কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা ঙসি ত্রিপুরাগী ধালাইদা লুপা করোর 668 হেনবগী তোঙান তোঙানবা দিবেলপমেন্ত প্রোজেক্তশিং শঙ্গাখ্রে অমসুং উরেপ উয়ুংসু তমখ্রে। শ্রী অমিত শাহনা ধালাইদা লৈবা হাদুকলৌ পরা ব্রু সেত্তলমেন্ত কোলোনী (BRUHA PARA)দা ব্রু রিয়াং কাংলুপকা ৱারী শানখি অমসুং মখোয়গী য়ুমদা চৎতুনা মখোয়গা উনখি। থৌরম অসিদা ত্রিপুরাগী মুখ্য মন্ত্রী প্রো. (দাক্তর) মনিক সাহা, কেন্দ্রগী হোম সেক্রেতরী, ইন্তেলিজেন্স ব্যুরোগী দাইরেক্তর অমসুং ব্যুরো ওফ পুলিস রিসর্চ এন্দ দিবেলপমেন্ত (BPR&D)গী দাইরেক্তর জেনরেলসু শরুক য়াখি।

মহাক্কী ৱারোলদা, কেন্দ্রগী গৃহ মন্ত্রীনা হায়খি মদুদি প্রধান মন্ত্রী শ্রী নরেন্দ্র মোদীগী লুচিং মখাদা কেন্দ্র সরকারনা ব্রু রিয়াং কাংলুপকী মীওই 38,000 গী সেতলমেন্তকী খুদোংচাবশিং ফংহনখ্রে। মহাক্না হায়খি মদুদি চহি 25 রোমগী মমাংদা, য়াম্না অৱাবা ফীভমদা হিংলমখিবা ব্রু রিয়াংগী ইচিল-ইনাওশিংনা ঈশিং, তোইলেত, ইলেক্ত্রিসিতী, এজুকেসন, এমপ্লোইমেন্ত অমসুং হকশেলগী সেক্তরগুম্বা মরুওইবা খুদোংচাবশিং ফংখিদে। মহাক্না হায়খি মদুদি মফম অসিদা মতম শাংনা লৈঙাক্লম্বা মীওইশিংনা ব্রু রিয়াং মীয়ামগী অৱা-অনা উখিদে, অদুবু মোদী জীনা উখি, খঙখি অমসুং মখোয়গী অৱা-অনা অদু কোকহনখি। শ্রী শাহনা পনখি মদুদি ত্রিপুরাদা অহোংবা লাকপা মতমদা অমসুং মখোয়গী পার্তীনা সরকার শেমখিবা মতমদা, মতম অদুদা কেন্দ্রদা নরেন্দ্র মোদীজীগী সরকারসু লৈরম্মি। মহাক্না হায়খি মদুদি মতম অদুদা তৌখিবা এগ্রীমেন্তকী মতুং ইন্না, মীওই 40,000বু অমুক হন্না খুন্দা লৈতাহনবা ঙমখি অমসুং থবক ফংহন্নবা, হকশেলগী লমদা মতেং পাংনবা, মহৈ তম্বগী লমদা মতেং পাংনবা, থক্নবা ঈশিং, তোইলেৎ অমসুং নুপীশিংগী কোওপরেতিবশিংগী প্রোভিজনশিং শেমগৎপা ঙমখি। মহাক্না মখা তাখি মদুদি মমাংগী সরকারগী মতমদা, স্কিম কয়া অমা শেমখি, অদুবু মখোয়শিং অদু তশেংনা থবক ওইনা পাংথোকপা ঙমখিদে।

