কল্চর মন্ত্রালয়
নেস্নেল মিসন ওন কল্চরেল মেপ্পিং এন্দ রোদমেপ (NMCMR)
ভারতকী ইনাক খুল্লবা পারী পুরীগী লন য়োকখৎপা অমদি খুঙ্গংগী শেন্মিৎলোন হিঙ্গৎহন্বা
Posted On:
10 DEC 2024 12:18PM by PIB Imphal
ৱাহৌদোক
মনিপুরগী ময়ায়দা লৈরিবা থোংজাউ খুঙ্গং ‘চফু শাফম’ অমা ওইনা খঙনৈ। মফমসিদা, লেমজনিংঙাই ওইরবা পদ্ম শ্রী মনা ফংখ্রবা মাস্তর ক্রাফ্তসৱুমেন নীলমনি দেবীগী লিগেসীনা অরিবা মতমগী আর্ত অসিবু য়োকখত্তুনা থম্নবা লেপ্তনা পুক্নিং থৌগৎলি। নীলমনীগী তোপ তোপ্পা হৈ-শিংবনা মহাকপু লৈবাক্কী থাক্তা শকখঙনহন্বতা নত্তনা খুঙ্গং অসিগী চফু শাবগী চৎনবীবু হিংদুনা লৈহন্বদা মরুওইবা থৌদাংসু লৌরি। ঙসি, শীজিন্ননবা চফুদগী হৌরবা খুৎ চঙবা মাস্তরপীসশিং ফাওবা শাবগী লমদা হৈথোই শিংথোইরবা খুঞ্জাশিংনা মখোয়গী ক্রাফ্ত অদু মথঙগী মীরোলদা খুৎশিন্নরমদুনা, নাৎকী ওইবা পীরী পুরীগী লনগা অচেৎপা মরী শাগৎলি।
ইনাক খুল্লবা চৎনবী অসি হৌজিক্তি খুঙ্গংগী কল্চরেল প্রেক্তিস ঙাক শেন্দুনা থম্নবা অমদি য়োকখৎনবা ভারতকী মপুং ওইবা মিসনগী শরুক অমা ওইরে। নেস্নেল মিসন এন কল্চরেল মেপ্পিং এন্দ রোদমেপ (NMCMR) কী মখাদা লৈবা মেরা গাও মারী ধরোহর (MGMD) প্লেতফোর্মগী খুত্থাঙদা, থোংজাউগী চফু শাবগী থৌওং অসিনা, খুৎহৈবশিংগী ৱারীশিংগা লোয়ননা, মালেমগী ফম্পাক অমা ফংদুনা খুঙ্গংগী শেন্মিৎলোন হিঙ্গৎহন্বদা অমদি কল্চরেল দাইভর্সিতী য়োকখৎপদা মতেঙ ওইরি।
নৌনা মতিং হাপ্লবা তুংলমচৎ অমগী কলচরেল মেপ্পিং
কলচর মন্ত্রালয়না হৌদোকখিবা অদুগা ইন্দিরা গান্ধী নেস্নেল সেন্তর ফোর তি আর্তস (IGNCA) না পায়খৎপা নেস্নেল মিসন ওন কলচরেল মেপ্পিং (NMCM) অসিনা ভভারতকী খেন্নবা নাৎকী লনশিং দোকুমেন্ত অমসুং কেতলোগ তৌনবা পান্দম থম্লি। খুঙ্গংগী পারী পুরীগী লন্দা মীৎয়েঙ থমদুনা, মিসন অসিনা থোংজাউগী চফু গুম্বা লম লমগী চৎনবীশিং ঙাক শেন্দুনা অমদি য়োকখত্তুনা থম্বা ঙমহল্লি। খুঙ্গং লাখ ৪.৫ MGMD পোর্তেলদা হাপ্লে, থৌশিল অসিনা খুঙ্গংগী খুৎহৈবশিং অমদি হেন্না পাক চাউবা ওদিয়েন্সশিংগগী মরক্তা লৈরিবা অহোবা মেনশিন্দুনা কলচরবু শকখঙনবা অমদি শেন্মিৎলোন চাওখৎহন্নবা অনৌবা খুদোংচাবশিং শেমগৎলি।
