صحت اور خاندانی بہبود کی وزارت کے مرکزی وزیر مملکت اور آیوش کی وزارت کے مرکزی وزیر مملکت (آزادانہ چارج) جناب پرتاپ راؤ جادھو نے صحت اور خاندانی بہبود کی وزارت کے ذریعہ قائم کردہ ہیلتھ پویلین کا دورہ کیا۔43 واں انڈیا انٹرنیشنل ٹریڈ فیئر (آئی آئی ٹی ایف) آج نئی دہلی کے بھارت منڈپم میں منعقد ہو رہا ہے۔

’ون ہیلتھ‘کے موضوع پر قائم ہیلتھ پویلین میں انسان، جانوروں، پودوں اور ایکو سسٹم کی صحت کے باہمی تعلق کو اجاگر کیا گیا ہے اور بہبود کے لیے ایک جامع نقطہ نظر کو فروغ دیا گیا ہے۔

اس موقع پر خطاب کرتے ہوئے جناب جادھو نے صحت کے مختلف اقدامات کو ظاہر کرنے والے ایک پرکشش پویلین کے قیام میں وزارت کی کوششوں کی ستائش کی۔ انھوں نے کہا،’’وزارت نے کئی انٹرایکٹو اسٹال لگائے ہیں، اور لوگ بڑے جوش و خروش کے ساتھ آ رہے ہیں۔ وزارت کے ممبران سرگرمی سے انھیں دستیاب مختلف اقدامات اور خدمات کے بارے میں آگاہ کر رہے ہیں۔‘‘

’’اس سال کا موضوع ، ’ون ہیلتھ‘ لوگوں کو صحت مند زندگی گزارنے کے لیے فعال اقدامات کرنے کی ترغیب دیتا ہے۔ یہ سٹال صحت کے مختلف پروگراموں میں ہونے والی پیش رفت کی گہری تفہیم فراہم کرتے ہیں۔‘‘

پویلین میں متعدد پرکشش مقامات ہیں ، جن میں انٹرایکٹو ہیلتھ اسکریننگ ، معلوماتی ڈسپلے ، اور صحت اور تندرستی کے بارے میں آگاہی پھیلانے کے مقصد سے دلچسپ سرگرمیاں شامل ہیں۔ مہمانوں کی حوصلہ افزائی کی جاتی ہے کہ وہ وزارت کے اقدامات کے بارے میں جانیں اور اپنی صحت کے اہداف کی طرف قابل عمل اقدامات کریں۔

***

(ش ح – ع ا)

U. No. 3010

(Release ID: 2077639) Visitor Counter : 7