U Myntri ba dei khmih ia ka Tnad Communications and Development of Northeastern region, Jyotiraditya Scindia u la pyniaid ia ka jingialang bad ki lad pathai khubor na ka bynta ka Ashtalakshmi Mahotsav mynta ka sngi. U la ong ba ka Tnad DoNER kan pynlong ia ka Ashtalakshmi Mahotsav ba nyngkong, hapoh ka jingialam jong u Myntri Rangbah duh Narendra Modi. U la ban jur ia ka jingkongsan jong ka thain shatei lammihngi ha ka jingkyntiew ia ka lawei jong ka ri, kaba iahap bad ka jingthmu jong u Myntri Rangbah duh. “Kadei ka jing thmu jong u Myntri Rangbah duh ba ka thain shatei lammihngi kadei ban long kum ka kor jong ka jingkiew shaphrang ka ri. Ki phra tylli ki bynta jong ka Lakshmi – ka jingseisoh, ka jingpahuh, ka jingkhuid, ka spah, ka jingnang jingtip, ka Kamram, ka rep ka riang, bad ka kam ri jingri- kilong ka dak jong ka jinglong jong ka thain shatei lammihngi”, u la ong ha ka jingkren jong u.

U Myntri Khynnah ba dei khmih ia ka Tnad Pule Puthi & DoNER, Dr.Sukanta Majumdar, Secretary, u Chanchal Kumar, Secretary, MDoNER, bad kiwei kiwei ki ophisar jong ka Tnad ki la iadonlang ha ka jingialang.

Ka Ashtalakshmi Mahotsav, ka jingrakhe ia ka jingriewspah ka deiriti jong ka thain shatei lammihngi jong ka ri, ka tamasa deiriti kaba lai sngi kan long ha Bharat Mandapam ha Pragati Maidan, New Delhi, naduh ka 6 haduh 8 tarik Nohprah. Ia kane ka prokram la pynlong da ka Tnad Development of North Eastern Region bad la pyniaid lyngba ka CPSE jong ka, North Eastern Handicrafts & Handlooms Development Corporation Limited (NEHHDC).

La pyni ia ka ‘Purvi’, u mascot jong ka Mahotsav ha kane ka jingialang. Ka Purvi kadei ka khynnah kynthei kaba mihkhmat ia baroh phra tylli ki jylla ka thain shatei lammihngi. La thmu ba kane ka mascot kan bteng ban long ka dak jong ka thain shatei lammihngi ha ki por ban wan, wat hadien kane ka prokram.

U Brig. Rajiv Kumar Singh (Retd.), MD, NEHHDC u la ai jingkren shaphang ka Mahotsav. U la pyntip ba ia ka bynta ba nyngkong jong ka Ashtalakshmi Mahotsav la saindur ban pyni ia ka jingiar ka deiriti jong ka thain shatei lammihngi jong ka ri, kaba wanrah lang ia ki rukom saindur bad shna tiar tynrai, ka deiriti ha kawei ka jaka. Ka thong jong ka tamasa kalong ban kyntiew ka jingiamir jingmut bad ki lad ka ioh ka kot ha ki bynta kum ka jingshna tiar tynrai, ka jingthain jain, ki mar rep, bad ka kam jngoh kai, bad kane kan iarap ia ka jingkiew shaphrang ka thain ha ka ioh ka kot.

Ka Mahotsav kan don ki prokram bapher bapher, ba kynthup:

1. Ki jingpyni ia ki kam jong ki nongsaindur ha kaba palat 250 ngut ki nongtrei kti bad ki nongseng kam lajong na ka thain shatei lammihngi kin pyni ia ki tiar shna kti, ki jingpyni haduh 34 tylli ki mar ba la ioh GI tagging – ki soh na ka thain bad ki mar organic jong ka thain shatei lammihngi jong ka ri. Yn don ki jaka kyrpang jong ki jylla, ka Eri bad Muga Silk Gallery ka ban long ka bynta kaba kongsan jong kane ka prokram.
2. Ki jingialang teknikal halor ki bynta ba kongsan kilong kiba donkam na ka bynta ka roi ka par jong ka thain shatei lammihngi, kum ka jinglong nongialam ki longkmie, ka information technology, ka bording, ka kam ai jingsumar, kam ialehkai, ki kam saindur, bad ka deiriti.  Yn pynlong ia ka jingialang ha kane ka Mahotsav kaba la ai kyrteng "Towards Prosperity: Catalysing North East's Progress Towards a Viksit Bharat" kaba thmu ban pyni ia ka bynta ba kongsan ba ka thain ka don ban rah shakhmat ia ka ri.

