سال 2024 کے دوران وزارت سیاحت کے اہم اقدامات اور کامیابیاں درج ذیل ہیں:

بنیادی ڈھانچہ کی ترقی

وزارت سیاحت نے سودیش درشن اسکیم کے تحت 5287.90 کروڑ روپے کی رقم کے کل 76 پروجیکٹوں کو منظوری دی ہے، جن میں سے 75 پراجیکٹس مکمل ہوچکے ہیں۔

تیرتی جھونپڑیاں اور اکو رومز، اتراکھنڈ

سیاحت کی وزارت نے اپنی سودیش درشن اسکیم کو سودیش درشن 2.0  کے طور پر تبدیل کیا ہے جس کا مقصد سیاحتی اور مقامات پر مرکوز نقطہ نظر کے بعد پائیدار اور ذمہ دار مقامات کو تیار کرنا ہے۔سودیش درشن 2.0 کے تحت 793.20 کروڑ روپے کے 34 پروجیکٹوں کی منظوری دی گئی ہے۔

وزارت سیاحت نے پرشاد اسکیم کے تحت 1646.99 کروڑ روپے کے کل 48 پروجیکٹوں کو منظوری دی ہے، جن میں سے 23 پروجیکٹ مکمل ہو چکے ہیں۔

کسم سروور، گووردھن، یوپی میں روشنی

 اسسٹنس ٹو سینٹرل ایجنسیز اسکیم کے تحت 937.56 کروڑ روپے کے کل 65 پروجیکٹوں کو منظوری دی گئی ہے، جن میں سے 38 پروجیکٹ مکمل ہو چکے ہیں۔

سیاحت کی وزارت نے سیاحتی ویلیو چین کے تمام مقامات پر سیاحتی تجربے کو بڑھانے کے لیے سودیش درشن 2.0 اسکیم کی ذیلی اسکیم کے طور پر ’چیلنج بیسڈ ڈیسٹینیشن ڈیولپمنٹ‘ کے لیے رہنما خطوط وضع کیے ہیں۔ اس اسکیم کے تحت چار موضوعاتی زمروں کے تحت تجاویز طلب کی گئی ہیں (الف) روحانی سیاحت، (ب) ثقافت اور ورثہ، (ج) وائبرنٹ ولیج پروگرام، (د) ماحولیاتی سیاحت اور امرت دھروہرمقامات ہیں۔ سیاحت کی وزارت نے اسکیم کے تحت ترقی کے لیے مختلف سیاحتی موضوعات کے تحت 42 مقامات کا انتخاب کیا ہے۔

بجٹ کے اعلانات 2024-25 کی پیروی کے طور پر، 23 ریاستوں میں کل 40 پروجیکٹوں کو 2000000 روپے کی رقم سے منظوری دی گئی ہے۔ 3295.76 کروڑ روپے کی سرمایہ کاری کے لیے ریاستوں کے لیے خصوصی مدد کے تحت  ملک میں مشہور سیاحتی مراکز کی جامع ترقی اور برانڈنگ کے لیے ریاستوں کو 50 سال کی مدت کے لیے طویل مدتی سود سے پاک قرضے دینے کے لیے عالمی پیمانے پر مشہور سیاحتی مراکز کی ترقی اور عالمی سطح پر ان کی مارکیٹنگ کی جارہی ہے۔

تشہیراور مارکیٹنگ

سیاحت کی وزارت نے 23 سے 31 جنوری 2024 تک یوم جمہوریہ کی تقریبات کے ایک حصے کے طور پر لال قلعہ کے میدان، دہلی میں ’بھارت پرب‘ تقریب کا انعقاد کیا۔ ملک کے متنوع سیاحتی مقامات کو دکھانے کے لیے ریاستوں/ مرکز کے زیر انتظام علاقوں کے موضوعاتی پویلین قائم کیے گئے تھے۔ مختلف علاقائی ثقافتی انجمنوں کی جانب سے ثقافتی کارکردگی کا بھی اہتمام کیا گیا۔ اس تقریب نے ملک بھر سے مقامی کاریگروں کی شرکت کے ذریعے اپنی مصنوعات کی نمائش اور فروخت کے ذریعے ووکل فار لوکل کو فروغ دیا۔

بھارت پرب 2024

 'دیکھو اپنا دیش پیوہلز چوائس  2024' کا آغاز کیا۔ 5 زمروں کے تحت پسندیدہ ترین سیاحتی مقامات کی شناخت کے لیے ایک ملک گیر سروےکرایاگیا۔ یہ مشن کے طور پر ترقی کے لیے پرکشش مقامات اور منزلوں کی نشاندہی کرنے کی بھی ایک کوشش ہے، جس سےوکست بھارت 2047 کی طرف بھارت کے سفر میں مدد ملتی ہے۔

