طلب کو کامیابی سے پورا کیا۔
• بجلی کی قلت میں زبردست کمی: پیداوار اور ترسیل کی صلاحیتوں میں نمایاں اضافے کی وجہ سے، قومی سطح پر توانائی کی قلت مالی سال 2024-25 میں کم ہو کر محض 0.1 فیصد رہ گئی ہے، جو کہ مالی سال 2013-14 کے 4.2 فیصد  کے مقابلے میں بڑی بہتری ہے۔
• فی کس بجلی کی کھپت میں اضافہ: ہندوستان میں فی کس بجلی کی کھپت 2023-24 میں بڑھ کر 1,395 کے ڈبلیو ایچ تک پہنچ گئی ہے، جو کہ 2013-14 میں 957 کے ڈبلیو ایچ  کے مقابلے میں  45.8فیصد کا   اضافہ (438 کے ڈبلیو ایچ) ہے۔
• یونیورسل الیکٹریفیکیشن حاصل کیا گیا: ملک بھر میں دیہاتوں اور گھرانوں کو بجلی فراہم کی گئی ہے، جو کہ ہندوستان کے پاور سیکٹر میں ایک اہم سنگ میل ہے۔
• بہتر بجلی کی دستیابی: دیہی علاقوں میں بجلی کی اوسط دستیابی 2014 میں 12.5 گھنٹے سے بڑھ کر 21.9 گھنٹے ہو گئی ہے، جبکہ شہری علاقے اب 23.4 گھنٹے تک بجلی کی فراہمی سے لطف اندوز ہو رہے ہیں، جو کہ بجلی کی خدمات کی بھروسے اور رسائی میں خاطر خواہ بہتری کی عکاسی کرتی ہے۔

پید اوار:

