ಭಾರತದ ರಾಷ್ಟ್ರಪತಿ ಶ್ರೀಮತಿ ದ್ರೌಪದಿ ಮುರ್ಮು ಅವರು ಇಂದು (ಡಿಸೆಂಬರ್ 17, 2024) ಆಂಧ್ರಪ್ರದೇಶದ ಮಂಗಳಗಿರಿಯ ಏಮ್ಸ್‌  ನ ಮೊದಲ ಘಟಿಕೋತ್ಸವ ಸಮಾರಂಭದಲ್ಲಿ ಭಾಗವಹಿಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಭಾರತದ ರಾಷ್ಟ್ರಪತಿಯವರು, "ಯಾವುದೇ ಉನ್ನತ ಶಿಕ್ಷಣ ಸಂಸ್ಥೆಯ ಆರಂಭಿಕ ಬ್ಯಾಚ್ ಆ ಸಂಸ್ಥೆಯ ಗುರುತನ್ನು ಸೃಷ್ಟಿಸುತ್ತದೆ.  ಮೊದಲ ಬ್ಯಾಚ್‌ ನ ಎಂ.ಬಿ.ಬಿ.ಎಸ್.  ಪದವೀಧರರಿಗೆ ಅವರು ವೈದ್ಯಕೀಯ ಭ್ರಾತೃತ್ವ, ಸಮಾಜ, ದೇಶ ಮತ್ತು ವಿದೇಶಗಳಲ್ಲಿ ಮಂಗಳಗಿರಿಯ ಏಮ್ಸ್‌ ನ ಮೊದಲ ಬ್ರಾಂಡ್ ಅಂಬಾಸಿಡರ್‌ ಗಳಾಗಿದ್ದಾರೆ" ಎಂದು ಹೇಳಿದರು.

"ವೈದ್ಯಕೀಯ ವೃತ್ತಿಯನ್ನು ಆಯ್ಕೆ ಮಾಡಿಕೊಳ್ಳುವ ಮೂಲಕ ಮಾನವೀಯತೆಯ ಸೇವೆಯ ಮಾರ್ಗವನ್ನು ಆರಿಸಿಕೊಂಡಿದ್ದೀರಿ. ಯಶಸ್ಸು ಮತ್ತು ಗೌರವವನ್ನು ಸಾಧಿಸಲು ಮೂರು ಸಾಮಾನ್ಯ ವಿಷಯಗಳಿಗೆ ಗಮನ ಕೊಡಲು ಅವರು ವೈದ್ಯರಿಗೆ ಸಲಹೆ ನೀಡಿದರು - ಸೇವಾ ದೃಷ್ಟಿಕೋನ, ಕಲಿಕೆಯ ದೃಷ್ಟಿಕೋನ ಮತ್ತು ಸಂಶೋಧನಾ ದೃಷ್ಟಿಕೋನ.  ಖ್ಯಾತಿ ಮತ್ತು ಅದೃಷ್ಟದ ನಡುವೆ ಆಯ್ಕೆ ಮಾಡಬೇಕಾದರೆ, ಅವರು ಖ್ಯಾತಿಗೆ ಆದ್ಯತೆ ನೀಡಬೇಕು" ಎಂದು ರಾಷ್ಟ್ರಪತಿಯವರು ನೂತನ ವೈದ್ಯರಿಗೆ ತಿಳಿಸಿದರು.   

"ಭಾರತೀಯ ವೈದ್ಯರು ತಮ್ಮ ಪ್ರತಿಭೆ ಮತ್ತು ಕಠಿಣ ಪರಿಶ್ರಮದ ಆಧಾರದ ಮೇಲೆ ವಿಶ್ವದ ಅಭಿವೃದ್ಧಿ ಹೊಂದಿದ ದೇಶಗಳಲ್ಲಿ ಅಗ್ರಸ್ಥಾನವನ್ನು ಸಾಧಿಸಿದ್ದಾರೆ.  ಸಮಕಾಲೀನವಾಗಿ ಇಲ್ಲಿ ಲಭ್ಯವಿರುವ ವೈದ್ಯಕೀಯ ಸೌಲಭ್ಯಗಳ ಲಾಭ ಪಡೆಯಲು ಬೇರೆ ದೇಶಗಳ ಜನರು ಭಾರತಕ್ಕೆ ಭೇಟಿ ನೀಡುತ್ತಾರೆ.  ವಿಶ್ವ ಮಟ್ಟದಲ್ಲಿ ಭಾರತವು ಕೈಗೆಟುಕುವ ವೈದ್ಯಕೀಯ ಪ್ರವಾಸೋದ್ಯಮದ ಪ್ರಮುಖ ಕೇಂದ್ರವಾಗಿ ಅಭಿವೃದ್ಧಿ ಹೊಂದುತ್ತಿದೆ ಮತ್ತು ಈ ಬೆಳವಣಿಗೆಯಲ್ಲಿ ವೈದ್ಯರ ಪ್ರಮುಖ ಪಾತ್ರವಿದೆ " ಎಂದು ರಾಷ್ಟ್ರಪತಿಯವರು ಹೇಳಿದರು 

