#IFFIWood, 27 नोव्‍हेंबर 2024

आयज इफ्फी 2024त ‘ताल’ ची 25वी वर्सां मनयली, सिनेमाचें खाशेलें प्रदर्शन आनी उपरांत दिग्दर्शक सुभाष घई, गायिका कविता कृष्णमूर्ती, अभिनेत्री जिविधा शर्मा हांचो आस्पाव आशिल्ल्या ‘ताल’ च्या पंगडान पत्रकार परिशद घेतली.

आयज मेरेन ह्या सिनेमाची व्हड लोकप्रियता मतींत घेतल्यार, हो सिनेमा पळोवंक नाशिल्लो कोण मेळप क्वचितच आसतले, अशें श्री घई हाणी आपल्या उक्तावण उलोवपांत सांगलें.

“कांय चित्रपटांचें आयुश्य व्हड आसता आनी ते प्रेक्षकां मदीं प्रतिध्वनीत जातात. जेन्ना तुमकां निराश दिसता तेन्ना तुमकां 'ताल' सारको सिनेमा पळोवपाची इत्सा जातली”, अशें सिनेमाचो मुखेल अभिनेतो अनिल कपूर हांणी व्हिडियो संदेशांत सांगलें.

“सुभाष घई हो ह्या उद्देगाचो मास्टर शोमन जांणी जायत्यो उत्कृष्ट रचना निर्माण केल्यो. आमी सगळ्यांनी घई हांका समजून घेवपाक आनी व्हड पडध्यार तांची दृष्टी जाणून घेवपाक आमी 'ताल' पळोवपाक जाय, अशे ह्या सिनेमांत अभिनय केल्ल्या सौरभ शुक्लान व्हिडियो संदेशा वरवीं सांगलें.

‘ताल’ हो पयलो भारतीय चित्रपट, जाणि ‘व्हरायटी टॉप 20 बॉक्स-ऑफिस’ यादी मोडली. सुभाष घई ए.आर रहमानाक ह्या सिनेमा खातीर संगीत रचपाक कशें सांगलें तें सांगताना, तांणी म्हळें कि, रहमानाक सांगिल्लें कि “म्हाका हे संगीत फिल्म करपाचे आसा. म्हणल्यार तूं म्हज्या सिनेमाचो नायक आनी हांव दिग्दर्शक”!

श्री घई हांणी ह्या सिनेमा खातीर आपल्या दृश्टीकोनाची चड म्हायती दिली आनी म्हणलें, की हातूंत चलयेचें मुखेल पात्र फिल्म सोंपसर उदरगतीच्या 7 पांवड्यांतल्यान वता, जें ह्या सिनेमा कडेन संबंदीत आशिल्ल्या 7 ‘सुर’ (संगीत स्वरांचें) प्रतीक आसा.

अक्षय खन्नान प्रतिनिधित्व केल्ल्या मोगाची शुध्दताय आनी अनिल कपूर हांणी प्रतिनिधित्व केल्ल्या भौतिक जग हांचे मदलो संघर्श, ह्या सिनेमांत दाखयला, अशें श्री घई हांणी सांगलें.

“संगीत, रचना, अभिनय, वेशभूषा सगळें ह्या सिनेमांत एकामेकां कडेन समन्वयांत आशिल्लें, कारण फिल्मांक अर्थीक आदार दिवपी खंयच्याच व्हडल्या स्टुडिओचो म्हाका दबाव नाशिल्लो, तशेंच बॉक्स ऑफिसाच्या फिगरां फाटल्यान हाव  धांव नाशिल्लो. जेन्ना दिग्दर्शक फिल्माच्या अर्थीक स्थितीचो चड हुस्को करता, तेन्ना तो ताच्या दिग्दर्शनाच्या वावराचेर लक्ष केंद्रीत करपाक फाटी पडटा, हें निश्चीत”, अशें दुख्ख श्री घई हांणी उक्तायलें.

कविता कृष्णमूर्ती तो परिपूर्ण स्वर मेळोवपा खातीर कितलींशींच वरा गायली, अशें फिल्म तयार करतना कलाकारांच्या समर्पणाचेर विस्तारान सांगतना सुभाष घई हांणी सांगलें.

“हांवें अशे तरेन गावपाचो यत्न केलो की फकत भारतीय आयकप्यांक न्हय तर संवसारभरांतल्या आयकप्यांक ते आवडटलें,” अशें  गायिका कविता कृष्णमूर्ती हांणी ‘ताल’ खातीर सादर केल्लीं सुपरहिट गितां सांगतना सांगलें.

“हांव ह्या इंडस्ट्रींत नवे आशिल्ले, आनी ताल हे फिल्म इंडस्ट्रींतल्या उत्कृश्ट लोकांकडल्यान हें क्राफ्ट शिकपाची एक परिपूर्ण संद जाली” अशें जिविधा शर्मा हांणी सांगलें, जांणी इला (ऐश्वर्या राय हांणी भुमिका केल्ल्या मुखेल अभिनेत्याची एक भयण) ची भुमिका केल्ली.

पत्रकार परिशद  हांगा पळयात:

* * *

PIB IFFI CAST AND CREW | Subhash/Manali/Darshana | IFFI 55