• نصب شدہ صلاحیت میں نمایاں اضافہ: ہندوستان کی کل نصب شدہ بجلی کی پیداواری صلاحیت میں 83.8فیصد  کا اضافہ ہوا ہے، جو 31 مارچ 2014 تک 249 جی ڈبلیو  سے بڑھ کر 30 نومبر* 2024 تک 457 جی ڈبلیو  تک پہنچ گیا ہے۔
• قابل تجدید توانائی میں اہم توسیع: اپریل 2014 سے، 129 گیگا واٹ قابل تجدید توانائی کی صلاحیت، بشمول بڑے ہائیڈرو، شامل کی گئی ہے۔ اس میں 91 جی ڈبلیو شمسی توانائی، 27 جی ڈبلیو ونڈ پاور، 3.2 جی ڈبلیو بایوماس، 1.3 جی ڈبلیوچھوٹے ہائیڈرو، اور تقریباً 6.3 جی ڈبلیوبڑی ہائیڈرو پیدا کرنے کی صلاحیت شامل ہے، جو صاف توانائی کے تئیں ہندوستان کی مضبوط وابستگی کو ظاہر کرتی ہے۔
• تھرمل پروجیکٹوں کا نوازنا: ہندوستان کی تیزی سے پھیلتی ہوئی معیشت کی بلند ترین مانگ کو پورا کرنے کے لیے، حکومت نے کوئلے پر مبنی نئی تھرمل صلاحیت کے 19.2 گیگاواٹ سے نوازا ہے۔ کوئلے اور لگنائٹ پر مبنی تھرمل پلانٹس کی کل نصب صلاحیت اب 217.5 گیگاواٹ ہے۔ اضافی 29.2 گیگا واٹ صلاحیت زیر تعمیر ہے، جس میں مالی سال 2024-25 میں 13.4 گیگا واٹ کے شروع ہونے کی توقع ہے۔ مزید 36.3 گیگاواٹ صلاحیت منصوبہ بندی، منظوری اور بولی لگانے کے مختلف مراحل میں ہے۔
• کول اسٹاک کی پوزیشن: مارچ 2024 تک، ڈومیسٹک کول بیسڈ (ڈی سی بی) پاور پلانٹس کے پاس 47.8 ایم ٹی  کا کوئلہ ذخیرہ تھا۔ دسمبر 2024 تک، ان پلانٹس میں 41.4 ایم ٹی کوئلہ موجود ہے جسے مارچ 2025 تک 50 ایم ٹی  تک بڑھانے کا ہدف ہے۔ مالی سال 2025 کی پہلی اور سہ ماہی 2 کے دوران کوئلے کی مسلسل فراہمی نے مئی 2024 میں 250 جی ڈبلیو  کی بلند ترین طلب کو پورا کرنے کو یقینی بنایا۔ کوئلے کی بہترر گھریلو  دستیابی کے ساتھ، وزارت بجلی نے اکتوبر 2024 سے آگے درآمد شدہ کوئلہ کی ملاوٹ کے لیے اپنی ایڈوائزری بند کردی۔
• شکتی پالیسی پر نظر ثانی: حکومت ہند نجی شعبے کی شرکت کی حوصلہ افزائی کے لیے کوئلہ مختص کرنے کی پالیسی کا جائزہ لے رہی ہے۔ نظرثانی شدہ پالیسی دو آسان ونڈوز تجویز کرتی ہے۔ ونڈو-1 مرکزی پیداواری کمپنیوں اور ریاستی حکومتوں کو "اطلاع شدہ قیمت" پر کوئلہ مختص کرنے کی اجازت دیتی ہے۔ ونڈو-II تمام پیدا کرنے والی کمپنیوں (مرکزی، ریاستی، یا نجی) کو پی پی ایز کی ملکیت  یا نوعیت سے قطع نظر "اطلاع شدہ قیمت" سے زیادہ پریمیم پر مختص کرنے کی اجازت دیتی ہے۔ نئی پالیسی کا مقصد اضافی 80 گیگا واٹ تھرمل صلاحیت کی ترقی میں مدد کرنا ہے۔
• ہائیڈرو پروجیکٹس: مرکزی حکومت نے نومبر 2024 میں اروناچل پردیش میں ہیوو ہائیڈرو الیکٹرک پروجیکٹ (186 میگاواٹ) کو منظوری دی ہے۔ یہ پروجیکٹ 1939 کروڑ روپے کی لاگت سے 50 ماہ میں مکمل ہو جائے گا۔
• ایچ ای پیز –این  ای آر کے لیے سی ایف اے: مرکزی کابینہ نے 28 اگست 2024 کو منعقدہ اپنی میٹنگ میں ریاستی حکومتوں کی طرف سے ایکویٹی شراکت کے لیے "مرکزی مالی امداد (سی ایف اے) کی اسکیم کو منظوری دی ہے  جس کا مقصد   شمال مشرقی خطہ (این ای آر  ) میں ہائیڈرو الیکٹرک پروجیکٹس (ایچ سی پیز) کی ترقی ہے۔ اس اسکیم کے تحت، این ای آر کی ریاستی حکومت کا ایکویٹی حصہ (کل پروجیکٹ ایکویٹی کے 24فیصد  پر محدود، فی پروجیکٹ زیادہ سے زیادہ 750 کروڑ روپے  سے مشروط) اس اسکیم کے ذریعے فنڈ کیا جائے گا۔ اس اسکیم کو مالی سال 2024-25 سے مالی سال 2031-32 کے دوران لاگو کیا جائے گا، جس کے کل مالیاتی اخراجات 4136 کروڑ روپے  ہیں۔
• بنیادی ڈھانچہ ایچ ای پیز کو فعال کرنا: مرکزی کابینہ نے 11 ستمبر 2024 کو منعقدہ اپنی میٹنگ میں "ایچ ای پیز کے لیے بنیادی ڈھانچے کو فعال کرنے کی لاگت کے لیے بجٹ سپورٹ پر اسکیم میں ترمیم" کی اسکیم کو منظوری دی ہے۔ مالی سال 2024-25 سے مالی سال 2031-32 تک کی مدت کے لیے اسکیم کا کل خرچ  12461 کروڑ روپے ہے۔ اس اسکیم کے تحت تقریباً 31 گیگا واٹ کی مجموعی ہائیڈرو صلاحیت، بشمول 15 گیگا واٹ پی ایس پی صلاحیت، کو سپورٹ کیا جائے گا۔
• پمپ اسٹوریج پروجیکٹس (پی ایس پی): ہندوستان کے پاس تقریباً 181 جی ڈبلیو کے پی ایس پیز کی صلاحیت ہے جس میں اب تک تقریباً 5 جی ڈبلیو ( 2.6 فیصد) تیار کیا گیا ہے۔ حکومت نے 2031-32 تک پی ایس پی کی 35 گیگا واٹ صلاحیت کو شامل کرنے کا ایک امنگوں سے پر ہدف مقرر کیا ہے جس میں سے 6 گیگا واٹ زیر تعمیر ہے اور باقی ترقی کے مراحل میں ہے۔
• بیٹری انرجی اسٹوریج سسٹم) بی ای ایس  ایس) : بی ای ایس  ایس   کی ترقی کے لیے وایابلیٹی گیپ فنڈنگ ( وی جی ایف) اسکیم کے تحت، 13,000 ایم ڈبلیو ایچ  کی صلاحیت کو بڑھانے  کا ہدف ہے۔