মিসন অসিগী পান্দমশিং:
১. কলচরেল হেরিতেজকী মপাঙ্গল অমদি মসিগা চাওখৎপা অমসুং নাৎকী শক্তমগা লৈনরিবা মরীগী মরমদা মীয়ামদা পাক শন্না খঙহন্বা।
২. খুঙ্গং লাখ ৬.৫ মখোয়গী লৈফম, দিমোগ্রাফিক প্রোফাইল, অমসুং ক্রিএতিব কেপিতেলশিংগা লোয়ননা কলচরেল মেপ্পিং তৌবা।
৩. আর্তিস্ত অমসুং আর্ত প্রেক্তিসশিংগী নেস্নেল রেজিস্তরশিংউ শেম্বা।
৪. নেস্নেল কলচরেল ৱর্ক প্লেস ওইনা মথৌ তৌগদবা ৱেব পোর্তেল অমদি মোবাইল এপ অমা শেম্বা।
মথক্তা পল্লিবা পান্দমশিং অসি অমগা অমগা মরী লৈনবা প্রোগ্রাম অহুমগী খুত্থাঙদা থবক ওইনা পায়খৎকনি:
|
অমগা অমগা মরী লৈনবা প্রোগ্রাম অহুম
|
|
সংস্কৃতিক প্রতিভা খোজ
ফোল্ক অমসুং ত্রাইবেল হেরিতেজকী নেস্নেল কলচরেল এৱ্যারনেস কেম্পেন, তেলেন্ত হন্ত, অমসুং রিভাইতেলাইজেসন।
|
মেরা গাও মেরী ধরোহর (MGMD)
আর্ত প্রেক্তিসশিংগী কলচরেল মেপ্পিং অমসুং আর্তিস্ত অমদি ক্রাফ্ত পর্সনশিং মশক খঙদোকপা।
|
নেস্নেল কলচরেল ৱর্কপ্লেস (NCWP)
NCWP অসি আর্তিস্ত অমদি ক্রাফ্ত পর্সনশিংগী ইন্তরেক্তিব ৱেব পোর্তেল অমা ওইদুনা, কল্চরেল সর্ভিস প্রোভাইদর অমা ওইরক্কনি।
|
মেরা গাও মেরী ধরোহর (MGMD):
১. মেরা গাও মারী ধরোহর (MGMD) অসি অজাদী কা অমৃৎ মহোতসব (AKAM) গী মনুং চন্না পায়খৎপা NMCM গী কম্পোনেন্ত অমনি।
২. MGMD ইনিসিএতিব অসিনা স্তেত ২৯ অমদি য়ুনিয়ন তেরিতরী ৭ তা খুঙ্গং লাখ ৬.৫ গী মপুং ফবা কলচরেল মেপ্পিংগী থবক পায়খৎলি, মসিদা খুঙ্গং লাখ ৪.৫ দি হান্না মেপ্পিং তৌবা লোইখ্রে অমদি মিসন অসিগী অখন্নবা প্লেতফোর্ম অমা ওইরিবা নেস্নেল কলচরেল ৱর্ক প্লেস পোর্তেলদা হাপখ্রে।