"ನಮ್ಮ ಸಂಪ್ರದಾಯದಲ್ಲಿ ದೀರ್ಘಾಯುಷ್ಯಕ್ಕಾಗಿ ಮತ್ತು ರೋಗಮುಕ್ತ ಮತ್ತು ಆರೋಗ್ಯವಂತರಾಗಿ ಉಳಿಯಲು ಪ್ರಾರ್ಥನೆಗಳನ್ನು ಸಲ್ಲಿಸಲಾಗುತ್ತದೆ.  ಜೀವನ ಮತ್ತು ಆರೋಗ್ಯ ಪರಸ್ಪರ ಸಂಬಂಧ ಹೊಂದಿದೆ.  ಈ ವಿಧಾನವು ಸಮಗ್ರ ಆರೋಗ್ಯದ ಮೇಲೆ ಕೇಂದ್ರೀಕರಿಸುತ್ತದೆ. ಮಂಗಳಗಿರಿಯ ಏಮ್ಸ್ ನ ಧ್ಯೇಯವಾಕ್ಯ ‘ಸಕಲ ಸ್ವಾಸ್ಥ್ಯ ಸರ್ವದಾ’ ಸಮಗ್ರ ಆರೋಗ್ಯ ಮತ್ತು ಎಲ್ಲರಿಗೂ ಆರೋಗ್ಯ ರಕ್ಷಣೆಯ ಆದರ್ಶಗಳಿಂದ ಪ್ರೇರಿತವಾಗಿದೆ ಎಂದು  ತಿಳಿದುಕೊಳ್ಳಲು ಬಹಳ ಸಂತೋಷವಾಗುತ್ತದೆ.  ಸಮಗ್ರ ಆರೋಗ್ಯದ ನಿರಂತರ ಪ್ರಚಾರ ಮತ್ತು ಎಲ್ಲರಿಗೂ ಆರೋಗ್ಯವನ್ನು ಖಾತ್ರಿಪಡಿಸುವುದು ಈ ಸಂಸ್ಥೆಯಲ್ಲಿ ಪ್ರತಿಯೊಬ್ಬ ವೈದ್ಯಕೀಯ ವೃತ್ತಿಪರರ ಮಾರ್ಗದರ್ಶಿ ತತ್ವವಾಗಿರಬೇಕು" ಭಾರತದ ರಾಷ್ಟ್ರಪತಿ ಶ್ರೀಮತಿ ದ್ರೌಪದಿ ಮುರ್ಮು ಅವರು ಹೇಳಿದರು.

"ಸಮಯ ಮತ್ತು ಸಂದರ್ಭಗಳಿಗೆ ಅನುಗುಣವಾಗಿ ವೈದ್ಯಕೀಯ ವಿಜ್ಞಾನವು ಹೊಸ ಸವಾಲುಗಳನ್ನು ಎದುರಿಸುತ್ತಿದೆ. ಇಂತಹ ಸವಾಲುಗಳನ್ನು ಎದುರಿಸಲು ಹೊಸ ಪರಿಹಾರಗಳ ಅಗತ್ಯವಿದೆ. ಮಂಗಳಗಿರಿಯ ಏಮ್ಸ್‌ ನ ಸೈಟೊಜೆನೆಟಿಕ್ಸ್ ಪ್ರಯೋಗಾಲಯವು ಈ ದಿಶೆಯಲ್ಲಿ ನೂತನ ಪ್ರಯತ್ನವಾಗಿದೆ. ಈ ಪ್ರಯೋಗಾಲಯವನ್ನು ಬಳಸಿಕೊಂಡು ಈ ಸಂಸ್ಥೆಯು ಹೊಸ ಸಂಶೋಧನೆ ಮತ್ತು ಚಿಕಿತ್ಸೆಯನ್ನು ಅಭಿವೃದ್ಧಿಪಡಿಸುತ್ತದೆ ಎಂಬ  ವಿಶ್ವಾಸ ನನಗಿದೆ ಎಂದು ಅವರು ಹೇಳಿದರು.

 ರಾಷ್ಟ್ರಪತಿಯವರ ಪೂರ್ತಿ ಭಾಷಣವನ್ನು ವೀಕ್ಷಿಸಲು ದಯವಿಟ್ಟು ಇಲ್ಲಿ ಕ್ಲಿಕ್ ಮಾಡಿ

*****