অস্তালক্ষ্মী মহোৎসবকীদমক ঙসি কম্ম্যুনিকেসন অমসুং অৱাং-নোংপোক লমদমগী চাউখৎ-থৌরাংগী মন্ত্রী শ্রী জ্যোতিরাদিত্য সিন্ধিয়ানা প্রেস মীত অমা পাংথোকখ্রে। প্রধান মন্ত্রী শ্রী নরেন্দ্র মোদীগী লমজিং মখাদা দোনর মন্ত্রালয়না অহানবা অস্তালক্ষ্মী মহোৎসব পাংথোক্কনি হায়না মহাক্না হায়খি। প্রধান মন্ত্রীগী ভিজনগা চুনবা, ভারতকী তুংগী চাউখৎ থৌরাংদা অৱাং নোংপোক্কী মরুওইবা অদু মহাক্না ফোংদোকখি। “অৱাং-নোংপোক লমদম অসি ভারতকী গ্রোথকী ইঞ্জিন অমা ওইগদবনি হায়বসি প্রধান মন্ত্রীগী ভিজননি। লক্ষ্মীগী অভাতর তরেৎ - প্রোস্পরিতী, ওপ্যুলেন্স, প্যুরিতী, ৱেল্থ, নোলেজ, দ্যুতী, এগ্রিকলচর অমসুং এনিমেল হসবেন্দ্রী - অসিনা অৱাং-নোংপোক লমদমগী মগুন অদু উৎলি”, হায়না মহাক্কী ৱারোলদা ফোংদোকখি।

থৌরম অদুদা এজুকেসন অমসুং দোনরগী রাজ্য মন্ত্রী, দা. সুকান্তা মজুমদার, সেক্রেতরী, দোনর, শ্রী চঞ্চল কুমার, অমসুং মন্ত্রালয় অসিগী অতোপ্পা মকোক থোংবা ওফিসিএলশিংসু শরুক য়াখি।

অস্তালক্ষ্মী মহোৎসব, অৱাং-নোংপোক ভারতকী কলচরেল ৱেল্থ পালন তৌরিবা, নুমিৎ হুমনিগী কলচরেল ফেস্তিবেল অসি দিসেম্বর 6দগী 8 ফাওবা ন্যু দিল্লীগী প্রগতি মৈদানদা লৈবা ভারত মন্দপমদা পাংথোক্কনি। থৌরম অসি অৱাং নোংপোক লমদমগী চাউখৎ-থৌরাং মন্ত্রালয়না শিল্লি অমদি মাগী  CPSE, নোর্থ ইস্তর্ন হেন্দিক্রাফ্স অমসুং হেন্দলুমস দিবেলপমেন্ত কোর্পোরেসন লিমিতেদ (NEHHDC)না য়েংশিল্লি।

‘মহোৎসবকী মাস্কোৎ, "পুর্ভি" অসি কর্তেন রাইজরগী থৌরম অদুদা হৌদোকখি। পর্ভি অসি অৱাং নোংপোক ভারতকী রাজ্য নিপানগী মহুৎ শিন্দুনা লাকপা নহা ওইরিবা নুপীমচা অমনি। থৌরম অসিগী মতমগী মতুংদসু মাস্কোট অসিনা অৱাং নোংপোক লমদমগী মশক তাক্তুনা লৈহৌরগনি হায়না পানরি।

মহোৎসবকী মতাংদা ভাবোক্তা NEHHDCগী MD, ব্রিগেদর রাজীব কুমার সিংহ (রিতায়র্দ) না পাউদমখি। অস্তালক্ষ্মী মহোৎসবকী অহানবা ইদিসন অসি অৱাং-নোংপোক ভারতকী পাক চাউরবা কলচরেল তেপেস্ত্রীবু ময়েক শেংহন্নবা দিজাইন তৌখ্রে হায়না মহাক্না ফোংদোকখি, মসিদা চৎনবীগী ওইবা আর্ত, ক্রাফ্ত, অমসুং কলচরেল প্রেক্তিস কয়া অমা পুনশিন্নদুনা এক্তিব ওইবা শক্তম অমদা উৎলি। ফেস্তিবেল অসিগী পান্দমদি লমদম অসিগী শেন্মিৎলোনগী খুমাং চাউশিনবা অমসুং খুমাং চাউশিনবা অমা ওইহন্নবা ত্রেদিস্নেল হেন্দিক্রাফ্ত, হেন্দলুম, লৌউ-শিংউগী পোত্থোক অমসুং তুরিজমগুম্বা লমশিংদা ইন্তরেক্সন অমসুং শেন্মিৎলোনগী খুদোংচাবশিং প্রমোৎ তৌবা অসিনি।

মহোৎসব অসিদা থৌরম কয়ামরুম য়াওগনি, মসিদা য়াওরিবশিং অদুদি:

