অকোইবগী ফীভমদা শোকহল্লিবা অসি গ্লোবেল সাউথ নত্তে অদুবু মমল হোংবা ইনর্জীগী কান্নবা ফংলিবা চাউখৎলবা লৈবাকশিংনা থোকহল্লি। ঙসি নই দিল্লীদা কনফেদরেসন ওফ ইন্দিয়ন ইন্দস্ত্রী (CII) পার্তনরশিপ সম্মিৎ 2024গী হৌদোকপগী মীফমদা ৱা ঙাংলদুনা কম্মর্স অমসুং ইন্দস্ত্রী মন্ত্রী, শ্রী পিয়ুশ গোয়লনা ৱাফম অসি ফোংদোকখি। সম্মিৎ অসিদা ইতালিয়ন রিপব্লিক, ইজরেল স্তেত, ভুতান, বাহরেন, অলজেরিয়া, নেপাল, সেনেগল, খা অফ্রিকা, ম্যান্মার, কাতারগী ত্রেদ মন্ত্রীশিং অমসুং কিংদম ওফ কম্বোদিয়াগী কম্মর্স মন্ত্রালয়গী সেক্রেতরী ওফ স্তেৎনা শরুক য়াখি।

শ্রী গোয়লনা হায়খি মদুদি পার্তনর লৈবাক খুদিংমক্না অকোইবগী ফীভম অমসুং সস্তেনেবিলিতীগী মায়কৈদা থৌদাং লৌমিন্নরি, অদুবু সম্মিৎ অসিদা শরুক য়ারিবা লৈবাকশিংনা অকোইবগী ফীভম শোকহন্দে। মরম অদুনা, মান্নবা সপ্লাই চেন অমসুং সস্তেনেবিলিতীগী মায়কৈদা লৈরিবা থৌদাংশিং অসি অমত্তা ওইনা অদুবু থৌদাংদা খেন্নবা থম্লগা পাংথোক্কদবা নত্তে হায়না মহাক্না হায়খি। পুম্নমক্না পুন্না থবক তৌমিন্নবা মথৌ তারবসু, অকোইবগী ফীভমগী প্রোব্লেমদা মখোয়গী শরুক তম্বগী মতুং ইন্না মীপুম খুদিংমক্নাথৌদাং লৌবা মথৌ তাই হায়না মহাক্না মখা তাখি।

শরুক য়ারিবশিংদা ৱা ঙাংলদুনা শ্রী গোয়লনা হায়খি মদুদি ভারতনা গ্লোবেল সাউথকী লৈবাকশিংদা মরুপ ওইবগী অমসুং পার্তনরশিপকী থাজবা য়াবা মতেং অমা পীরি। সেসন অসিদা পনখিবা কম্মন ওইবা থীমশিং অদু পল্লদুনা মহাক্না হায়খি মদুদি স্তেবিলিতী, স্পেস, সেতেলাইত অমসুং সস্তেনেবিলিতী অসি মীফম অদুদা শরুক য়াখিবা ওফিসিএলশিংনা খ্বাইদগী ৱাফম ফোংদোকখিবা ওইখি অমসুং ঙসি মালেম অসিনা অসিগুম্বা খন্ন-নৈনবগী মথৌ তাই হায়না অকনবা ৱাফম থমখি।

শ্রী গোয়লনা হায়খি আর্তিফিসিএল ইন্তেলিজেন্স (AI) অমসুং ওতোমেসননা থবক ফংবগী তুংলমচৎ অমসুং হোংলক্লিবা থবকশিংগী প্রোফাইলদা চুনবা মথৌ তাবা স্কিলশিংদা ইথিল পীগনি। তেক্নোলোজীনা পুন্সিদা অহোংবা পুরক্কনি অমসুং পুন্সি মহিংদা অহোংবা পুরক্কনি হায়না মহাক্না হায়খি, অদুবু ত্রেদিসন অমসুং কলচরসু চপ মান্ননা ঙাক্না চৎকদবনি। মরম অদুনা, মসি অমরোমদা চৎনবী অমসুং লেগেসী অমসুং অতোপ্পা অমরোমদা তেক্নোলোজীগী য়ান্নবা অমা ওইগদবনি হায়না মহাক্না ফোংদোকখি।

মীওইশিং অমসুং থৌওং অনিমক শক্তি লৈহনবা অসি চাউখৎপগী মরুওইবা অমনি হায়না মহাক্না অকনবা ৱাফম থমখি। ভারতনা অৱাংবা থাত্তা পান্দম থম্লিবা নহারোল কয়াগা লোয়ননা মাংলোমদা চংশিল্লি হায়না পল্লদুনা মহাক্না হায়খি মদুদি তুংলমচৎকী শীংনবশিং অসি থেংননবা মখোয়বু এজুকেসন অমসুং স্কিলগা লোয়ননা মপাঙ্গল কনখৎহনবা মথৌ তাই। মসিনা ইজ ওফ দুইং বিজিনেস অমসুং ইজ ওফ লিভিং ওইহল্লগনি হায়না মহাক্না হায়খি।

