ফুদ প্রোসেসিং ইন্দস্ত্রীজ মন্ত্রালয় (MOFPI) না সেন্ত্রেল সেক্তরগী প্রধান মন্ত্রী কিসান সমপাদা য়োজনা (PMKSY) স্কিম, প্রদক্সন লিঙ্ক ইন্সেন্তিব স্কিম ফোর ফুদ প্রোসেসিং ইন্দস্ত্রীজ (PLISFPI) অমসুং লৈবাক শীনবা থুংনা সেন্ত্রেল্লি স্পোন্সর তৌরবা পি.এম. ফোর্মেলাইজেসন ওফ মাইক্রো ফুদ প্রোসেসিং এন্তরপ্রাইজস (PMFME) স্কিমগী খুত্থাংদা মরী লৈনবা ইন্দস্ত্রীশিং লিংখৎনবা/হেনগৎহন্নবা স্মোল এন্দ মেদিয়ম য়াওনা ফুদ প্রোসেসিং ওন্তপ্রিনোরশিংবু ইন্সেন্তিভাইজ তৌরি। স্কিমশিং অসি লমদম নৎত্রগা রাজ্যগী ওইবা নত্তে অদুবু দিমান্দদা য়ুম্ফম ওই।

PMKSYগী সব-স্কিমশিংগী মখাদা, MOFPIনা ওন্তপ্রিনোরশিংদা ক্রেদিৎ লিঙ্ক ফাইনান্সিএল এসিস্তেন্স (কেপিতেল সবসিদী) পীরি। 15শুবা ফাইনান্স কম্মিসন সাইকলগী ওইনা অপুনবা শেনফম লুপা করোর 5520 পীরি। PMKSYগী মরী লৈনবা কম্পোনেন্ত স্কিমশিংগী মখাদা 2024গী ওক্তোবর 31 ফাওবগী মনুংদা MOFPIনা মেগা ফুদ পার্ক 41, কোল্দ চেন প্রোজেক্ত 399, এগ্রো-প্রোসেসিং ক্লাস্তর 76, ফুদ প্রোসেসিং য়ুনিত 559, বেকৱার্দ অমসুং ফোর্ৱার্দ লিঙ্কেজ প্রোজেক্ত 61 শেম্বা অমসুং ওপরেসন গ্রীন প্রোজেক্ত 51 অয়াবা পীখ্রে।

MOFPIনা PMFME স্কিমগী মখাদা মাইক্রো ফুদ প্রোসেসিং এন্তর্প্রাইজশিং লিংখৎনবা/অদগ্রেদেসন তৌনবা শেলগী, তেক্নিকেল অমসুং বিজিনেস সপোর্তসু পীরি। স্কিম অসি 2020-21দগী 2025-26 ফাওবগী মনুংদা মথৌ পাংথোক্কনি। মসিগী অপুনবা শেনফম লুপা করোর 10,000 ওইগনি। অপুনবা মাইক্রো ফুদ প্রোসেসিং এন্তর্প্রাইজেস 1,08,580বু PMFME স্কিমগী মখাদা 2024গী ওক্তোবর 31 ফাওবদা মতেং পীনবগীদমক অয়াবা পীখ্রে।

PLISFPI অসি, অতৈগী মরক্তা, মালেমগী ওইবা ফুদ মেনুফেকচরিং চেম্পিয়নশিং শেমগৎপদা মতেং পাংনবা অমসুং ইন্তর্নেস্নেল মার্কেত্তা ভারতকী ব্রান্দশিংগী ফুদ প্রদক্তশিংদা মতেং পাংনবা পান্দম থম্লি। স্কিম অসি চহি তরুক্কী ওইনা 2021-22দগী 2026-27 ফাওবদা লুপা করোর 20,900গী শেনফমগা লোয়ননা পায়খৎলি। স্কিম অসিগী মখাদা তোঙান তোঙানবা কাংলুপশিংদা মতেং পীনবগীদমক হৌজিক ফাওবদা ফুদ প্রোসেসিং কম্পনী 171দা অয়াবা পীখ্রে।

ৱাফম অসি কেন্দ্রগী ফুদ প্রোসেসিং ইন্দস্ত্রীজকী রাজ্য মন্ত্রী, শ্রী রবনীত সিংহ বিতুনা লোক সভাদা অইবা পাউখুম ওইনা ফোংদোকখি।

*****