শ্রী অমিত শাহনা হায়খি মদুদি প্রধান মন্ত্রী মোদীনা ব্রু রিয়াংগী ইচিল-ইনাওশিংগীদমক থৌরাং অমা শেমখিবতা নত্তনা1998দগী য়াম্না ফীভম চাদবা পুন্সি মরেল অমদা হিংলমখিবশিং অসি লুপা করোর 900গী শেনফম চংনা খুঙ্গং 11সু খুন্দা লৈতাহনখি। মহাক্না হায়খি মদুদি খুঙ্গংশিং অসিদা হৌজিক মৈ, লম্বী-থোং, থক্নবা ঈশিং, কনেক্তিবিতী, সোলর স্ত্রীত লাইৎ, সবসিদী পীবা শঙ্গোমগী দুকান, অঙ্গনৱাদী স্কুল অমসুং হকশেলগী সেন্তরশিং লৈরে। প্রধান মন্ত্রী মোদীজীনা লৈবাক অসিগী অতোপ্পা নাগরিকশিংগুম্না, কোলোনী 11 অসিদা লৈরিবা মীওইশিংদা হকশিং ফংহনখ্রে।  শ্রী শাহনা মখা তাখি মদুদি মীওইশিং অসি ভোতর লিস্ততা য়াওরে অমসুং মোদী সরকারনা মখোয়দা রাসন কার্দশিং, হেল্থ কার্দশিং অমসুং কোওপরেতিবশিংসু ফংহল্লি। মহাক্না মখা তারদুনা হায়খি মদুদি মীওইশিং অসিনা হৌজিক 1200 sq.ft.গী লম লৈরে অমসুং ভারত সরকারগী মতেংগা লোয়ননা মখোয়গী য়ুমশিং শেমগৎলে। মসিগী মথক্তা, মোদী সরকারনা মখোয়দা থা 24গী ওইনা থা খুদিংগী লুপা 5000গী মতেং পীরি।

কেন্দ্রগী গৃহ মন্ত্রী অমসুং কোওপরেসন মন্ত্রীনা হায়খি মদুদি মমাংগী সরকারগী মতমদা, মীওই 2.5% খক্তনা থক্নবা ঈশিং ফংলম্মি, অদুগা ঙসিদি ইমুংশিংগী 85%দা থক্নবা ঈশিং ফংলে। মমাংদা, লাইরবা মীওই অমত্তনা লেম্না রাসন ফংখিদে, অদুবু ঙসিদি, মোদী জীগী লুচিং মখাদা ত্রিপুরাদা লৈরিবা মীওই 82%না লেম্না চাউল 5kg ফংলি। শ্রী শাহনা হায়খি মদুদি মোদী সরকারনা ত্রিপুরাদা লৈরিবা মীওই 80%গীদমক লুপা লাখ 5 ফাওবগী হেল্থকেয়রগী শেনফম পুম্নমক কোনশিল্লি। ত্রিপুরাদা ইনভেস্তমেন্ত লাক্লি, লম্বী শেম্লে, অমসুং মৈ অমসুং তোইলেৎ অসি য়ুমথোং খুদিংদা ফংলে হায়না মহাক্না মখা তাখি। ত্রিপুরাদা স্কুল দ্রোপ আউৎকী চাং অসি চাদা 3গী মখাদা হন্থখ্রে অমসুং এনরোলমেন্ত অসি চাদা 67দগী চাদা 99.5দা হেনগৎখ্রে। শ্রী শাহনা হায়খি, মোদী সরকার অমসুং ত্রিপুরা সরকারনা উৎখ্রে মদুদি দেমোক্রেসীদা থাজবা থম্বা মীওইশিংনা লৈঙাক পায়রকপা মতমদা, মসিনা লৈবাক অমসুং রাজ্যগী চাউখৎপা পুরক্কনি। কেন্দ্রদা নরেন্দ্র মোদীজীগী সরকার অমসুং শ্রী বিপ্লব দেবজীগী সরকার অমসুং হৌজিক প্রোফেসর (দাক্তর) ত্রিপুরাদা মানিক সাহা জীগী সরকারনা থবক তৌদুনা চাউখৎ থৌরাংগী থবকশিং মাংলোমদা চংশিল্লি হায়না ফোংদোকখ্রে। মা ত্রিপুরা সুন্দরীগী চাউরবা লাইশঙ অমা শাগৎপগী থবক চত্থরি। মসিনা মালেম পুম্বদগী লাকপা ভক্তাশিংদা লাইরেম্বী অসিগী দর্শন ফংহনবদা হেন্না লায়থোকহল্লগনি।

শ্রী অমিত শাহনা হায়খি ঙসিদি ত্রিপুরাদা শান্তি লৈরে অমসুং হিংসা লোইখ্রে। মহাক্না হায়খি, মোদী সরকারনা ত্রিপুরাগী লালহৌলুপকা অহুম অমসুং ব্রু রিয়াং কম্ম্যুনিতীগা লোয়ননা য়ান্ন-ৱারোল অমা শেমদুনা রাজ্য অসিদা শান্তি অমুক হন্না পুরকখি। মহাক্না মখা তারদুনা হায়খি ঙসিদি ত্রিপুরা অসি মোদী জীনা উৎখিবা চাউখৎপগী লম্বীদা শান্তিগা লোয়ননা মাংলোমদা চংশিল্লি।