سیاحت کی وزارت، وزارت تعلیم کے ساتھ مل کر کیندریہ ودیالیہ (کے وی) اور نوودیا ودیالیہ (این وی) اسکولوں کے لیے ملک گیر دیکھو اپنا دیش اسکول مقابلہ منعقد کر رہی ہے۔ طلباء سے توقع کی جاتی ہے کہ وہ اپنے ضلع کے سیاحتی مقامات، مقامات، تجربات، اور دیگر پیشکشوں کا فزیکل بروشر بنائیں۔ اس اقدام کا مقصد طلباء کو ملک کے ہر ضلع میں موجود سیاحتی عجائبات اور پرکشش مقامات کے بارے میں آگاہ کرنا ہے۔

چلو انڈیا گلوبل ڈائیسپورا مہم شروع کی گئی تھی تاکہ بھارتیہ تارکین وطن ناقابل یقین بھارت کے سفیر بن سکیں۔ یہ مہم اتلیہ  اور وکست بھارت کے لیے جن بھاگیداری کے جذبے سے چلائی گئی ہے تاکہ بھارتیہ تارکین وطن کو ہر سال اپنے 5 غیربھارتیہ دوستوں کو بھارت کا سفر کرنے کی دعوت دینے کی ترغیب دی جائے۔ 'چلو انڈیا' مہم کے تحت بھارت آنے والے غیر ملکی سیاحوں کے لیے ایک لاکھ مفت ای ویزا کا اعلان رواں مالی سال کے بقیہ حصے کے لیے کیا گیا ہے۔

جولائی 2024 میں بھارت منڈپم، نئی دہلی میں منعقدہ عالمی ثقافتی ورثہ کمیٹی کے 46 ویں اجلاس کے موقع پر، بھارت کے شاندار ثقافتی ورثے، قدیم تہذیب، جغرافیائی تنوع، جدیدترقی کے ساتھ ساتھ سیاحت میں پوشیدہ جواہرات کو اجاگر کرنے کے لیے مندوین کیلئے بھارت منڈپم میں ایک 'انکریڈیبل انڈیا' نمائش لگائی گئی ۔ تمام 36 ریاستوں اور مرکز کے زیر انتظام علاقوں کے ساتھ ساتھ 10 مرکزی وزارتوں اور محکموں نے نمائش میں اپنی پیشکش کی نمائش کی ۔ اس کے علاوہ، وزارت نے دہلی شہر میں مندوبین کے لیے ہیریٹیج واک اور دوروں کا بھی اہتمام کیا۔

انڈیا نمائش۔

 عالمی ثقافتی ورثہ کمیٹی کا اجلاس

نائب صدر جمہوریہ ہند نے 27 ستمبر 2024 کو نئی دہلی میں وزارت سیاحت کے زیر اہتمام عالمی یوم سیاحت کی تقریبات میں شرکت کی۔ اس سال سیاحت کے عالمی دن کا تھیم ’’سیاحت اور امن‘‘ تھا۔ اس تقریب میں شہری ہوا بازی کے مرکزی وزراء، مرکزی وزیر برائے سیاحت و ثقافت، وزیر مملکت برائے سیاحت، پٹرولیم اور قدرتی گیس، بھارت میں مختلف غیر ملکی مشنوں کے سفیر، حکومت ہند کی مختلف وزارتوں اور محکموں کے سینئر عہدیداروں  ریاستی/ مرکز کے زیر انتظام حکومتوں کے حکام، سفری تجارت اور مہمان نوازی کی صنعت نے بھی شرکت کی۔

انکریڈیبل انڈیا کنٹنٹ ہب دنیا بھر میں سفر اور سیاحت کی صنعت کو اعلیٰ معیار کی تصاویر، ویڈیوز اور دیگر معلومات تک رسائی فراہم کرنے کے لیے شروع کیا گیا تھا جس کی انہیں ناقابل یقین بھارت کو فروغ دینے کے لیے درکار ہو سکتی ہے۔

وزارت سیاحت بھارت کی شمال مشرقی ریاستوں کی سیاحت کی صلاحیت کو ظاہر کرنے کے لیے شمال مشرقی خطہ میں بین الاقوامی سیاحتی مارٹ (آئی ٹی ایم) کا انعقاد کر رہی ہے۔ بین الاقوامی سیاحتی مارٹ (آئی ٹی ایم) کا 12 واں ایڈیشن 26 سے 29 نومبر 2024 تک آسام کے قاضی رنگا میں منعقد ہوا۔

