10 സംസ്ഥാനങ്ങളിലെയും 2 കേന്ദ്രഭരണ പ്രദേശങ്ങളിലെയും 200 ജില്ലകളിലുള്ള 46,000 ഗ്രാമങ്ങളിലെ വസ്തു ഉടമകൾക്ക് സ്വാമിത്വ സ്കീമിന് കീഴിലുള്ള 50 ലക്ഷത്തിലധികം പ്രോപ്പർട്ടി കാർഡുകൾ പ്രധാനമന്ത്രി ശ്രീ നരേന്ദ്ര മോദി ഡിസംബർ 27 ന് ഉച്ചയ്ക്ക് 12:30 ന് വീഡിയോ കോൺഫറൻസിംഗ് വഴി വിതരണം ചെയ്യും.

അത്യാധുനിക സർവേയിംഗ് ഡ്രോൺ സാങ്കേതികവിദ്യയിലൂടെ ഗ്രാമങ്ങളിലെ ജനവാസ മേഖലകളിലെ വീടുകൾക്ക് ‘റെക്കോർഡ് ഓഫ് റൈറ്റ്സ്’ നൽകിക്കൊണ്ട് ഗ്രാമീണ ഇന്ത്യയുടെ സാമ്പത്തിക പുരോഗതി വർധിപ്പിക്കുക എന്ന കാഴ്ചപ്പാടോടെയാണ് പ്രധാനമന്ത്രി സ്വാമിത്വ (SVAMITVA) പദ്ധതി ആരംഭിച്ചത്.

സ്വത്തുക്കളുടെ ധനസമ്പാദനം സുഗമമാക്കുന്നതിനും ബാങ്ക് ലോണുകൾ വഴി സ്ഥാപനപരമായ ധനസഹായം സാധ്യമാക്കുന്നതിനും ഈ പദ്ധതി സഹായിക്കുന്നു; സ്വത്തുമായി ബന്ധപ്പെട്ട തർക്കങ്ങൾ കുറയ്ക്കൽ; ഗ്രാമപ്രദേശങ്ങളിലെ വസ്തുവകകളുടെയും വസ്തുനികുതിയുടെയും മെച്ചപ്പെട്ട വിലയിരുത്തൽ സുഗമമാക്കുകയും സമഗ്രമായ ഗ്രാമതല ആസൂത്രണം സാധ്യമാക്കുകയും ചെയ്യുന്നു.

3.1 ലക്ഷം ഗ്രാമങ്ങളിൽ ഡ്രോൺ സർവേ പൂർത്തിയായി. ലക്ഷ്യമിട്ട ഗ്രാമങ്ങളുടെ 92 ശതമാനവും ഇതിൽ ഉൾപ്പെടുന്നു. 1.5 ലക്ഷം ഗ്രാമങ്ങൾക്കായി ഇതുവരെ 2.2 കോടി പ്രോപ്പർട്ടി കാർഡുകൾ തയ്യാറാക്കിയിട്ടുണ്ട്.

ത്രിപുര, ഗോവ, ഉത്തരാഖണ്ഡ്, ഹരിയാന എന്നിവിടങ്ങളിൽ പദ്ധതി പരിപൂർണതയിൽ എത്തിയിട്ടുണ്ട്. മധ്യപ്രദേശ്, ഉത്തർപ്രദേശ്, ഛത്തീസ്ഗഡ് സംസ്ഥാനങ്ങളിലും നിരവധി കേന്ദ്രഭരണ പ്രദേശങ്ങളിലും ഡ്രോൺ സർവേ പൂർത്തിയായി.

****

NK