কঞ্জ্যুমর এফিয়র্স বিভাগনা লৈবাক শিনবা থুংনা ই-দাখিল পোর্তেল মাইপাক্না পায়খৎপা হৌখ্রে হায়না লাউথোকপদা চাউথোকচবা ফাওই, পোর্তেল অসি হৌজিক্তি ভারতকী রাজ্য অমসুং য়ুনিয়ন তেরিতোরী পুম্নমক্তা মথৌ তৌরে। ই-দাখিল অসি তশেংনা ভারত পুম্বগী ওইবা খোঙথাং অমা ওইহন্নবগীদমক্তা 2024গী নবেম্বর 22দা লদাখতা হন্দক্তা ই-দাখিল পোর্তেল হৌদোকখিবা অসিনা মসিগী মাইলস্তোন অমা ওইরি।

কঞ্জ্যুমরশিংদা শোকহল্লিবা অনৌবা অমসুং থোরক্লিবা শীংনবশিং অসি কোকহন্নবা, কঞ্জ্যুমর প্রোতেক্সন এক্ত, 2019 অসি নোতিফাই তৌখি অমসুং জুলাই 20, 2020দা চৎনহনখি। কোবিদ-19না মরম ওইদুনা কঞ্জ্যুমরশিংদা অথিংবা থমখিবদগী, কঞ্জ্যুমরগী কমপ্লেন্তশিং ফাইল তৌনবগীদমক ই-দাখিল পোর্তেল অসি মমল হোংবা, থুনা অমসুং খুদোংচাদবা লৈতবা মেকানিজম অমা ওইনা হৌদোকখি। ই-দাখিল অসি কঞ্জ্যুমরগী কমপ্লেন্ত রিদ্রেসেল প্রোসেসপু হেন্না লাইথোকহন্নবা দিজাইন তৌরবা ইন্নোবেতিব ওনলাইন প্লেৎফোর্ম অমনি। মসিনা কঞ্জ্যুমরশিংনা মরি লৈনবা কঞ্জ্যুমর ফোরমদা এপ্রোচ তৌনবগী ইফিসিএন্ত অমসুং কোম্না তৌবা য়াবা পাম্বৈ অমা ফংহল্লি। মসিনা মখোয়গী কমপ্লেন্ত ফাইল তৌনবগীদমক্তা চৎথোক চৎশিন তৌবগী তঙাইফদবা লৈহন্দে। ই-দাখিল হৌদোকপদগী কঞ্জ্যুমরশিংগী হকশিং শৌগৎপদা অমসুং মতম চানা ৱায়েল ফংহনবদা গেম চেঞ্জর অমা ওইদুনা লাক্লি।

লদাখকী ইকাই খুম্নরবা LGনা ই-দাখিল পোর্তেল হৌদোকপা

পোর্তেল অসিনা কঞ্জ্যুমরশিংনা কমপ্লেন্তশিং অদু লায়না ফাইল তৌবা ঙম্নবা, ইন্ত্যুতিব ওইবা অমসুং নেভিগেৎ তৌবদা লায়বা ইন্তরফেস অমা পীরি। ই-দাখিলনা কমপ্লেন্ত ফাইল তৌবদগী হৌরগা মখোয়গী স্তেতস ত্রেক তৌবা ফাওবদা, কেস ফাইল তৌবদা পেপরলেস অমসুং ত্রান্সপরেন্ত ওইবা প্রোসেস অমা লৈহল্লগনি। কঞ্জ্যুমর নত্ত্রগা এদভোকেৎ অমা হেক্তনা মখোয়গী রেজিস্তর তৌরবা সেল ফোনদা OTP অমা নত্ত্রগা মখোয়গী রেজিস্তর তৌরবা ই-মেইল এদ্রেসতা এক্তিবেসন লিঙ্ক অমা ফংদুনা মথৌ তাবা ওথেন্তিকেসনগা লোয়ননা ই-দাখিল প্লেৎফোর্মশিংদা সাইন ইন তৌবা য়াই। মতুং তারকপদা মখোয়না কমপ্লেন্ত অমা ফাইল তৌবা য়াই। পোর্তেল অসিনা শোকহল্লবা কঞ্জ্যুমর পুম্নমকপু মখোয়গী য়ুমদা লৈদুনা কঞ্জ্যুমর কম্মিসনশিংদা ওনলাইন ওইনা কমপ্লেন্তশিং সবমিৎ তৌবা, চুনবা ফিশীং পীবা অমসুং কেস অদুগী প্রোগ্রেস ওনলাইন ওইনা ত্রেক তৌবা ঙমহল্লি।