কেন্দ্রগী গৃহ মন্ত্রী অমসুং কোওপরেসন মন্ত্রীনা ঙসি আগরতলাদা সেন্ত্রেল দিতেক্তিব ত্রেনিং ইন্সতিত্যুৎ (CDTI) য়াওনা চাউখৎ-থৌরাংগী প্রোজেক্ত কয়াগীদমক উরেপ উয়ুং তমখ্রে। গৃহ মন্ত্রালয়না লৌখৎলিবা মরুওইবা খোঙথাং অসিগী পান্দমদি অৱাং-নোংপোক লমদম অমসুং য়ুম্লোন্নরিবা লৈবাকশিংদা সেক্যুরিতী মপাঙ্গল কনখৎহনবা অমসুং পুলিসকী থবকশিংদা অৱাংবা থাক্কী থাকশিং শেমগৎপনি। শিল্লোংদা পাংথোকখিবা নোর্থ ইস্তর্ন কাউন্সিল (NEC) গী 69শুবা প্লেনরী সেসনগী মনুংদা, অৱাং-নোংপোক লমদমগী তোপ তোপ্পা সেক্যুরিতী চেলেঞ্জশিং নৈননবা এজুকেস্নেল ইন্সতিত্যুসনশিংগা খুৎশম্নদুনা একাদেমিক রিসর্চ সেন্তর অমা লিংখৎনবা রিকম্মেন্দেসন অমা পীখিবা অসি পুক্নিং চিংশিন্নীংঙাইনি।

ইন্সতিত্যুৎ অসিগীদমক্তা ত্রিপুরা সরকারনা নোংচুপ ত্রিপুরা জিলাগী জিরানিয়া সব-দিভিজনদা একর 9.57গী লম এলোকেৎ তৌখ্রে। গৃহ মন্ত্রালয়না ইনফ্রাস্ত্রকচর শেমগৎনবা লুপা করোর 120 অয়াবা পীখ্রে। এলোকেৎ তৌরবা লমগী দিজিতেল সর্ভে লোইশিনখ্রে। আগরতলাদা লৈবা CDTIনা চহিগী ওইনা অৱাং-নোংপোক্কী রাজ্যশিং অমসুং সেন্ত্রেল আর্মদ পুলিস ফোর্সেস (CAPF) গী মীওই 6,000 হেন্না ত্রেনিং পীগনি। ইন্সতিত্যুৎ অসিদা এদভান্স তৌরবা ক্লাস রুমশিং, সিমুলেসন লেবশিং, IT দেতা সেন্তরশিং, অমসুং প্রেক্তিকেল ত্রেনিং এরিয়াশিংগুম্বা স্তেত ওফ দি আর্ত ফেসিলিতীশিং লৈগনি। মসিনা পুলিস পর্সনেলশিংদা মোদর্ন স্কিলশিং ফংহনগনি।

ইন্সতিত্যুৎ অসিনা অৱাং-নোংপোক্কী লমদমদা ইন্তর্নেল অমসুং নেস্নেল সেক্যুরিতীগী ইসুশিংদা অৱাংবা থাক্কী ত্রেনিং অমসুং রিসর্চ ফেসিলিতীশিং ফংহল্লগনি। ইন্সতিত্যুৎ অসিদা একাদেমিক রিসর্চ সেন্তর অমসু লৈগনি, মসিনা একাদেমিক ইন্সতিত্যুসনশিংগা খুৎশম্নদুনা, তেরোরিজম থেংনবা খোঙথাংশিং, ঙমখৈ মেনেজমেন্ত, হ্যুমেন ত্রাফিক্কিং, দ্রগ ত্রাফিক্কিং, ইলিগেল মাইগ্রেসন, অমসুং খুৎলায় স্মগলিং তৌবা অসিনচিংবা মরুওইবা সেক্যুরিতীগী শীংনবশিং নৈনগনি।

আগরতলাদা লিংখৎলিবা CDTIনা পুলিস ফোর্সশিংগী কেপাসিতী হেনগৎহনবতা নত্তনা ঙমখৈ লান্না লৈবা সেক্যুরিতীগী শীংনবশিংবু মওং চুম্না থেংননবা ইন্তর্নেস্নেল কোওপরেসনসু প্রমোৎ তৌগনি।

*****