امور داخلہ کے وزیر مملکت جناب بندی سنجے کمار نے راجیہ سبھا میں ایک سوال کے تحریری جواب میں  بتایا کہ جرائم کے ریکارڈ سے متعلق بیورو (این سی آر بی)نے تمام ضلعوں، پولس کمشنریٹ، ریاستی فنگر پرنٹ بیورو، مرکزی فنگر پرنٹ بیورو اور قانون نافذ کرنے والی مرکزی ایجنسیوں کو مجرموں کے انگلی کے نشانات کا ایک قومی خزینہ قائم کرنے کے لیے آلات فراہم کرنے کی غرض سے فنگر پرنٹ کی شناخت کے لیے خود کار قومی نظام (این اے ایف آئی ایس)کو نافذ کیا ہے۔

تمام ریاستوں/مرکز کے زیر انتظام علاقوں کے انگلی کے نشانات کے شناختی نظام کو این اے ایف آئی ایس کے ساتھ مربوط کیا گیا ہے۔

این اے ایف آئی ایس کے نفاذ سے31 اکتوبر 2024 تک 1.06 کروڑ مجرموں  کے فنگر پرنٹ ریکارڈز پر مشتمل ایک قابل تلاش قومی ذخیرے کا قیام عمل میں آیا، جو تمام ریاستوں/مرکز کے زیر انتظام علاقوں کے مجاز یوزرس کے لیے قابل رسائی ہے۔این اے ایف آئی ایس نے مرکزی مجرمانہ فنگر پرنٹ ڈیٹا بیس کے ساتھ جرائم کے مقامات پر پائے جانے والے موقعی نشانات کو ملا کر ملک بھر میں پیچیدہ مقدمات کو حل کرنے میں ایک اہم کردار ادا کیا ہے، جس سے مؤثر اور تیز تفتیش میں مدد ملتی ہے۔

*************

(ش ح ۔م ع۔ن ع(

U.No 3435