رکشا منتری جناب راج ناتھ سنگھ 8 سے 10 دسمبر 2024 تک روسی فیڈریشن کا سرکاری دورہ کریں گے۔ اس دورے کے دوران، رکشا منتری اور روس کے وزیر دفاع جناب اندرے بیلوسوو بھارت -روس بین حکومتی اجلاس کی،  10 دسمبر کو ماسکو میں فوجی اور فوجی تکنیکی تعاون پر حکومتی کمیشن (آئی آر آئی جی سی – ایم اینڈ ایم ٹی سی)، 2024 کی  21ویں میٹنگ کی مشترکہ صدارت کریں گے۔

دونوں رہنما دفاع کے شعبے میں دونوں ممالک کے درمیان کثیر جہتی تعلقات کی پوری رینج کا جائزہ لیں گے جس میں فوج سے فوج اور صنعتی تعاون شامل ہے۔ وہ باہمی دلچسپی کے عصری علاقائی اور عالمی امور پر بھی تبادلہ خیال کریں گے۔

دورے کے ایک حصے کے طور پر، رکشا منتری 09 دسمبر 2024 کو ینترا شپ یارڈ، کیلینن گراڈ میں بھارتی بحریہ کے جدید ترین ملٹی رول اسٹیلتھ گائیڈڈ میزائل فریگیٹ ’آئی این ایس تُشیل‘ کو بھی کمیشن کریں گے۔ بحریہ کے سربراہ ایڈمرل دنیش کے ترپاٹھی، کمیشننگ کی تقریب کے لیے جناب راج ناتھ سنگھ کے ساتھ ہوں گے۔

اس کے علاوہ، رکشا منتری دوسری عالمی جنگ کے دوران مارے گئے سوویت فوجیوں کو خراج عقیدت پیش کرنے کے لیے ماسکو میں ’نامعلوم فوجی کے مقبرے‘ پر خراج عقیدت پیش کریں گی۔ وہ بھارتی برادری کے ارکان سے بھی بات چیت کریں گے۔

******

ش  ح۔ ش ا ر ۔ م ر

U-NO. 3608