صدر جمہوریہ ہندمحترمہ دروپدی مرمو نےرائی رنگ پور، اڈیشہ میں آج 7 دسمبر، 2024کوتین ریل لائنوں  بنگیری پوسی۔گوروماہیسانی، برامارا۔چکولیا اور بدم پہار۔کیندوجھار گڑھ کے ساتھ ساتھ قبائلی تحقیق اور ترقی کے مرکز، ڈنڈبوس ہوائی اڈہ  ،سب ڈویژنل ہسپتال، رائی رنگ  پور کی نئی عمارت کا سنگ بنیاد رکھا۔

اس موقع پر خطاب کرتے ہوئے صدرجمہوریہ نے کہا کہ انہیں ہمیشہ اس سرزمین کی بیٹی ہونے پر فخر رہا ہے۔ ذمہ داریوں اور مصروفیات نے انہیں اپنی جائے پیدائش اور اس کے لوگوں سے کبھی دور نہیں کیا۔ بلکہ لوگوں کی محبت انہیں اپنی طرف کھینچتی رہتی ہے۔ انہوں نے کہا کہ مادر وطن اپنی سوچ اور کام میں رہتا ہے۔ اس خطے کے لوگوں کی پاکیزہ اور گہری محبت ان  کے ذہن میں ہمیشہ گونجتی رہتی ہے۔

صدرجمہوریہ نے اس یقین کا اظہار کیا کہ ریل کے منصوبے اور ہوائی اڈے خطے میں نقل و حمل، تجارت اور کاروبار کو فروغ دیں گے۔ 100 بستروں پر مشتمل ہسپتال کی نئی عمارت مقامی لوگوں کو صحت کی بہتر سہولیات فراہم کرے گی۔

صدر جمہوریہ نے کہا کہ اڈیشہ حکومت ہند کے پوروودیا ویژن سے مستفید ہو رہا ہے۔ مختلف فلاحی اسکیموں کے ذریعے پورے خطے کی ترقی کو تیز کیا جا رہا ہے جن میں تعلیم، ہنرمندی کی ترقی، صحت، سیاحتی رابطوں، اور نقل و حمل کی سہولیات شامل ہیں۔

صدر جمہوریہ نے کہا کہ ایکلویہ ماڈل رہائشی اسکول قبائلی بچوں کو تعلیم دینے کے لیے قائم کیے جا رہے ہیں۔ انہیں یہ جان کر خوشی ہوئی کہ اوڈیشہ میں 100 سے زیادہ نئے ایکلویہ ماڈل رہائشی اسکول قائم کیے جا رہے ہیں، جن میں میور بھنج ضلع کے 23 اسکول بھی شامل ہیں۔ انہوں نے یقین ظاہر کیا کہ ان سکولوں سے تعلیم حاصل کرنے کے بعد قبائلی بچے معاشرے اور ملک کی ترقی میں معیاری کردار ادا کر سکیں گے۔

*****

(ش ح۔اص)

UR No 3612