পার্তনর লৈবাকশিংগী শেন্মিৎলোন মপাঙ্গল কনখৎহন্নবগী মতাংদা ঙাংলদুনা মন্ত্রীনা তুংলমচৎকী শেন থাদনবগীদমক শেল-থুমদা স্তেবিলিতী লৈহন্নবগী তঙাইফদবা অদু পনখি। মখা তানা শন্দোক্না তাক্লদুনা, মন্ত্রীনা হায়খি মদুদি লাইফস্তাইলগা লোয়নবা লিক্বিদিতী অসি হেন্না কুপ্না খন্নবগী মথৌ তাই। কঞ্জ্যুমর ৱেস্তনা মালেম অসি হিংবদা হেন্না ফবা মফম অমা ওইহল্লোই অমসুং মালেম অসিনা পুন্সি মহিং অমসুং সর্ক্যুলর ইকোনোমীগী মতাংদা খন্থগদবনি হায়না মহাক্না হায়খি। অফবা পুন্সি মহিং অমগী পান্দম অদু ফংনবা হোৎনবদা ঐখোয়না ৱেস্ত অমসুং ঐখোয়না থাদোক্লিবা কার্বোন ফুতপ্রিন্ত অদুগী মতাংদা মীৎয়েং চিংশিনগদবনি হায়না মহাক্না মখা তাখি। মন্ত্রীনা মখা তাখি মদুদি কঞ্জ্যুম্পসন পেতর্ন হন্থহনবগী তঙাইফদবা লৈ অমসুং অকোইবগী ফীভমগী শীংনবসি মেনুফেকচরিংগী খুত্থাংদা থাদোকপা কার্বোনগী থৌদাং অমা নত্তে। মহাক্না হায়খি মদুদি সমস্যা অসি কঞ্জ্যুম্পসনা থোকহনবা কার্বোন ফুতপ্রিন্তকী ফঙ্কসন অমা ওইনা য়েংশিনবা মথৌ তাই।

মহাক্কী ৱারোলগী মনুংদা, শ্রী গোয়লনা মালেমগী চাউখৎ-থৌরাংগী থবক থৌরম পুম্নমক্তা ইনক্লুসিবিতী অসি মরুওইবা অমনি হায়না ফোংদোকখি। শ্রী গোয়লনা হায়খি মদুদি ইন্নোবেসন, ইন্দস্ত্রী, ইনফ্রাস্ত্রকচর, ইনবেস্তমেন্ত অমসুং ইনিসিয়েতিব অসিনা লৈবাকশিং অসি হেন্না য়াংনা ইনক্লুসিব ওইহনবদা মতেং পাংগনি। মন্ত্রীনা শেন্মিৎলোন অমসুং ইনক্লুসিবিতী হেনগৎহন্নবা মপাং ওইরিবা লৈবাকশিংগী মরক্তা মালেমগী ওইবা ললোন-ইতিক অমসুং তুরিজম হেনগৎহনবগী তঙাই ফদবা অদুগী মতাংদসু ৱা ঙাংখি। মহাক্না মালেমগী শেন্মিৎলোনগী চাউখৎপগী দ্রাইভর অমসুং খ্বাইদগী চাউবা কন্ত্রিব্যুতর ওইরিবা ইনর্জীদা অকনবা ৱাফম থমখি। ইনর্জীনা তুংলমচৎপু মশক তাক্কনি হায়না মহাক্না হায়খি।

সম্মিৎ অদুগী মতাংদা পল্লদুনা মন্ত্রীনা হায়খি মদুদি মপাং ওইরিবা লৈবাকশিংগী মরক্তা সিনর্জীনা মালেমদা অমত্তা ওইবগী পাউজেল অমা পীরগনি। মহাক্না মখা তারদুনা হায়খি মদুদি ভারত অসি মতম পুম্নমক্তা শান্তি অমসুং দাইলোগ অমদি দিপ্লোমেসীগীদমক লেপ্তুনা লাকই। প্রধান মন্ত্রী শ্রী নরেন্দ্র মোদীনা হায়খি মদুদি ঙসি মালেম অসিনা মায়োক্নরিবা জিওপোলিতিকেলগী শীংনবশিংগীদমক্তা দিপ্লোমেসীবু পুক্নিং থৌগৎকদবনি। মখা তানা, মহাক্না মপাং ওইরিবা লৈবাকশিংনা অপুনবা শান্তি অমসুং চাউখৎ-থৌরাংগীদমক্তা অমনা অমগী ইন্তরেস্তশিং পুনশিন্নবগী তঙাইফদবা অদুদা অকনবা ৱাফম থমখি।

***