ಮಗಧೀರದಿಂದ ಈಗಾ ಮತ್ತು ಬಾಹುಬಲಿಯಿಂದ ಆರ್.ಆರ್.ಆರ್ ವರೆಗೆ; ಖ್ಯಾತ ಛಾಯಾಗ್ರಾಹಕ ಕೆ.ಕೆ.ಸೆಂಥಿಲ್ ಕುಮಾರ್ ಅವರು ಮಸೂರದ ಹಿಂದಿನ ವ್ಯಕ್ತಿಯಾಗಿದ್ದು, ಅವರು ಅನೇಕ ಮಹಾಕಾವ್ಯ ನಿರೂಪಣೆಗಳನ್ನು ವಿಶ್ವದಾದ್ಯಂತದ ಚಲನಚಿತ್ರ ಉತ್ಸಾಹಿಗಳಿಗೆ ದಿಗ್ಭ್ರಮೆಯಾಗುವಂತೆ ತಮ್ಮ ಕೌಶಲ್ಯಗಳಿಂದ ಅದ್ಭುತ ಮೇರುಕೃತಿಗಳಾಗಿ ಪರಿವರ್ತಿಸಿದ್ದಾರೆ. ಈ ಬ್ಲಾಕ್ಬಸ್ಟರ್ಗಳಲ್ಲಿನ ಆಕರ್ಷಕ ಕ್ಯಾಮೆರಾ ಚಲನೆಗಳು, ರೋಮಾಂಚಕ ಬಣ್ಣಗಳ ಅದ್ಭುತ ಬಳಕೆ, ವ್ಯತಿರಿಕ್ತ ಛಾಯೆಗಳು ಮತ್ತು ಪ್ರಚೋದನಕಾರಿ ಬೆಳಕು ಭವ್ಯ ದೃಶ್ಯ ಕಥೆಯನ್ನು ಭಾವನಾತ್ಮಕ ಆಳದೊಂದಿಗೆ ಸಮತೋಲನಗೊಳಿಸುವ, ಆಕ್ಷನ್, ಡ್ರಾಮಾ ಮತ್ತು ಫ್ಯಾಂಟಸಿಯನ್ನು ಸತತವಾಗಿ ಸಮ್ಮಿಳಿತ ಮಾಡುವ ಅವರ ಸಾಮರ್ಥ್ಯವನ್ನು ಪ್ರತಿಬಿಂಬಿಸುತ್ತವೆ. ಸೆಂಥಿಲ್ ಕುಮಾರ್ ಅವರು ಗೋವಾದಲ್ಲಿ ಇಂದು ನಡೆದ 55ನೇ ಐಎಫ್ಎಫ್ಐನಲ್ಲಿ "ವಿಎಫ್ಎಕ್ಸ್ ಅನ್ನು ಛಾಯಾಗ್ರಹಣದೊಂದಿಗೆ ಸಂಯೋಜಿಸುವುದು" ಎಂಬ ಸ್ಪೆಲ್ ಬೈಂಡಿಂಗ್ 'ಇನ್-ಕಾನ್ವರ್ಸೇಶನ್' ಅಧಿವೇಶನದಲ್ಲಿ ತಮ್ಮ ಒಳನೋಟಗಳು ಮತ್ತು ಜೀವನ ಪ್ರಯಾಣವನ್ನು ಹಂಚಿಕೊಂಡರು.  ಗೋಷ್ಠಿಯನ್ನು ಖ್ಯಾತ ಚಲನಚಿತ್ರ ನಿರ್ದೇಶಕ ಮತ್ತು ಚಿತ್ರಕಥೆಗಾರ ಶಂಕರ್ ರಾಮಕೃಷ್ಣನ್ ನಿರ್ವಹಿಸಿದರು.

