म्हायती आनी वितरावणी मंत्रालय
काश्मीराच्या राउफ डान्स ते तमिळनाडूच्या करकट्टम मेरेन: सेंट्रल ब्युरो ऑफ कम्युनिकेशन 55व्या इफ्फीत शास्त्रीय आनी लोक कलाकारांक एकठांय हाडटा
55व्या भारतीय आंतरराष्ट्रीय चित्रपट महोत्सवांत भारतभरांतल्या 110 कलाकारांचे सादरीकरण
इफ्फी 2024 – भारतीय सिनेमा आनी कला प्रकारांचो उत्सव मनोवपाची सुवात
#IFFIWood, 28 नोव्हेंबर 2024
भारत सरकाराच्या म्हायती आनी प्रसारण मंत्रालया अंतर्गत केंद्रीय संचारण ब्युरो (सीबीसी) 55व्या भारतीय आंतरराष्ट्रीय चित्रपट महोत्सवाच्या सुवातेर आपल्या कलाकारां वरवीं गीत आनी नाटक विभागा खाला भारताची गिरेस्त सांस्कृतीक विविधताय दाखयता. इफ्फी 2024 च्या फाटभुयेर इफ्फीएस्टाचो एक भाग म्हूण ही कार्यावळ चलता.
सीबीसीन 55व्या इफ्फीत प्रस्तुत केल्यो सांस्कृतीक कार्यावळी
मनभुलोवपी सांस्कृतीक कार्यावळींच्या माळे वरवीं भारतांतल्या वेगवेगळ्या प्रदेशांतल्या शास्त्रीय आनी लोक नाचाचे प्रकार इफ्फी 2024 च्या वेगवेगळ्या सुवातींनी सादर जाले , जांतूत देशाची दोलायमान परंपरा आनी कलात्मक दायज मनयतात . दरेक नाचाचो प्रकार एक आगळीच काणी सांगता आनी आपल्या वाठारांतल्यो थळाव्यो चालीरिती, संस्कार आनी अध्यात्म मुखार दवरता, जाका लागून इफ्फीतल्या चित्रपट मोगीं खातीर हो एक अदभूत दृश्य आनी कलात्मक अणभव थारता.
राष्ट्रभरांतले 110 वयर प्रतिभावान कलाकार ह्या कार्यावळींत वांटो घेतात, जे प्रादेशिक नाच शैलींच्या विस्तृत सरणीचें प्रतिनिधित्व करतात.
गुवाहाटी, हैदराबाद, भुवनेश्वर, जम्मू, चेन्नय, हिमाचल प्रदेश, बेंगळुरू, पुणे, दिल्ली ह्या सारक्या वेगवेगळ्या सीबीसी प्रादेशिक कार्यालयांनी ही सादरीकरणां घडोवन हाडटात.
सकयल दिल्ले खासा सादरीकरण जाता:
- आसामाचो सत्रिया, भोरताल, देवधनी, आनी बिहू नाच – सीबीसी गुवाहाटी प्रस्तुत
- तेलंगना सावन गुसाडी डान्स – सीबीसी हैदराबाद हांची प्रस्तुती
- ओडिशाचो ओडिसी – सीबीसी भुवनेश्वर हांचे सादरीकरण
- काश्मीराचो राउफ – सीबीसी जम्मू क्षेत्र हांची प्रस्तुती
- तमिळनाडूंतल्यान करकट्टम – सीबीसी चेन्नय हांचे सादरीकरण
- केरळांतल्यान मोहिनीअट्टम – सीबीसी केरळ हांची प्रस्तुती
- हिमाचल प्रदेशांतल्यान सिरमौर नाटी, दगयाली और दीप नृत्य – सीबीसी हिमाचल प्रदेशाचे सादरीकरण
- कर्नाटकांतलो जोगाथी आनी दीपम डान्स – सादर करपी सीबीसी बेंगळुरू
- महाराष्ट्रांतल्यान लावणी नृत्य आनी मुजरा – सीबीसी पुणें हांची प्रस्तुती
- राजस्थानाचो चेरी आनी कालबेलिया नाच आनी बिहाराचो झिझिया नाच – सीबीसी दिल्लीचे सादरीकरण
सीबीसीन आयोजीत केल्ल्या सांस्कृतीक सादरीकरणांचे रंगीत फोटो आमी क्युरेट केल्यात. सीबीसीच्या शास्त्रीय आनी लोक कलाकारांचे सादरीकरण तुमी हांगा स्क्रोल करूंक शकतात.
वेगवेगळ्या सीबीसी प्रादेशिक कार्यालयांनी आयोजीत केल्लीं सादरीकरणां
काश्मीराचो राउफ – सीबीसी जम्मू क्षेत्र हांची प्रस्तुती
ओडिशाचो ओडिसी – सीबीसी भुवनेश्वर हांचे सादरीकरण
केरळांतल्यान मोहिनीअट्टम – सीबीसी केरळ हांची प्रस्तुती
हिमाचल प्रदेशांतल्यान सिरमौर नाटी, दगयाली और दीप नृत्य – सीबीसी हिमाचल प्रदेशाचे सादरीकरण
राजस्थानाचो चेरी आनी कालबेलिया नाच आनी बिहाराचो झिझिया नाच, हरियाणवी नाच– सीबीसी दिल्लीचे सादरीकरण
आसामाचो सत्रिया , भोरताल, देवधनी, आनी बिहू नाच – सीबीसी गुवाहाटी प्रस्तुत
कर्नाटकांतलो जोगाथी आनी दीपम डान्स – सादर करपी सीबीसी बेंगळुरू
महाराष्ट्रांतल्यान लावणी नृत्य आनी मुजरा – सीबीसी पुणें हांची प्रस्तुती
तेलंगना सावन गुसाडी डान्स – सीबीसी हैदराबाद हांची प्रस्तुती
तमिळनाडूंतल्यान करकट्टम – सीबीसी चेन्नय हांचे सादरीकरण
इफ्फीएस्टा विशीं:
55व्या भारतीय आंतरराष्ट्रीय चित्रपट महोत्सव (इफ्फी) 2024त 21 नोव्हेंबर ते 28 नोव्हेंबर मजगती गोंयांतल्या पणजी हांगाच्या सोबीत कला अकादेमींत इफ्फीएस्टा ही एक अदभूत मनरिजवणेची कार्यावळ आयोजीत जाता . चित्रपट, संगीत, कला आनी जेवणाची जादू मनोवपा खातीर तयार केल्ल्या ह्या महोत्सवांत संस्कृताय आनी मनरिजवण हांच्या मनभुलोवपी मिलाफातल्यान समाजांक एकठांय हाडला.
कला अकादेमींत आनी ताचे भोंवतणचे मनरिजवण क्षेत्र तरणाट्यां खातीर केंद्रीत आसा. तशेंच 22 नोव्हेंबराक इफ्फीएस्टाचो एक भाग म्हूण ‘जर्नी ऑफ इंडियन सिनेमा’ भोंवतणी कार्निवाल परेड घडोवन हाडली.
* * *
PIB IFFI CAST AND CREW | Subhash/Utkarsha/Darshana | IFFI 55
(Release ID: 2078583)
Visitor Counter : 3