ترسیل

• قومی بجلی منصوبہ: حکومت ہند نے 2032 تک 458 گیگا واٹ کی سب سے زیادہ مانگ کو پورا کرنے کے لیے سنٹرل اور اسٹیٹ ٹرانسمیشن سسٹم کے لیے 2023 سے 2032 تک قومی بجلی کے منصوبے کو حتمی شکل دی ہے۔ اس منصوبے کی کل لاگت 9.15 لاکھ کروڑ روپے ہے۔ پچھلے پلان 2017-22 کے تحت، تقریباً 17,700 سرکٹ کلومیٹر (سی کے ایم) لائنیں اور 73 جی وی اے تبدیلی کی صلاحیت سالانہ شامل کی گئی۔ نئے منصوبے کے تحت، ملک میں ٹرانسمیشن نیٹ ورک کو 2024 میں 4.91 لاکھ سی کے ایم سے 2032 میں 6.48 لاکھ سی کے ایم تک بڑھا دیا جائے گا۔ اسی مدت کے دوران تبدیلی کی صلاحیت 1,290 گیگا وولٹ ایمپیئر (جی وی اے) سے بڑھ کر 2,342 جی وی اے ہو جائے گی۔ 33.25 گیگاواٹ صلاحیت کی نو ہائی وولٹیج ڈائریکٹ کرنٹ (ایچ وی ڈی سی) لائنیں اس وقت کام کرنے والی 33.5 گیگا واٹ کے علاوہ شامل کی جائیں گی۔ بین علاقائی منتقلی کی صلاحیت 119 جی ڈبلیو سے بڑھ کر 168 جی ڈبلیو ہو جائے گی۔ یہ منصوبہ 220 کے وی اور اس سے اوپر کے نیٹ ورک کا احاطہ کرتا ہے۔ یہ منصوبہ بجلی کی بڑھتی ہوئی طلب کو پورا کرنے میں مدد کرے گا اور  گرڈ میں آر ای انٹیگریشن اور گرین ہائیڈروجن لوڈس کی سہولت فراہم کرے گا۔
• 50 جی ڈبلیو  آئی ایس ٹی ایس  صلاحیت کو  منظوری: 50.9 گیگا واٹ انٹر اسٹیٹ ٹرانسمیشن پروجیکٹس  جس کی لاگت 60,676 کروڑ  روپے  ہے ، کی منظوری دی گئی ہے۔ 2030 تک متغیر قابل تجدید توانائی (وی آر ای) کے 280 جی ڈبلیو  کو انٹر سٹیٹ ٹرانسمیشن سسٹم (آئی ایس ٹی ایم) سے جوڑنے کے لیے ضروری ٹرانسمیشن نیٹ ورک کو 335 جی ڈبلیو کرنے کا منصوبہ ہے۔ اس میں سے 42 گیگاواٹ پہلے ہی مکمل ہو چکا ہے، 85 گیگا واٹ زیر تعمیر ہے، اور 75 گیگا واٹ کی بولی جاری ہے۔ 82 گیگاواٹ بیلنس مقررہ وقت میں منظور کیا جائے گا۔
• ٹرانسمیشن سسٹم میں بہتری: 2024 کے دوران، ٹرانسمیشن لائنوں(220 کے وی  اور اس سے زیادہ ) کی 10273 سی کے ایم ، 71,197 ایم وی اے  تبدیلی کی صلاحیت (220 کے وی  اور اس سے زیادہ) اور 2200 میگاواٹ بین علاقائی منتقلی کی صلاحیت شامل کی گئی ہے۔
• رائٹ آف وے (آر او ڈبلیو) معاوضے کے رہنما خطوط: 2030 تک 500 گیگا واٹ قابل تجدید توانائی کے اخراج کے لیے بجلی کی ترسیل کے بنیادی ڈھانچے کی بروقت ترقی کو یقینی بنانے کے لیے، وزارت بجلی نے جون، 2024 میں راستے کے حق (آر او ڈبلیو) کے رہنما خطوط پر نظر ثانی کی، جس میں معاوضے کو زمین کی مارکٹ قیمت سے  منسلک کیا گیا۔ ٹاور بیس ایریا کے لیے معاوضہ زمین کی قیمت کے 85فیصد سے بڑھا کر 200فیصد کر دیا گیا ہے۔ آر او ڈبلیو کوریڈور کے لیے معاوضہ زمین کی قیمت کے 15فیصد سے بڑھا کر 30فیصد کر دیا گیا ہے۔