ಅಧಿವೇಶನವನ್ನುದ್ದೇಶಿಸಿ ಮಾತನಾಡಿದ ಸೆಂಥಿಲ್, ಚಲನಚಿತ್ರ ನಿರ್ಮಾಣವು ಸವಾಲಿನ ಪ್ರಕ್ರಿಯೆ ಎಂದು ಸ್ಪಷ್ಟವಾಗಿ ಬಣ್ಣಿಸಿದರು. "ಚಲನಚಿತ್ರ ನಿರ್ಮಾಣವು ಸವಾಲುಗಳಿಂದ ತುಂಬಿದೆ. ನೀವು ಸವಾಲುಗಳನ್ನು ಎದುರಿಸಲು ಬಯಸದಿದ್ದರೆ, ನೀವು ಚಲನಚಿತ್ರ ನಿರ್ಮಾಣಕ್ಕೆ ಬರದಿರುವುದು ಉತ್ತಮ "ಎಂದು ಖ್ಯಾತ ಛಾಯಾಗ್ರಾಹಕ ಸಲಹೆ ನೀಡಿದರು. ಈ ಸವಾಲುಗಳನ್ನು ಸ್ವೀಕರಿಸುವ ಮಹತ್ವವನ್ನು ಅವರು ಒತ್ತಿಹೇಳಿದರು, ವಿಶೇಷವಾಗಿ ವಿಎಫ್ಎಕ್ಸ್ನಂತಹ ಉದಯೋನ್ಮುಖ ತಂತ್ರಜ್ಞಾನಗಳ ಕಾಲಘಟ್ಟದಲ್ಲಿ, ಕಥೆ ಹೇಳುವಿಕೆಯನ್ನು ದೃಶ್ಯೀಕರಿಸುವಲ್ಲಿ ಶಕ್ತಿಯುತ ಸಲಕರಣೆಯಾಗಿ ಅದು ಛಾಯಾಗ್ರಾಹಕರ ಕೆಲಸವನ್ನು ಸುಲಭಗೊಳಿಸಿದೆ ಎಂದು ಅವರು ಹೇಳಿದರು. "ವಿಎಫ್ಎಕ್ಸ್ ಛಾಯಾಗ್ರಾಹಕರ ಜೀವನವನ್ನು ಸುಲಭಗೊಳಿಸಿದೆ ಮತ್ತು ಎಐ ಚಾಲಿತ ವಿಎಫ್ಎಕ್ಸ್ ಭವಿಷ್ಯವಾಗಿ ಹೊರಹೊಮ್ಮುತ್ತಿದೆ" ಎಂದು ಅವರು ಹೇಳಿದರು, ಸೃಜನಶೀಲ ಗಡಿಗಳನ್ನು ತಳ್ಳುವ ತಂತ್ರಜ್ಞಾನದ ಸಾಮರ್ಥ್ಯವನ್ನು ಅವರು ಎತ್ತಿ ತೋರಿಸಿದರು.

ಸೆಂಥಿಲ್ ಅವರು ತಾಂತ್ರಿಕ ಪ್ರಗತಿಯನ್ನು ಹೇಗೆ ಬಳಸಿಕೊಳ್ಳಬಹುದು ಮತ್ತು ಅದನ್ನು  ಹೇಗೆ ಅಳವಡಿಸಿಕೊಳ್ಳಬಹುದು ಎಂಬುದರ ಬಗ್ಗೆ ತಮ್ಮ ನಿಲುವನ್ನು ಸ್ಪಷ್ಟಪಡಿಸಿದರು. "ನಾನು ತಂತ್ರಜ್ಞಾನದ ವಿರುದ್ಧ ಹೋರಾಡಲು ಬಯಸುವುದಿಲ್ಲ. ನನ್ನ ಕೃತಿಗಳೊಂದಿಗೆ ತಂತ್ರಜ್ಞಾನವನ್ನು ಸಂಯೋಜಿಸಲು ಮತ್ತು ಅದನ್ನು ವಿಕಸನ ಮಾಡಲು  ಬಯಸುತ್ತೇನೆ" ಎಂದು ಅವರು ಹೇಳಿದರು. ಈ ತಾತ್ವಿಕ ನಿಲುವು  ತಮ್ಮ  ಯಶಸ್ಸಿನ ಅವಿಭಾಜ್ಯ ಅಂಶವಾಗಿದೆ, ಏಕೆಂದರೆ ತಾವು ಸಾಂಪ್ರದಾಯಿಕ ಸಿನಿಮೀಯ ತಂತ್ರಗಳನ್ನು ನವೀನ ವಿಎಫ್ಎಕ್ಸ್ನೊಂದಿಗೆ ವಿಲೀನಗೊಳಿಸಲು ನಿರಂತರವಾಗಿ ಪ್ರಯತ್ನಿಸುತ್ತಿರುವುದಾಗಿಯೂ ಅವರು ನುಡಿದರು.

