اقلیتی امور نیز پارلیمانی امور کے مرکزی وزیر جناب کرن رجیجو نے آج لوک سبھا میں ایک تحریری جواب میں بتایا کہ اقلیتی امور کی وزارت کی تشہیر سمیت ترقیاتی اسکیموں کی تحقیق/مطالعہ، نگرانی اور تشخیص کی اسکیم کے تحت چھ مرکزی نوٹیفائیڈ اقلیتی برادریوں میں بیداری پیدا کرنے کی غرض سےبیداری مہم چلائی جاتی ہے۔حکومت نے ملک بھر میں پرنٹ اور الیکٹرانک میڈیا، ایف ایم چینلز کے ذریعے اقلیتوں کے لیے فلاحی اسکیموں کے بارے میں بیداری پیداکرنے کے لیے ملٹی میڈیا مہم چلائی ہے۔ وزارت کی مختلف اسکیموں/پروگراموں سے متعلق کتابچہ اور پمفلٹ ہندی، انگریزی، اردو اور دیگر علاقائی زبانوں میں شائع کیے جاتے ہیں۔ عوام بالخصوص اقلیتی برادریوں تک براہ راست پہنچنے اور ان کے درمیان بیداری پھیلانے کے لیے مختلف مقامات پر‘ہنر ہاٹ’ کا انعقاد کیا گیا۔ اس کے علاوہ اقلیتی امورکی وزارت، وزارت کی طرف سے نافذ کردہ اسکیموں/ پروگراموں کے بارے میں مزید بیداری پیدا کرنے کے لیے پروجیکٹ نافذ کرنے والی ایجنسیوں (پی آئی اے ایس)کے ذریعے ورکشاپس/ سیمیناروں کے انعقاد کی بھی حمایت کرتی ہے۔

*************

(ش ح ۔م ع۔ن ع(

U.No 3416