تقسیم

• ری ویمپڈ ڈسٹری بیوشن سیکٹرا سکیم(آر ڈی ایس  ایس): آر ڈی ایس  ایس کے تحت جس کا مقصد ڈسکومز کی آپریشنل افادیت اور مالی استحکام کو بہتر بنانا تھا، 19,79,24,902 پری پیڈ اسمارٹ میٹرز، 52,52,692 ڈی ٹی میٹر اور 2,10,704 فیڈر میٹر1,30,670.88 کروڑ  روپےکی لاگت سے منظور کیے گیے ہیں۔1.46 لاکھ کروڑ  روپے کے نقصان میں کمی کے کام کو منظور کیے گیے  ہیں اور آر ڈی ایس ایس  کے تحت نقصان میں کمی کے کاموں کے لیے 18,379.24 کروڑ روپے جاری کیے گئے ہیں۔ اسکیم کے تحت اٹھائے گئے اصلاحاتی اقدامات کے نتیجے میں، اے ٹی اینڈ سی کے نقصانات 15.37فیصد  تک آ گئے ہیں اور اے سی ایس – اے آر آر  کا فرق کم ہو کر مالی سال 2023 میں  0.45 / کے ڈبلیو ایچ  روپے رہ گیا ہے۔
• پی ایم- جن من (پردھان منتری جنجاتی آدیواسی نیا مہا ابھیان) کے تحت خاص طور پر کمزور قبائلی گروپوں (پی وی ٹی جیز) کے سبھی شناخت شدہ گھرانوں کو اور ڈی اے – جے جی یو اے (دھرتی آبا جنجاتیہ گرام اتکرش ابھیان) کے تحت قبائلی گھرانوں کو آر ڈیہ ایس ایس  کے تحت آن -گرڈ  کے ساتھ بجلی کا کنکشن فراہم کیا جا رہا ہے۔ آج تک، ڈی اے – جے جی یو اے  پہل کے تحت شناخت شدہ عوامی مقامات کے ساتھ ساتھ پی وی  ٹی جیز  اور قبائلی برادریوں کے گھرانوں سمیت 9,61,419 گھرانوں کو بجلی فراہم کرنے کے لیے کل 4,355 کروڑ روپے کی منظوری دی گئی ہے۔