ತಮ್ಮ ಸೃಜನಶೀಲ ಪ್ರಕ್ರಿಯೆಯ ಬಗ್ಗೆ ಮಾತನಾಡಿದ ಸೆಂಥಿಲ್, ಪ್ರತಿ ಕಥೆಯ ವಿಶಿಷ್ಟ ಅವಶ್ಯಕತೆಗಳನ್ನು ಅರ್ಥಮಾಡಿಕೊಳ್ಳುವ ಮಹತ್ವವನ್ನು ವಿವರಿಸಿದರು. "ಪ್ರತಿಯೊಂದು ಕಥೆಯೂ ತನ್ನದೇ ಆದ ವಿಶಿಷ್ಟತೆಯನ್ನು ಒಳಗೊಂಡಿರುತ್ತದೆ. ನಿಮ್ಮ ಕಥೆಯನ್ನು ನೀವು ಪ್ರೇಕ್ಷಕರಿಗೆ ಹೇಗೆ ಹೇಳುತ್ತೀರಿ ಎಂಬುದು ಮುಖ್ಯ. ಕಥೆ ಮತ್ತು ಅದರ ಅಗತ್ಯವನ್ನು ಅರ್ಥಮಾಡಿಕೊಳ್ಳಲು ಮತ್ತು ಅದಕ್ಕೆ ಅನುಗುಣವಾಗಿ ಚಿತ್ರೀಕರಣವನ್ನು ಯೋಜಿಸಲು ನಾನು ಪ್ರಿ-ಪ್ರೊಡಕ್ಷನ್ ಹಂತದಲ್ಲಿ ಹೆಚ್ಚಿನ ಸಮಯ ತೆಗೆದುಕೊಳ್ಳುತ್ತೇನೆ " ಎಂದು ಅವರು ವಿವರಿಸಿದರು. ಅವರು ತಮ್ಮ ಸಹಯೋಗದ ರೀತಿಯ ಕೆಲಸದ ಸ್ವರೂಪವನ್ನು ಎತ್ತಿ ತೋರಿಸಿದರು, ದೃಶ್ಯ ಪರಿಣಾಮಗಳ ತಾಂತ್ರಿಕ ಬೇಡಿಕೆಗಳಿಗೆ ಪೂರಕವಾಗಿ ನಿರೂಪಣೆಗೆ ಆದ್ಯತೆ ನೀಡುವ  ಚಿತ್ರಗಳನ್ನು ರಚಿಸಲು ಛಾಯಾಗ್ರಾಹಕರು ವಿಎಫ್ಎಕ್ಸ್ ನಿರ್ದೇಶಕರೊಂದಿಗೆ ನಿಕಟ ಸಾಮರಸ್ಯದಿಂದ ಕೆಲಸ ಮಾಡಬೇಕು ಎಂದು ಅವರು ಅಭಿಪ್ರಾಯಪಟ್ಟರು.