ই-দাখিল পোর্তেল অসি সেপ্তেম্বর 7, 2020দা নেস্নেল কঞ্জ্যুমর দিস্প্যুত রিদ্রেসেল কম্মিসন্না অহানবা ওইনা হৌদোকখি। 2023গী অরোইবা ফাওবদা, মসি লাদাখ নত্তনা রাজ্য/UT 35দা হৌদোকখ্রে। হৌজিক, লদাখকী ইকাই খুম্নরবা লেফতেনেন্ত গভর্নর, ব্রিগেদিয়র (দাক্তর) বি.দি. মিশ্র (রিতায়র্দ) না 2024গী নবেম্বর 22দা লাদাখ কঞ্জ্যুমর কম্মিসনদা ই-দাখিল পোর্তেল হৌদোকখি। প্লেৎফোর্ম অসি ভারতকী মফম খুদিংমক্তা, মেত্রোপোলিতান সিতিশিংদগী হৌরগা অরাপ্পা মফমশিংদা লৈরিবা কঞ্জ্যুমরশিংদা ফংহল্লি। অসিগুম্বা মপুং ফাবা কভরেজ অসিনা কঞ্জ্যুমরশিংবু শক্তি লৈহন্নবা অমসুং কঞ্জ্যুমরগী কমপ্লেন্ত রিদ্রেসেল সিস্তেমগী ইফিসিএন্সী হেনগৎহন্নবা সরকারগী অচেৎপা ফিরেপ অদু উৎলি।

মনুং হঞ্জিনবা মফমশিংদা ই-দাখিলগী কান্নবা উৎলিবা মখাদা মাইপাকখিবগী ৱারী খরা পীরি:

• সম্বলপুর দিস্ত্রিক্ত কম্মিসন্না জানুৱারী 8, 2024দা হিরো ইলেক্ত্রিক এত্রিয়া অমা অশোয়বা লৈরে হায়না কমপ্লেন্ত তৌরকপা মীওই অমগী মাইকৈদা রুলিং পীখি। মহাক্না লুপা 25,000 গী কম্পেন্সেসন অমসুং লিতিগেসন এক্সপেন্সেসকীদমক লুপা 5,000 পীখি।
• এপ্রিল 19, 2022দা ফাইল তৌখিবা কেস অমগী মতুং ইন্না সেপ্তেম্বর 1, 2022দা অন্দমান দিস্ত্রিক্ত কম্মিসন্না UPI ত্রাঞ্জেক্সন অমা মাইপাকখিদবনা মরম ওইদুনা ফ্যুলগীদমক অনিরক চার্জ তৌখিবা কমপ্লেনেন্ত অমগী মাইকৈদা রুলিং পীখি, শেন্দোই 6%গা লোয়ননা লুপা 3,980 অমসুং ৱাখলদা অৱাবা পীবগী লুপা 10,000 রিফন্দ তৌহনখি।

লৈবাক শিনবা থুংনা ই-দাখিল হৌদোকপগা লোয়ননা সরকারনা ই-জাগ্রতি হৌদোক্নবগীদমক লেপ্পা লৈতনা থবক পায়খৎলি। মসিনা কেস ফাইলিং, ত্রেকিং অমসুং মেনেজমেন্ত হেন্না লাইথোকহল্লগনি। মসিনা কঞ্জ্যুমর অমসুং অতোপ্পা স্তেকহোল্দরশিংগীদমক হেজল-ফ্রী এক্সপরিয়েন্স অমা ফংহল্লগনি। মসিনা নাকল পুম্নমক্কী মরক্তা তংদু লৈতাবা কম্ম্যুনিকেসনসু লায়থোকহল্লগনি, মসিনা দিস্প্যুৎশিং থুনা লোইশিন্নবা য়াহল্লগনি। থৌওং অসিবু ওতোমেৎ তৌদুনা অমসুং দিজিতেলাইজ তৌদুনা, ইজাগ্রিতিনা থেংথবা হন্থহল্লগনি, পেপরৱার্ক হন্থহল্লগনি, অমসুং কেসশিং মতম চানা লোইশিন্নবা থাজবা পীগনি। মসিনা কঞ্জ্যুমরশিংগীদমক হেন্না ইফেক্তিব অমসুং এক্সেসিবল ওইবা জস্তিস সিস্তেম অমদা মতেং পাংগনি।

হৌজিক্কী ওইনা, ই-দাখিল পোর্তেলদা য়ুজর 2,81,024 হেন্না রেজিস্তর তৌখ্রে অমসুং কেস 1,98,725 ফাইল তৌখ্রে। মসিগী মনুংদা 38,453দি লোইশিনখ্রে। অমসুং হৌজিক্তি লৈবাক শিনবা থুংনা য়ৌরকপগা লোয়ননা, মসিনা ভারত্তা কঞ্জ্যুমর রাইৎস লেন্দস্কেপদা অহোংবা পুরক্নবা শেম শাখ্রে। দিপার্তমেন্ত ওফ কঞ্জ্যুমর এফিয়র্সনা কঞ্জ্যুমরশিংগী তঙাই ফদবশিং ফংহন্নবা প্লেৎফোর্ম অসিবু লেপ্তনা ফগৎহন্নবা অমসুং পাকথোক চাউথোকহন্নবা লেপ্পা লৈতনা হোৎনরি।

হৌদোকপগী থৌরমগী মমি খরা:

লদাখকী ইকাই খুম্নরবা LGনা লদাখতা ইদাখিল হৌদোকপা

লদাখকী ইকাই খুম্নরবা LG; অমসুং চিয়রমেন/CEC, LAHDC কার্গিল অমসুং অতৈ ওফিসরশিং

তীমগা লোয়ননা DDG & HoG, ইজাগ্রিতি NIC HQ অমসুং SIO NIC লদাখনা VCগী থোংদা শরুক য়াখিবা

হৌদোকপগী থৌরমদা HLG অমসুং ওফিসরশিং অমসুং ওফিসিএলশিংনা শরুক য়াখিবা

*****