৩. কলচরেল মেপ্পিং অসিনা খুঙ্গংগী ৱারীশিং, মহৌশাগী ৱাখল লৌশিং অমদি লৌশিংগী চৎনবী, ফিজোল, লৈতেংগী পোৎলমশিং, চীঞ্জাক, কুমহৈ ফিয়োং, লাইথৌ, খুঙ্গংগী লাইরেম্বা অমদি লাইরেম্বীশিং, ফীজিকেল অমদি হিস্তোরেকেল লেন্দমার্কশিং, আর্কিতেকচর, লাই খুরুম্ফম, আর্ত ফোর্মশিং – ওরেল, ভিজুএল, পর্ফোর্ম অমসুং ক্রাফ্তেদ (ফোল্ক ঈশৈ, ফোল্ক জগোয়, লিজেন্দ, ইপিক, ফোল্ক থিএতর, হেন্দলুম, হেন্দিক্রাফ্ত) য়াওনা জিওগ্রাফিক, দিভেলপমেন্তেল অমসুং কলচরেল প্রোফাইলশিং কোনশিন্দুনা দোমেন কয়াবু কোনশিল্লি।
৪. প্রোজেক্ত অসিগী মখাদা খুঙ্গং ৭৫০ গী ৩৬০-দিগ্রী এঙ্গল ভিদিও নম্বা লোইরে।
৫. নেস্নেল কলচরেল ৱর্ক প্লেস ওইনা মথৌ তৌদুনা, কলচর সর্ভিস প্রোভাইদরশিংগী অপুন্বা ওনলাইন প্লেতফোর্ম অমা ফংহন্নবা, লায়না এক্সেস অমদি এঙ্গেজমেন্ত তৌবা য়াহন্নবা অখন্নবা ৱেব পোর্তেল অমা MGMD গী মখাদা শেম্লে।
নুংঙাইবা ৱারীশিং লৈবা খুঙ্গংশিং!
১. শনি শিঙ্গনাপুর, অহমদনগর, মহারাস্ত্র
প্রবু শনিনা মখোয়বু হুরান চিন্থীদগী ঙাকথোকপিগনি হায়না মখোয়না থাজৈ, মরম অদুনা খুঙ্গংসিদা লৈববা য়ুম অমত্তা থোঙ পান্নদে। মফমসিদা মমিং লৈরবা শনিগী লাইশঙ অমসু লৈ।
২. থিরুচিগদী, নিলগিরি, তামিল নাদু
খুঙ্গং অসি খা ভারতকী নিলগিরী চীংশাং পরেংদা নুপী চফু শাবা কোল্লুপ লৈবগীদমক মমিং চৎলি। মফমসিদা কোতা ত্রাইবকী নুপীশিংখক্তনা চফু শাবগী থবক তৌই।
৩. খোনোমা, কোহিমা, নগালেন্দ
খোনোমা অসি ভারতকী অহান্বা গ্রীন ভিএলজনি। খোনোমা ভারত-ম্যান্বারগী ঙমখৈ মনাক্তা লৈবা অঙ্গামি নাগা খুল অমনি।
৪. সুকেতি, সিরমৌর, হিমাচল প্রদেশ
এসিয়াগী খ্বায়দগী লিরবা ফোসিল পার্ক লৈবা অমসুং পঝোতা ঈহৌগসু মরী লৈনবা মফম্নি।
নাৎনা লৈবাক অমগী শক্তম শাগৎপদা মরুওইবা থৌদাং লৌরি। ভারতকুম্বা খেন্নবতনা থন্বা লৈবাক অমদদি, নেস্নেল মিসন ওন কলচরেল মেপ্পিং গুম্বা থৌশিলশিংনা খুঙ্গংগী চৎনবীশিং ঙাক্তুনা থম্বা অমসুং য়োকখৎপদা মতেঙ পাংই। মেরা গাও মেরী ধরোহর প্লেতফোর্মগী খুত্থাঙদা, থোংজাউগী চফু অমদি মশিং থিঙমদ্রবা অতৈ কলচরেল থৌওংশিং শকখঙনবা হেল্লক্তুনা ভারতকী পারী পুরীগী লনশিং অসি তুংদা লাক্কদৌরিবা মীরোল কয়াগীদমক তরং তরং লৈহন্বা ঙম্লি।
রিফরেন্সশিং:
PDF য়েংনবা মসিদা নম্বিয়ু:
*****
(Release ID: 2082833)