প্রধান মন্ত্রী শ্রী নরেন্দ্র মোদীনা দিসেম্বর ১৩ দা উত্তর প্রদেশতা চৎকদৌরি‍। মহাক্না প্রয়াগরাজতা চৎকনি অমদি নুংথিল পুং ১২:১৫ রোম তাবা মতমদা সঙ্গম নোজতা পুজা অমসুং দর্শন পাঙথোক্কনি‍। মদুগী তুংদা নুংথিল পুং ১২:৪০ রোম তারকপা মতমদা, প্রধান মন্ত্রীনা অক্সে ভাতা ব্রিক্সতা পুজা পাঙথোক্কনি মদুগী তুংদা হনুমান মন্দির অমদি সরস্বতি কুপতা দর্শন অমদি পুজা পাঙথোক্কনি‍। নুংথিল পুং ১:৩০ রোম তারকপা মতমদা, মহাক্না মহাকুম্ভ একজিবিসন মফমদা চৎকনি‍। মদুগী তুংদা, নুংথিল পুং ২ রোম তারকপদা, মহাক্না প্রয়াগরাজতা লুপা করোর ৬৬৭০ হেন্বগী চাওখৎ থৌরাংগী প্রোজেক্ত কয়া শঙ্গাগনি অমদি হৌদোক্কনি‍।

প্রধান মন্ত্রীনা মহাকুম্ভ ২০২৫ গী তোঙান তোঙানবা প্রোজেক্তশিং শঙ্গাগনি‍। মসিগী মনুংদা প্রয়াগরাজতা ইনফ্রাস্ত্রকচর ফগৎহন্নবা অমদি অপন্বা লৈতবা কন্নেক্তিবিতী ফংহন্নবা অনৌবা রোদ ওভর ব্রিদ্জ (RoBs) নৎত্রগা ফ্লাইওভর ১০, পর্মেনেন্ত ঘাত, অমসুং রিভরফ্রন্ত লম্বী, অমদি অতৈ য়াওনা রেল অমদি লম্বীগী প্রোজেক্ত কয়া য়াওরি‍।

স্বচ্ছ অমদি নির্মল গঙ্গাগী লেপখিবা ফিরেপ পরিংদা, প্রধান মন্ত্রীনা তুরেল অদুদা ত্রীত তৌদবা ঈশিং অমত্তা তাহন্দনবা গঙ্গা তুরেলদা তাবা মাইনর দ্রেনশিংগী ইন্তরসেপ্সন, তেপ্পিং, দাইভর্জন অমসুং ত্রীতমেন্তকী প্রোজেক্তশিংসু শঙ্গাগনি‍। মহাক্না থক্নবা ঈশিং অমদি মৈগা মরী লৈনবা তোঙান তোঙানবা ইনফ্রাস্ত্রকচর প্রোজেক্ত কয়াসু শঙ্গাগনি‍।

প্রধান মন্ত্রীনা ভরদ্বাজ আশ্রম কোরিদোর, শ্রিংবেরপুর ধাম কোরিদোর, অক্সেবত কোরিদোর, হনুমান মন্দির কোরিদোর অমদি অতৈ য়াওনা অচৌবা লাইশঙগী কোরিদোরশিংসু শঙ্গাগনি‍। প্রোজেক্তশিং অসিনা লাই খুরুম্বা লাকপা মীওইশিংদা ইজ ওফ এক্সেস ফংহনগনি অমদি লাইনিংগী তুরিজমসু হেনগৎহনগনি‍।

প্রধান মন্ত্রীনা মহাকুম্ভ মেলা ২০২৫ তা লাই খুরুম্বা লাকপা মীওইশিংদা লমজিং লমতাক্নবা অমদি অপদেত পীননবা অকুপ্পা ৱারোলশিং ফংহন্নবা কুম্ভ Sah’AI’yak চেতবোতসু হৌদোক্কনি‍।

***