• iii. Ka jingialang jong ki nongbei tyngka kaba la saindur ba kan long ka kabu kaba kyrpang ban tei bad pynkhlain ia ki rynsan, ki jingiatreilang, bad ki sienjam iatreilang, ha kaba yn pyni ia ki lad kiba don ha ka thain na ka bynta ka jingkyntiew ia ka khaii pateng bad ki lad bei tyngka ha ka thain shatei lammihngi.
• iv. Ki jingialang jong ki Nongthied bad ki Nongdie ka phaikhmat kyrpang halor ki kam kum ki mar ba shna da ka kti bad ki jain, ka kam rep, ki mawlynnai bad ki jingdeng bad kam jngoh kai. Ki nongiashim bynta kin peit ia ki lad khaii pateng, bad wanrah ia ki jingiadei bad kine ki kam kam ba kongsan, ka ban kyntiew shuh shuh ia ka jingiatreilang ha ka ioh ka kot bad ka jingkiew shaphrang.

5. Ka Design Conclave and Fashion Show, kaba aiti ban pyni ia ka kam shna jain jong ka thain shatei lammihngi ha ka rynsan jong ka ri. Ka Design Conclave ka thmu ban long ka rynsan ai jingtip na ka bynta ki samla pule ba iadei bad ka kam saindur bad ki briew kiba sngewtynnad ia ka riam ka beit, ka ban kyntiew ia ka pule puthi, ai mynsiem, bad pynkup bor ia ki briew kiba don bynta ha ka kam saindur. Ka Fashion Show kadei ka jingpyni ia ka jingiatreilang jong ki nongsaindur bad ki nongpynmih ia ki jain na ka thain.

• vi. Ka Ashtalakshmi Grameen Haat kan long ka bynta kaba kongsan ha ka Ashtalakshmi Mahotsav kaba la saindur ban wanrah ia ka jinglong jingman kaba itynnad jong ki iew ha ka thain shatei lammihngi. Kane ka iew kan don ki stall, bad palat 300 ngut ki nongtrei kti, ki nongrep mar organic, bad ki nongrep ki ban pyni ia ki mar bapher bapher jong ka thain.

(vii) Ki prokram deiriti: Ha kane ka tamasa yn don ki jingshad tynrai, bad ka jingpyni ia ka jingriewspah ka pateng deiriti jong ka thain.

Ha ka 6 tarik Nohprah, 2024 ki paidbah kin iohi ia ka deiriti lyngba ka "Ashtalakshmi Symphony," ka prokram kaba rahe ia ka jinglong jong kane ka tamasa. Ha kajuh ka por, ka Shillong Chamber Choir kan iashim bynta lyngba ki sur jingrwai ha ka por janmiet.

Ha ka sngi kaba ar jong ka Mahotsav, ha ka 7 tarik u Nohprah, 2024, yn don ki prokram da ka PANGPARI na Mizoram bad ka SOFIYUM na Sikkim. Ka jingpyni ia ka deiriti kan bteng lyngba ka Fashion Show da u Prasad Bidapa, ha kaba yn pyni ia ki jingsaindur na ka thain shatei lammihng bad ka jingpynkut ha kaba yn pyni ia ki jain ba la saindur da ki briew na kylleng ka India.

Ha ka 8 tarik u Nohprah, 2024, ka Mahotsav kan ioh ia ki sur jingrwai da ka BASAV na Manipur. Ha kane ka juh ka sngi kan don ka sur jingrwai na ka kynhun FEATHERHEADS HAOKUI bad ka jingpyni ia ka jingshad Tai Khamti. Shuh shuh ka nongtem ba pawnam Imnanla Jamir kan ai ia ka jingtem.

Ka Ashtalakshmi Mahotsav ka plié lad ia ki briew kiba wan iashim bynta ba kin iohi ia ka jingiasoh jong ka jinglong tynrai bad ka juk mynta ha kaba yn rakhe ia ka deiriti jong ka thain bad yn pynshlur ia ka jingkiew shaphrang jong kane.

Ka tnain shatei lammihngi kan don ka bynta kaba heh ha ka jingiaid lynti ka India sha ka roi ka par. Kane ka sienjam da ka tnad DoNER ‘Ashtalakshmi Mahotsav’ kan long ka prokram kaba pynlong man ka por ha kaba yn pynkup burom ia ka jingriewspah ka thain shatei lammihngi ha kaba iadei bad ka jingiar bad ka deiriti.

Lah ban ioh shuh shuh ki jingtip ba iadei bad ka Ashtalakshmi Mahotsav ha kine ki link harum:

Website: https://www.ashtalakshmimahotsav.com/

Facebook: https://www.facebook.com/profile.php?id=61567815593724&mibextid=ZbWKwL

Instagram: https://www.instagram.com/ashtalakshmi_mahotsav/

*****

(Release ID: 2079249) Visitor Counter : 4