توانائی کا تحفظ

• ای وی چارجنگ کے رہنما خطوط: الیکٹرک وہیکل چارجنگ انفراسٹرکچر-2024 کی تنصیب اور آپریشن کے لیے رہنما خطوط جاری کیے گئے ہیں تاکہ ملک گیر منسلک اور انٹر آپریبل ای وی چارجنگ نیٹ ورک کی تخلیق میں مدد ملے۔ اس سے 2030 تک چارجرز کی موجودہ تعداد 34,000 سے بڑھ کر تقریباً 1 لاکھ تک پہنچنے میں مدد ملے گی۔ ان رہنما خطوط سے ایک مضبوط، محفوظ، قابل بھروسہ، اور قابل رسائی ای وی چارجنگ نیٹ ورک، چارجنگ اسٹیشنوں کی عملداری کو بڑھانے، الیکٹرک گاڑیوں کے لیے شمسی توانائی کے استعمال   اور ای وی چارجنگ کی بڑھتی ہوئی مانگ کو سنبھالنے کے لیے بجلی کا گرڈ تیار کرنے کی حوصلہ افزائی کی توقع ہے۔
• پائیدار بلڈنگ کوڈز جاری کیے گئے: ہندوستان نے دو نئے بلڈنگ کوڈ: کمرشل عمارتوں کے لیے توانائی کے تحفظ اور پائیدار بلڈنگ کوڈ (ای سی ایس بی سی ) اور رہائشی عمارتوں کے لیے ایکو نواس سمہتا(ای این ایس)متعارف کروا کر سبز مستقبل  کی طرف ایک اہم قدم اٹھایا ہے۔ نظر ثانی شدہ کوڈز بڑی کمرشل عمارتوں اور کثیر المنزلہ رہائشی کمپلیکس پر لاگو ہوتے ہیں جن پر 100 کلو واٹ یا اس سے زیادہ بجلی کا لوڈ ہوتا ہے، جس کا مطلب ہے کہ کوڈز بڑے دفاتر، شاپنگ مالز اور اپارٹمنٹ کی عمارتوں پر اثر انداز ہوں گے اور 18 فیصد بجلی کی کھپت کو کم کرنے میں مدد کریں گے۔  مزید برآں، اس میں قدرتی کولنگ، وینٹیلیشن، پانی، اور گندے پانی کو ٹھکانے لگانے سے متعلق پائیدار خصوصیات شامل ہیں۔ ریاستیں ان بلڈنگ کوڈز کو اپنا سکتی ہیں۔
• ہندوستانی کاربن مارکیٹ: بجلی کی وزارت نے کاربن کریڈٹ ٹریڈنگ اسکیم کو نوٹیفائی  کیا ہے، جو صنعتوں کو گرین ہاؤس گیسوں کے اخراج کو کم کرنے اور کاربن کریڈٹ حاصل کرنے کے لیے بااختیار بناتی ہے۔ یہ اقدام تبدیلی کی ٹیکنالوجیز میں سرمایہ کاری کو فروغ دیتا ہے، جس سے ہندوستان کو عالمی گرین فنانس میں ایک رہنما کی حیثیت حاصل ہوتی ہے۔ اس کا مقصد اکتوبر 2026 تک لازمی شعبوں کے سرٹیفکیٹس اور اپریل 2026 تک رضاکارانہ شعبوں کے سرٹیفکیٹ کے تبادلے کو فعال کرنا ہے۔
• سب کے لیے سستی ایل ای ڈیز کے ذریعہ انت جیوتی (اجالا): اجالا  پروگرام 2015 میں شروع کیا گیا تھا جس کے تحت ایل ای ڈی بلب، ایل ای ڈی  ٹیوب لائٹس اور توانائی کے موثر پنکھے گھریلو صارفین کو روایتی اور غیر موثر قسموں کے بدلے فروخت کیے جا رہے ہیں۔ اب تک، ای ای ایس ایل  کے ذریعے پورے ہندوستان میں 36.87 کروڑ سے زیادہ ایل ای ڈی بلب، 72.18 لاکھ ایل ای ڈی ٹیوب لائٹس اور 23.59 لاکھ توانائی کی بچت کرنے والے  پنکھے تقسیم کیے جا چکے ہیں۔ اس کے نتیجے میں 9,789 میگاواٹ کی بلند ترین طلب سے بچنے  کے ساتھ سالانہ 48.41 بلین کلو واٹ فی گھنٹہ کی تخمینہ  جاتی  توانائی کی بچت ہوئی ہے، ہر سال 39.22 ملین ٹن سی او 2 کی جی ایچ جی کے اخراج میں کمی اور صارفین کے بجلی کے بلوں میں 19,335 کروڑ روپے  کی تخمینہ جاتی سالانہ مانیٹری بچت ہوئی ہے۔
• اسٹریٹ لائٹنگ نیشنل پروگرام(ایس ایل این پی  ): ایس ایل این پی  کو 2015 میں شروع کیا گیا تھا تاکہ پورے ہندوستان میں روایتی اسٹریٹ لائٹس کوا سمارٹ اور توانائی کی بچت والی ایل ای ڈی اسٹریٹ لائٹس سے بدلا جاسکے۔ آج تک،پورے ہندوستان میں ای ای ایس ایل  نے ی و ایل بیز  اور گرام پنچایتوں میں 1.31 کروڑ سے زیادہ ایل ای ڈی اسٹریٹ لائٹس لگائی ہیں۔ اس کے نتیجے میں 1,471 میگاواٹ کی بلند ترین طلب سے بچنے  کے ساتھ سالانہ 8.82 بلین کلو واٹ فی گھنٹہ توانائی کی بچت ہوئی ہے، جی ایچ جی کے اخراج میں سالانہ 6.08 ملین ٹن سی او 2  کی کمی اور میونسپلٹیوں کے بجلی کے بلوں میں 6,179 کروڑ روپے  کی تخمینہ جاتی  سالانہ مالی بچت ہوئی ہے۔