1. আর্তিসান একজিবিসনশিংদা অৱাং-নোংপোক লমদমগী আর্তিসান অমসুং ওন্ত্রপ্রিনোর 250 হেনবনা হন্দিক্রাফ্ত, হেন্দলুম অমসুং এগ্রি-হোর্তি প্রদক্তশিং অমসুং GI তেগ তৌরবা পোত্থোক 34 - অৱাং-নোংপোক ভারতকী লমদমসিগী মহৈ-মরোংশিং অমসুং ওর্গানিক প্রদক্তশিং উৎলি। স্তেত-স্পেসিফিক পেভিলিয়নশিং, ইরি অমসুং মুগা সিল্ক গেল্লরী অসিসু থৌরম অসিগী মরুওইবা হাইলাইত অমা ওইগনি।

• ii. অৱাং-নোংপোক লমদমগী চাউখৎ-থৌরাংগীদমক মরুওইবা হিরমশিং হায়বদি নুপীশিংগী লুচিংবা, ইনফোর্মেসন তেক্নোলোজী, ইনর্জী, হেল্থকেয়র, স্পোর্তস, আর্তস অমসুং কলচরদা তেক্নিকেল সেসনশিং। মহোৎসব অসিগী মনুংদা লৈবাক অসিবু চাউখৎপগী মায়কৈদা পুখৎপদা লমদম অসিনা লৌরিবা মরুওইবা থৌদাং অদু শন্দোক্না তাক্নবা পান্দম থমদুনা "তুৱার্দস প্রোস্পরিতী: কেতালাইজিং নোর্থ ইস্ত'স প্রগ্রেস তুৱার্দস ভিক্সিত ভারত" হায়না মিংথোনবা মরু ওইবা সেসন অমসু পাংথোক্কনি।

3. ইনভেস্তরশিংগী রাউন্দতেবল অসি নেৎৱার্কশিং, পার্তনরশিপশিং অমসুং জোইন্ত ইনিসিএতিবশিং শেমগৎনবা অমসুং মপাঙ্গল কনখৎহন্নবা অমত্তা ঙাইরবা খুদোংচাবা অমা ওইনবা দিজাইন তৌখি। মসিদা অৱাং নোংপোক লমদমদা বিজিনেস চাউখৎনবা অমসুং অনৌবা ইনভেস্তমেন্তশিংগী খুদোংচাবশিং মমুৎ তানা য়েংনবা খুদোংচাবা পীখি।
4. হেন্দলুম অমসুং হেন্দিক্রাফ্তস, এগ্রিকলচর অমসুং হোর্তিকলচর, জেমস অমসুং জ্বেলরী, অমসুং তুরিজম হায়রিবা সেক্তরশিংদা অখন্ননা মীৎয়েং থম্লিবা বায়র সেলর মীতশিং। শরুক য়ারিবশিংনা ললোন-ইতিক্কী খুদোংচাবশিং থিদোক্কনি অমসুং ইকোনোমিক কোলাবোরেসন অমসুং গ্রোথ মখা তানা হেনগৎহন্দুনা মরুওইবা সেক্তরশিং অসিগী মনুংদা কান্নরবা মরীশিং থম্নবা হোৎনগনি।

• v. দিজাইন কনক্লেব অমসুং ফেসন শো, অৱাং-নোংপোক ভারতকী শেন-থুম অমসুং খুৎ-শা হৈবগী চৎনবীশিং নেস্নেল স্তেজতা উৎনবা শেমখি। দিজাইন কনক্লেব অসি দিজাইনগী মহৈরোইশিং অমসুং এফিসিওদোশিংগীদমক লৌশিং তানবগী প্লেৎফোর্ম অমা ওইনবা পান্দম থম্লি। মসিনা দিজাইন কম্ম্যুনিতীগী মনুংদা এজুকেসন, ইন্সপিরেশন অমসুং এম্পাৱরমেন্ত পুক্নিং থৌগৎলি। ফেশন শো অসি লমদম অসিগী আর্তিসানশিং অমসুং মশক থোকপা দিজাইনরশিংগী মরক্তা অফবা কোলাবোরেসন অমা ওইনবা শেম-শারি।

6. অস্তালক্ষ্মী গ্রামীন হাৎ অসি অৱাং নোংপোক ভারতকী ত্রেদিস্নেল রুরেল মার্কেতশিংগী নুংঙাইবা ফীভম অদু নৌহৌননা শেমগৎনবা দিজাইন তৌখিবা অস্তালক্ষ্মী মহোৎসবকী মরুওইবা শরুক অমা ওইগদৌরি। ক্যুরেৎ তৌরবা কৈথেল অসিদা মখল কয়াগী স্তোলশিং লৈগনি। মসিদা আর্তিসান 300 হেনবা, ওর্গানিক প্রদক্তরশিং অমসুং লৌমীশিংনা মখল কয়াগী লমদমসিগী পোত্থোকশিং উৎকনি।
7. কলচরেল পর্ফোর্মেন্সশিং: ফেস্তিবেল অসিনা চৎনবীগী ওইবা জগোইশিং, নুংঙাইবা পর্ফোর্মেন্সশিং অমসুং লমদম অসিগী কলচরেল হেরিতেজগী শক্তমশিং উৎপদা নুংঙাইবা খোঙচৎ অমা পীরগনি হায়নসু থাজবা পীরি।

