U-WIN অসি য়ুনিভর্সেল ইম্ম্যুনাইজেসন প্রোগ্রাম (UIP) গী মখাদা মীরোনবী নুপীশিং অমদি অঙাংশিংদা (পোকপদগী চহি ১৬ ফাওবা) ভেক্সিন্না ঙাকথোকপা য়াবা লায়না ১২ দগী ঙাকথোক্নবা পুন্সি কনগদবা ভেক্সিনশিং মতম চানা কাপথোক্নবা লৈরিবা ভেক্সিনেসন সর্ভিস পুম্নমক্কী দিজিতেলাইজেসন তৌনবা দিজিতেল প্লেতফোর্ম অমনি‍। UIP গী চহিগী তার্গেৎ অসি মীরোন্বী নুপী করোর ২.৯ অমদি অঙাং (চহি ০-১) করোর ২.৬ নি‍। লৈবাক শিন্বা থুংনা U-WIN রোল আউত তৌবা মপুং ফারে‍। মসিগী মরুওইবা ফীচরশিংদি ‘এনিতাইম এক্সেস’ অমদি ‘এনিৱাইয়র’ ভেক্সিনেসন সর্ভিস, অয়ুস্মান ভারত হেল্থ একাউন্ত (ABHA) অমসুং চাইল্দ ABHA জেনেরেত তৌবা, সিতিজন মোদ্যুল, ওতোমেতেদ SMS এলর্ত, QR-বেজ ই-ভেক্সিনেসন সর্তিফিকেত অমদি ভেক্সিনেতরশিংনা দেতা এন্ত্রী তৌনবা ওফলাইন মোদ য়াওরি‍।

U-WIN গী অহৌবগী পাইলোত স্তেত/য়ু.তি. ৩৫ গী দিস্ত্রিক্ত ৬৩দা পায়খৎখি মদুগী তুংদা লৈবাক শিন্বা থুংনা রোল-আউত তৌরকখিবনি‍। নবেম্বর ২৫, ২০২৪ ফাওবদা বেনিফিসরী করোর ৭.৪৩ রেজিস্তর তৌরে, ভেক্সিনেসন সেসন করোর ১.২৬ পাঙথোকখ্রে অমদি ভেক্সিন দোজ করোর ২৭.৭৭ কাপথোকখ্রে হায়না U-WIN দা রেকোর্দ তৌরি‍। প্লেতফোর্ম অসি নুংতিগী শীজিন্নবা হেনগৎলক্লিবা অসিনা মীয়াম অমদি ফ্রন্তলাইন ৱর্কর অনিমক্তা এৱ্যারনেস লৈহল্লে অমদি ইম্ম্যুনাইজেসন সর্ভিস নীংথিনা ফংহল্লে‍।

স্তেত/য়ু.তি.শিংগী ওইনা U-WIN দা রেজিস্তর তৌরক্লবা বেনিফিসরী মশিং অমদি কাপখ্রবা অপুন্বা ভেক্সিন দোজ মশিং এনেক্সচরদা পীরি‍।

মীয়াম অমদি ভেক্সিনিতরশিংনা শীজিন্নবদা লায়হন্নবা U-WIN দিজিতেল প্লেতফোর্মগী মোবাইল এপ্লিকেসন অমসু লৈ‍। মোবাইল এপ্লিকেসন অসি বতন অমখক নম্লগা গুগল প্লেস্তোরদগী দাউনলোদ তৌবা য়াগনি‍। মীয়ামদা এৱ্যারনেস হেনগৎহন্নবা অমদি মীয়ামবু ভেক্সিনেসন ফংহন্নবগীদমক ভারত লৈঙাক্না মখাগী খোঙথাংশিং অসি পায়খৎলে‍:

• U-WIN গী মরমদা এৱ্যারনেস লৈহন্নবা অচৌবা সোসিএল মীদিয়া কম্ম্যুনিকেসন কেম্পেন অমা তোঙান তোঙানবা সোসিএল মীদিয়া প্লেতফোর্মশিংদা মন্ত্রালয়গী সোসিএল মীদিয়া হেন্দলশিংগী খুত্থাঙদা পাঙথোকখ্রে‍।
• তোয়না হঙ্গনবা ৱাহংশিং (FAQs) ভারতকী লোল ১১ দা U-WIN ৱেবসাইত্তা মীয়াম অমদি ফ্রন্তলাইন ৱর্করশিংদা রেজিস্ত্রেসন, এপোইন্তমেন্ত, বুকিং, নেসস্নেল ইম্ম্যুনাইজেসন্নচিংবা য়াওনা U-WIN গী মরুওইবা ফীচরশিং অমদি মদু শীজিন্নবগী মতাঙদা লমজিং লমতাক্নবা হাপ্লে‍।

U-WIN প্লেতফোর্মনা রেজিস্ত্রেসন কনফর্মেসন, কাপখিবা ভেক্সিন দোজকী একনোলেজমেন্তকী ওতোমেতেদ SMS এলর্ত য়াহল্লি অমদি কাপকদবা নকশিল্লক্লবা দোজকী রিমাইন্দর SMS সু থারি (ভেক্সিনেসন দ্যু দেতকী নুমিৎ ৩ গী মমাঙদা)‍।

U-WIN গী ওফলাইন মোদনা হেল্থ ৱর্করশিংবু ইন্তরনেত কন্নেক্তিবিতী ফংদবা মফমশিংদা ভেক্সিনেসন সর্ভিস রেকোর্দ তৌবা য়াহল্লি‍। মীয়াম মরক্তা, মরুওইনা মীরোন্বী নুপীশিংগী মরক্তা মসিগী মরমদা খঙহন্নবা অচৌবা লৈবাক পুম্বগী ওইবা সোসিএল মীদিয়া কেম্পেন পাঙথোক্লি‍।

ৱাফম অসি ঙসি লোক সভাদা হকশেল অমদি য়াইফ-য়ুম্বালগী কেন্দ্রগী রাজ্য মন্ত্রী শ্রীমতি অনুপ্রিয়া পতেলনা অইবা পাউখুম ওইনা পীদুনা ফোঙদোকখিবনি‍।

এনেক্সচর

U-WIN দা লৈবা স্তেত-স্তেতকী ওইবা রেজিস্ত্রেসন অমদি কভরেজ মশিং

(নবেম্বর ২৫, ২০২৪ ফাওবদা)

****