#IFFIWood, 27 नोव्‍हेंबर 2024

 

55व्या भारतीय  आंतरराष्ट्रीय चित्रपट महोत्सवांत दोन खाशेलें सिनेमांचे उक्तावण  जाले.  प्रतिश्ठीत ‘आयसीएफटी युनेस्को गांधी पदका खातीर’ सर्त करपी इराणी म्हान कलाकृती ‘फॉर राना’ आनी  मानाच्या  ‘इंटरनॅशनल कॉम्पेटिशन’ वर्गाखातीर सर्त करपी  रोमानियन फिल्म ‘द न्यू इयर दॅट नेव्हर केम’ ह्या फिल्मांचो तांतूत आस्पाव आसा . दूरदर्शी दिग्दर्शक आनी निर्मात्यांनी जिवीत हाडिल्ले हे चित्रपट सादारण कथाकथनाच्या क्षेत्रांतल्यान खूब पयस वयर सरतात, स्वताचो सोद, बलिदान आनी जुलूम आनी अत्याचार हांच्या दुख्खाच्या सावळेंत खोलायेन प्रवास करतात.

मिडिया संवादाच्या वेळार ‘फॉर राना’ चो दिग्दर्शक इमान यझदी हांणी सांगलें की हो सिनेमा मध्यमवर्गाचेर जावपी संघर्श, दुबळेपणां आनी समाजीक परिणामाचें प्रतिनिधित्व करता. इफ्फींतल्या ताच्या अणभवाचेर विचारलें तेन्ना,  भारतांतल्या लोकांची  सिनेमा विशींची भावनात्मक उमेद आनी सिनेमा कडेन आशिल्ले नाते पळोवन  हांगाचे प्रेक्षक सिनेमाक खऱ्या अर्थान महत्व  दितात असो उल्लेख तांणी केलो. समाजीक दबाव आनी परिस्थिती व्यक्तींचेर कठीण निर्णय घेवपाक कसो परिणाम करता हाचेर भर दिवन बापूय-पुताच्या संबंदाचें चित्रणाचेर थ्रिलर प्रकाराची निवड जाली अशें तांणी स्पश्ट केलें.

मजगतीं, ‘द न्यू इयर दॅट नेव्हर केम’ ह्या सिनेमाचो दिग्दर्शक बोगदान मुरेसानु हाणें आपल्या सिनेमाचें वर्णन करताना सांगले की ,ही  काणी  रोमानियन क्रांतीच्या पार्श्वभूमीर  घडिल्ली एक शोकांतिक कॉमेडी आसा, जी  त्या काळातल्या कांय टेलिव्हिजन क्रांतींतली  एक आसा. मुरेसानून पीरियड ड्रामा तयार करतना येवपी आव्हानांचो उल्लेख केलो, जातूंत ह्या विशयाचेर व्हड प्रमाणांत संशोधन करपाची गरज आसा आनी इतिहासाची विडंबनाक लागून ताका हो सिनेमा करपाक प्रेरणा मेळ्ळी अशें  ताणें सांगलें. आपल्या इफ्फी अणभवाचेर उलयताना  तांणी सांगलें की सिनेमा एक सार्वत्रिक भास दिता, जाका लागून वेगवेगळ्या देशांतल्या लोकांक एकामेकां कडेन संपर्क सादपाक आनी समजून घेवपाक मेळटा.

चित्रपटां विशीं: 

‘फॉर राना’: आरेफ आपली बायल आनी धूव राणा वांगडा रावता आनी मोटारसायकल रॅम्प जंपचो संवसारीक विक्रम मोडपाची सपनां पळयता. पूण ह्या महत्वाकांक्षी ध्येयाची तयारी करताना तो कुटुंबीक घडणुकांनी घुस्पता आनी ताका लागून ताका कठीण दुविधाक तोंड दिवचें पडटा.

‘द न्यू इयर दॅट नेव्हर केम’ : चाउसेस्कूच्या हुकूमशायेखाला दशकांभर क्रूर जुलूम जाले उपरांत रोमानिया क्रांतीच्या वाटेर आसा. रस्त्यार जावपी निदर्शनां आनी विद्यार्थी कलेंतल्यान राजवटीची फकाणां जाता. कुटुंबां गुप्तपणान वैयक्तीक संघर्श आनी सदांच उपस्थित आशिल्ल्या गुप्त पुलिसां आड झगडटात. एकाच दिसा स असंबंदीत जिवीत एकमेकांक मेळटात आनी बदलाची आस्त धरून भियेवन जगपाचीं विसंगतीं उक्तीं जाता. जसो जसो तणाव वाडत वता तसो तसो एक म्हत्वाचो खीण तांकां एकठांय हाडटा आनी ताका लागून चाउसेस्कू आनी कम्युनिस्ट राजवटीचो नाटकीय पतन जाता.

 

* * *

PIB IFFI CAST AND CREW | Subhash/Utkarsha/Darshana | IFFI 55

(Release ID: 2078227) Visitor Counter : 4