بارہویں آئی ٹی ایم، قاضی رنگا، 2024

 وزارت سیاحت بھارت کے سیاحتی مقامات اور مصنوعات کی نمائش کے لیے بیرون ملک منڈیوں میں منعقد ہونے والے سفری میلوں/نمائشوں میں حصہ لیتی ہے۔ اس سال کے دوران، وزارت سیاحت نے کئی بین الاقوامی نمائشوں میں شرکت کی ہے جن میں آئی ٹی بی  برلن، ایم آئی ٹی ٹی ماسکوکے علاوہ فتور میڈرڈ،اے ٹی ایم دوبئی،آئی ایم ای ایکس فرینکفرٹ،پی اے ٹی اے ٹریول مارٹ،جاپان توڑزم ایکسپو،آئی ایف ٹی ایم ریسا،ڈبلیو ٹی ایم لندن شامل ہیں۔

فتور میں انڈیا پویلین

سیاحت کے اعدادوشمار

دوہزار تئیس کے دوران بھارت میں بین الاقوامی سیاحوں کی آمد18.89 ملین تھی۔

دوہزار تئیس کے دوران بھارت میں غیر ملکی سیاحوں کی آمد 9.52 ملین تھی۔

دوہزار تئیس کے دوران سیاحت کے ذریعے غیر ملکی زرمبادلہ کی آمدنی 231927 کروڑ روپے تھی۔

دوہزارتئیس کے دوران بھارت میں گھریلو سیاحوں کے دورے 2509 ملین تھے۔

میٹنگز اور کانفرنسز

سیاحت کی وزارت نے 22 اگست، 2024 سے 9 ستمبر، 2024 تک چنڈی گڑھ، گوا، شیلانگ اور بنگلور میں چار علاقائی ریاستوں/مرکز کے زیر انتظام علاقوں کے وزرائے سیاحت کی کانفرنسوں کا انعقاد کیا تاکہ

 Viksit Bharat@2047

کے لیے سیاحت کے شعبے کے وژن پر غور کیا جا سکے۔

جنوبی ریاستوں/ مرکز کے زیر انتظام علاقوں کے وزرائے سیاحت کی کانفرنس

پائیدار ترقی

سیاحت کی وزارت نے بہترین سیاحتی گاؤں مقابلہ 2024 کے دوسرے ایڈیشن کا آغاز کیا جس کا مقصد ان دیہاتوں کو تسلیم کرنا ہے جو سیاحتی مقام کی بہترین مثال ہیں۔ یہ مقابلہ ریاستوں، صنعت اور سیاحت کے دیگر اسٹیک ہولڈرز کے اشتراک سے منعقد کیا گیا تھا۔ بہترین سیاحتی دیہات مقابلہ 2024 کے 8 زمروں میں 36 گاؤں کو فاتح کے طور پر تسلیم کیا گیا۔

مہارت کی ترقی

 سیاحت کی وزارت نے 27 ستمبر 2024 کو عالمی یوم سیاحت کے موقع پر 'پریتن متر اور پریتن دیدی' کے نام سے’سیاح دوست ‘ لوگوں سےملاقات کے ذریعہ جو اپنی منزل کے لیے فخریہ سفیر اور کہانی سنانے والے ہیں، کے ذریعہ ایک قومی ذمہ دار سیاحتی پہل شروع کی تاکہ سیاحت کو سماجی شمولیت، روزگار اور اقتصادی ترقی کے ساتھ ساتھ مجموعی طور پر بلندی کے لیے ایک مہمز کے طور پراستعمال کیا جاسکے۔

سیاحت کی وزارت نے 8 سرکردہ ہاسپٹالٹی چین اور ہوٹل مینجمنٹ کے 21 اداروں کے درمیان مفاہمت کی یادداشتوں (ایم او یوز) پر دستخط کیے ہیں۔ اس شراکت داری کا مقصد نجی ہوٹل چینز کی مہارت سے فائدہ اٹھانا ہے تاکہ طلباء کو انڈسٹری کے بہترین طریقوں سے آگاہ کیا جا سکے، ان کی ملازمت میں اضافہ ہو اور اس بات کو یقینی بنایا جا سکے کہ بھارت آنے والے سیاح اعلیٰ معیار کی خدمات حاصل کریں۔

کاروبار کرنے میں آسانی

سیاحت کی وزارت نے سیاحت اور مہمان نوازی کے شعبے کے لیے 'صنعت کا درجہ' دینے اور لاگو کرنے میں ریاستوں/مرکز کے زیر انتظام علاقوں کی کوششوں کی حمایت کرنے کے لیے ایک قدم بہ قدم گائیڈ پیش کیا ہے جس کا مقصدریاستوں/ مرکز کے زیر انتظام علاقوں میں زیادہ سرمایہ کاری کو راغب کرنا اور اس شعبے میں ملازمت کے مواقع پیدا کرنا ہے۔

***

(ش ح۔اص)

UR No.4555