ফাস্ত-ত্রেক কোর্তশিং (এফ তি সি) য়াওনা সর্বোদিনেত কোর্তশিং লিংখৎপা অমসুং মখোয় মথৌ পাংথোকপা অসি মরী লৈনবা হয় কোর্তশিংগা তান্নরগা রাজ্য/য়ু.তি সরকারশিংনা পাংথোক্কদবনি। মখোয়গী দরকার ওইবগী মতুংইন্না হায়রিবা কোর্তশিং অসিগী শেনফমশিং রাজ্য সরকারশিংনা পীগদবনি। তমথিরবা অখন্নবা কেসশিং, নুপীশিং, অঙাংশিং, অহলশিং, হকচাংগী ফিবম চাদ্রবশিং, অরুবা অনাবগা লোয়ননা হিংলিবা মীওইশিংগা মরী লৈনবা কেসশিং অমসুং চহি 5 হেন্না পন্দুনা লৈরক্লবা লন-থুমগা মরী লৈনবা কেসশিং য়াম্না য়াংনা ৱায়েল চৎথনবা 2015-2020 মনুংদা এফ.তি.সি 1800 লিংখৎনবা ভারত সরকারনা লিংখৎপা 14শুবা ফাইনান্স কম্মিসন্না খঙহনখিবনি। থবক অসিগীদমক তেক্সতগী লাকপা শেনফমশিং মতিক চানা থাদনবা ফাইনান্স কম্মিসন্না রাজ্য সরকারশিংদা তকশিনখ্রে। শেনবা চহি 2015-16 দগী হৌনা ফাস্ত-ত্রেক কোর্তশিং লিংখৎনবা ফন্দশিং কাইথোক্নবা কেন্দ্র সরকারনা রাজ্য/য়ু.তি সরকারশিংদা তকশিনখ্রে। মসিদগী, রাজ্য/য়ু.তি সরকারশিংনা 31.10.2024 ফাওবা ফাস্ত-ত্রেক কোর্ত 863 লিংখৎলে। ওক্তোবর 2024 ফাওবদা লৈখিবা রাজ্য/য়ু.তিশিংনা লিংখৎখিবা অমসুং থবক তৌরিবা এফ.তি.সি মশিং এন্নেক্সরদা পীরি। পান্দম ফংনবা অহেনবা ফাস্ত-ত্রেক কোর্তশিং লিংখৎনবা 2015-16 দগী কেন্দ্র সরকারনা রাজ্য/য়ু.তি সরকারশিংদা তকশিন্দুনা লাক্লি। চীফ মিনিস্তরশিং অমসুং চীফ জজতিসশিংগী অপুনবা মীফমদা ফাস্ত-ত্রেক কোর্তশিং মশিং য়াম্না লিংখৎপা অসি এজেন্দাশিংগী মনুংদা অমা ওইখি।

ক্রিমিনেল লো (এমেন্দমেন্ত) এক্ত, 2018 চৎনহন্নবা অমসুং পোক্সো কেসশিং পায়নবা অখন্নবা কোর্তশিং লিংখৎনবা সুপ্রিম কোর্তকী য়াথং অদু থবক ওইনা পাংথোক্নবা, সরকারনা ওগস্ত 2019 দা কেন্দ্রনা শেন পুথোকপা স্কিম অমা পায়খৎলে। স্কিম অসিনা লৈবাক শীনবা থুংনা রেপ অমসুং পোক্সো কেসশিং য়াম্না য়াংনা লোইশিন্নবা অখন্নবা পোক্সো কেসশিং য়াওনা ফাস্ত-ত্রেক কোর্তশিং লিংখৎনবা পান্দম থম্লি।

শেনবা চহি অনি হায়বদি 2019-20 অমসুং 2020-21 মনুংদা কেন্দ্রগী লুপা করোর 474 গী সিয়ারগা লোয়ননা অপুনবা লুপা করোর 767.25 কাইথোক্তুনা অহানবগী ওইনা 02.10.2019 দগী এফ.তি.এস.সি হৌদোক্লে। 04.08.2021 দা পাংথোকখিবা মন্ত্রীমন্দলগী মীফম্না স্কিম অসি শেনবা চহি অনি ( 2021-22 অমসুং 2022-23) হায়বদি 31.03.2023 ফাওবা মখা চৎথনবা কেন্দ্রগী লুপা করোর 971.70 গী সিয়ারগা লোয়ননা পুন্না লুপা করোর 1572.86 কাইথোকপদা অয়াবা পীখ্রে। কেন্দ্রগী লুপা করোর 1207.24 গী সিয়ারগা লোয়ননা অপুনবা ওইনা লুপা করোর 1952.23 কাইথোক্তুনা অতোপ্পা চহি অহুম হায়বদি 01.04.2023 দগী 31.03.2026 ফাওবা চহি অহুম স্কিম অসি শাংদোক্লে।

কেন্দ্রগী সিয়ার অসি নিরভ্যা ফন্দদগী পুথোক্কনি। স্কিম অসিগী ফন্দ পুথোকপগী মওং অসি 60:40 (কেন্দ্র:রাজ্য) অমসুং অৱাং-নোংপোক অমসুং হিমালয়গী রাজ্য অহুমগী 90:10 অমসুং লেজিসলেচর লৈতবা য়ু.তিশিংগী চাদা 100 ওইগনি। হয় কোর্তশিংদগী ফংবা পাউশিংগী মতুংইন্না, 31.10.2024 ফাওবদা এফ.তি.সি 750 য়াওনা পোক্সো কোর্ত 408 রাজ্য/য়ু.তি 30 দা মথৌ পাংথোক্লি। হায়রিবা কোর্তশিং অসিনা 31.10.2024 ফাওবদা কেস 2,87,000 লোইশিনখ্রে।

ৱাফম অসি ঙসি রাজ্য সভাদা অইবা ওইনা পীখিবা পাউখুম অমদা লো অমসুং জজতিসকী রাজ্য মন্ত্রী(মনিংতম্বা) শ্রী অর্জুন রাম মেঘৱালনা ফোঙদোকখিবনি।

***

ওক্তোবর 2024 ফাওবদা লৈখিবা রাজ্য/য়ু.তিশিংগী এফ.তি.সিশিং অমসুং মথৌ পাংথোক্লিবশিং

****