اصلاحات اور اقدامات

• صارفین کے حقوق کے ضوابط: بجلی کے صارفین کو بااختیار بنانے کے لیے فروری 2024 میں بجلی کے قوانین کو نوٹیفائی کیا گیا تھا۔ یہ فریم ورک ان کے حقوق کا تعین کرتا ہے اور انہیں نافذ کرنے کا طریقہ کار فراہم کرتا ہے۔ یہ قواعد نئے کنکشنز، شکایات کے ازالے، اور بلنگ کی شفافیت جیسی خدمات تک بروقت رسائی کو یقینی بناتے ہیں جبکہ چھت پر شمسی توانائی کو اپنانے اور الیکٹرک وہیکل (ای وی) کے انضمام کی سہولت فراہم کرتے ہیں۔ کلیدی دفعات میں شامل ہیں:

• چھت پر شمسی تنصیب کے عمل کو تکنیکی فزیبلٹی اسٹڈی برائے نظام  10 کلو واٹ تک چھوٹ کے ساتھ آسان بنانا۔
• صاف نقل و حرکت کو فروغ دینے کے لیے ای وی چارجنگ اسٹیشنوں کے لیے الگ کنکشن کی اجازت دینا
•  نئے رابطوں کے لیے ٹائم لائنز کو کم کرنا: میٹرو میں 3 دن، میونسپل علاقوں میں 7 دن، اور دیہی علاقوں میں 15 دن (پہاڑی علاقوں کے لیے 30 دن)۔
• رہائشی کالونیوں میں ، شفافیت اور انصاف کو بڑھاتے ہوئے علیحدہ میٹرنگ اور بلنگ کے لیے صارفین کے حقوق کو لازمی قرار دینا۔
• شکایات کی صورت میں کھپت کی تصدیق کے لیے لازمی چیک میٹر متعارف کروانا۔

• اضافی سرچارج کا خاتمہ: بجلی کے قواعد، 2005 میں 2024 میں ترمیم کی گئی ہے تاکہ کھلی رسائی کے چارجز کو معقول بنایا جا سکے۔ نئے قواعد اب بڑے صارفین (کھلی رسائی والے صارفین) کو پورے ہندوستان میں سستے ترین ذرائع سے بجلی خریدنے کی اجازت دیتے ہیں، نہ صرف اپنے مقامی ڈسٹری بیوشن لائسنس یافتہ سے۔ کچھ ریاستی ریگولیٹرز دوسرے ذرائع سے بجلی خریدنے کے لیے بڑے صارفین سے بھاری رقم وصول کرتے ہیں۔ ان چارجز کو کم کرنے کی کوشش میں، عائد اضافی سرچارج کو اب بتدریج کم کیا جا رہا ہے اور اسے چار سال کے اندر مکمل طور پر ختم کر دیا جائے گا۔ اہم بات یہ ہے کہ بڑے صارفین جنہوں نے اپنے ڈسٹری بیوشن لائسنس یافتہ سے کبھی بجلی نہیں خریدی انہیں اضافی سرچارج ادا کرنے کی ضرورت نہیں ہے۔

• کمپیوٹر سیکیورٹی انسیڈینٹ رسپانس ٹیم – پاور (سی ای آئی آر ٹی - پاور): مرکزی وزیر برائے بجلی نے ستمبر 2024 میں کمپیوٹر سیکیورٹی انڈسنٹ ریسپانس ٹیم – پاور (سی ای آئی آر ٹی - پاور) سہولت کا افتتاح کیا۔  ترقی یافتہ بنیادی ڈھانچے، جدید  ترین سائبر سکورٹی آلات اور کلیدی  وسائل سے  لیس سی ای آئی آر ٹی - پاور اب ابھرتے ہوئے سائبر خطرات سے نمٹنے کے لیے اچھی طرح سے تیار ہے۔ ماہرین کی ایک سرشار ٹیم کے ساتھ، یہ سیکٹر کے سائبر دفاع، واقعات کے ردعمل کو مربوط کرنے، ایک مضبوط سائبر سیکیورٹی فریم ورک قائم کرنے، اور مجموعی تیاری اور لچک کو بڑھانے کے لیے اہم اقدامات کو نافذ کرنے کے لیے ایک سنگ بنیاد بننے کے لیے تیار ہے۔

* فراہم کردہ ڈیٹا نومبر 2024 تک ہے۔

********

ش ح۔ا ک۔ رب

U-4755