ದೃಶ್ಯ ಪರಿಣಾಮಗಳನ್ನು ಸಿನಿಮೀಯ ಕರಕುಶಲತೆಯೊಂದಿಗೆ ಸಂಯೋಜಿಸುವಲ್ಲಿ ಪ್ರವರ್ತಕರಾಗಿ, ಸೆಂಥಿಲ್ ಚಲನಚಿತ್ರ ನಿರ್ಮಾಣದಲ್ಲಿ ಕಠಿಣ ನಿಯಮಗಳ ಗೈರುಹಾಜರಿಯನ್ನು ಒತ್ತಿಹೇಳಿದರು. 'ಸಿನಿಮಾ ನಿರ್ಮಾಣದಲ್ಲಿ ಯಾವುದೇ ನಿಯಮವಿಲ್ಲ. ಇದು ಸೃಜನಶೀಲ ಆಯ್ಕೆ ಮತ್ತು ವೈಯಕ್ತಿಕ ನಿರ್ಧಾರ. ಇದು ನೀವು ನಿಮ್ಮ ಕಥೆಯನ್ನು ಎಷ್ಟು ಆಸಕ್ತಿದಾಯಕವಾಗಿ ಮತ್ತು ಮನವರಿಕೆಯಾಗುವಂತೆ ಹೇಳುತ್ತೀರಿ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ "ಎಂದು ಅವರು ದೃಢಪಡಿಸಿದರು, ಪ್ರತಿ ಯಶಸ್ವಿ ಚಿತ್ರದ ಹೃದಯಭಾಗದಲ್ಲಿ ಬಲವಾದ ಕಥೆ ಹೇಳುವಿಕೆ ಇದೆ ಎಂದು ಒತ್ತಿ ಹೇಳಿದರು.

ತಮ್ಮ ಮುಕ್ತಾಯದ ಮಾತುಗಳಲ್ಲಿ, ಸೆಂಥಿಲ್ ತಮ್ಮ ಆರಂಭಿಕ ದಿನಗಳ ವೈಯಕ್ತಿಕ ಘಟನೆಯನ್ನು ಹಂಚಿಕೊಂಡರು, ಛಾಯಾಗ್ರಹಣಕ್ಕೆ ತಮ್ಮ ಮಾರ್ಗವು ಸ್ವಲ್ಪಮಟ್ಟಿಗೆ ಸರಳವಾಗಿತ್ತು ಎಂದು ಬಹಿರಂಗಪಡಿಸಿದರು. ಆರಂಭದಲ್ಲಿ ಆಕಸ್ಮಿಕವಾಗಿ ಚಲನಚಿತ್ರ ಶಾಲೆಗೆ ಸೇರಲು ಉದ್ದೇಶಿಸಿದ್ದ ಅವರು ಬಳಿಕ ಶೀಘ್ರದಲ್ಲೇ ಚಲನಚಿತ್ರ ನಿರ್ಮಾಣದ ಬಗ್ಗೆ ತಮ್ಮ ಆಸಕ್ತಿಯನ್ನು ನಿರಂತರ ಸಮರ್ಪಣೆಯೊಂದಿಗೆ ಮುಂದುವರಿಸಿದರು. ಸಿನೆಮಾದಲ್ಲಿ ಜೀವನಕ್ಕಿಂತ ದೊಡ್ಡ ಕಥೆಗಳನ್ನು ಹೇಳಲು ಸೃಜನಶೀಲ ಮಿತಿಗಳನ್ನು ತಳ್ಳುವ ಅಗತ್ಯವನ್ನು ಪ್ರತಿಬಿಂಬಿಸಿದ ಅವರು, "ಅನೇಕ ಬಾರಿ, ಕಥೆಯನ್ನು ಆಕರ್ಷಕ ರೀತಿಯಲ್ಲಿ ಸಾಗಿಸಲು ನಾವು ತರ್ಕ ಮತ್ತು ನಿಯಮಗಳನ್ನು ಮುರಿಯಬೇಕಾಗುತ್ತದೆ" ಎಂದೂ ಹೇಳಿದರು.

*****