2024গী দিসেম্বর 6তা, "অস্তালক্ষ্মী সিম্ফোনি", ফেস্তিবেলগী স্পিরিত অসি উৎলিবা পর্ফোমেন্স অমগা লোয়ননা পুক্নিং শুমহৎনীংঙাই ওইবা কলচরেল এক্সপরিয়েন্স অমা ফংহনগনি। মসিগী মথক্তা, শক্নাইরবা শিলোং চেম্বর কোয়রনা নুংথিলগী মতমদা মখোয়গী খোইথুমনরবা  খোঞ্জেলগা লোয়ননা থৌরম অসিদা শরুক য়াগনি।

মহোৎসবকী অনিশুবা নুমিৎ, দিসেম্বর 7, 2024দা, পর্ফোর্মেন্স কয়া উৎকনি। মিজোরামগী পঙ্গপারীগী ফজরবা তান্থা অমসুং অখন্নবা ঈশৈশিংনা মীয়াম্বু পুক্নিং চিংশিনগনি। মসিগী মতুংদা সিক্কিমগী সোফিয়ুমগী বেন্দনা নুংঙাইরবা বেন্দ পর্ফোর্মেন্স উৎকনি। কলচরেল এক্সত্রাভেগেঞ্জা অসি প্রসাদ বিদাপাগী ফেশন শো অমা উৎতুনা মখা চত্থগনি, মসিদা অৱাং নোংপোক লমদমগী হৈথোই-শিংথোইরবা দিজাইনরশিংগী কল্লেক্সনশিং উৎকনি অমসুং ভারতকী মকোক থোংবা দিজাইনরশিংগী গ্রান্দ ফিনালে অমা উৎকনি।

2024গী দিসেম্বর 8দা, মহোৎসব অসি মনিপুরদগী লাকপা বাসাভকী ঈশৈশিংনা নিলহনগনি। মসিদা থোইদোক হেন্দোক্না নুংঙাইবা অমসুং পুক্নিং থৌগৎনিংঙাই ওইবা ম্যুজিকেল পর্ফোমেন্স অমা উৎকনি। নুমিৎ অসিগী নুংঙাইবা অদুদা, ফীথরহেদস হাওকুই বেন্দনা ফজরবা পার্ফোমেন্স অমা পীগনি, অদুগা ফজরবা তাই খামতি দান্সনা লমদম অসিগী কলচরগী ওইবা চৎনবীশিংবু ময়েক শেংনা উৎকনি। মসিগী মথক্তা, তেলেন্ত লৈরবা গিতরিস্ত ইমনানলা জমিরনা মহাক্কী স্কিলশিংগা লোয়ননা মীয়ামবু শুমহৎপগা লোয়ননা তোঙান-তোঙানবা আর্তিস্তিক এক্সপ্রেসনশিংগা লোয়ননা থৌরম অসি লোইশিনগনি।

অস্তালক্ষ্মী মহোৎসবনা শরুক য়ারিবশিংদা হেরিতেজনা মোদর্নিতীগা থেংনগদবা তোপ তোপ্পা খোঙচৎ অমা পীগনি। মসিনা লমদম অসিগী তোঙান তোঙানবা তেপেস্ত্রীশিংবু সেলেব্রেৎ তৌবতা নত্তনা চাউখৎনবা পুক্নিং থৌগৎকদবা মফম অমা শেমগনি।

অৱাং-নোংপোক লমদম অসি চাউখৎপগী মায়কৈদা ভারতকী খোঙচৎপু খুমাং চাউশিনহনবদা মরুওইবা থৌদাং লৌগদৌরিবনি। অৱাং-নোংপোক লমদমগী কলচরেল ৱেল্থ অমসুং দাইভর্সিতীবু ইকাই খুম্ননবা অমসুং উৎনবা দোনর মন্ত্রালয়গী থৌরাং 'অস্তালক্ষ্মী মহোৎসব' অসি কেলেন্দরগী থৌরম অমা ওইগনি।

অস্তালক্ষ্মী মহোৎসবকা মরী লৈনবা অহেনবা ই-পাউ মখাগী লিঙ্কশিং অসিদা ফংগনি:

ৱেবসাইৎ: https://www.ashtalakshmimahotsav.com/

ফেসবুক: https://www.facebook.com/profile.php?id=61567815593724&mibextid=ZbWKwL

ইনস্তাগ্রাম: https://www.instagram.com/ashtalakshmi_mahotsav/

*****