#IFFIWood, 25 नोव्‍हेंबर 2024

मगधीरा सावन ईगा आनी बाहुबली ते आरआरआर; प्रशंसीत सिनेमाटोग्राफर के. चें. संवसारभरांतल्या चित्रपट मोगीं खातीर जायत्या महाकाव्य कथांचें अदभूत म्हान कृतींत कुशळटायेन रुपांतर करपी सेंथिल कुमार हो कॅमेरा फाटलो मनीस. ह्या ब्लॉकबस्टर फिल्मांतलीं ललित कॅमेरा हालचाली, जीवंत रंगांचो गिरेस्त वापर, विपरीत सावळी आनी चकचकीत प्रकाश, भावनिक खोलायेन भव्य व्हिज्युअल कथाकथन समतोल दवरपाची ताची तांक दाखयता, ऍक्शन, नाटक आनी फॅन्टासी हांचो विनयशिलतायेन भरसण. सेंथिल कुमार आयज गोंयांत जावपी 55व्या आयएफएफआयंत "सिनेमॅटोग्राफी वांगडा व्हीएफएक्स " ह्या विशयाचेर मंत्रमुग्ध करपी 'इन-कॉन्व्हर्सेशन' सत्रांत आपली अंतर्दृष्टी आनी जिवीत-प्रवास सांगलो. ह्या सत्राचें संचालन नामनेचो चित्रपट दिग्दर्शक आनी पटकथा लेखक शंकर रामकृष्णन हांणी केलें.

सत्रांत संबोधन करतना सेंथिलान फिल्म निर्मिती ही एक आव्हानात्मक प्रक्रिया अशें स्पश्टपणान वर्णन केलें. ह्या म्हालगड्या सिनेमाटोग्राफरान सल्लो दिलो, "फिल्म निर्मिती आव्हानांनी भरिल्ली आसा. आव्हानांक तोंड दिवपाक जायना जाल्यार फिल्म निर्मितींत वचूंक ना जाल्यार बरें." खास करून व्हीएफएक्स सारकिल्या उदयाक येवपी तंत्रगिन्यानाच्या मळार हीं आव्हानां मान्य करपाचें म्हत्व तांणी सांगलें, जें ताका एक बळिश्ट साधन दिसता, जें दृश्य कथा वाडोवन सिनेमाटोग्राफराचें काम सोंपें करता. व्हीएफएक्सान सिनेमाटोग्राफराचें जिवीत सोंपें केलां आनी एआय चालीत व्हीएफएक्स फुडार म्हणून उदेता अशें तांणी तंत्रगिन्यानाची सृजनशील मर्यादा धुकलपाची तांक उक्तायली.

पूण तंत्रगिन्यानाचे प्रगतीचेर आपूण कसो पळयता हाचेर सेंथिल स्पश्ट आशिल्लो. ताणें म्हणलें, "हांव तंत्रगिन्याना आड झुजपाक सोदना. म्हाका तंत्रगिन्यानाचो म्हज्या वावरांत एकठांय हाडून विकसीत करपाक जाय." पारंपारीक सिनेमा तंत्रां आनी अभिनव व्हीएफएक्स हांचो मेळ घालून सर्जनशील दृश्टीन गतीशील अणभव तयार करपाचो ते सतत यत्न करतात म्हणून हें तत्वगिन्यान तांच्या येसस्वीपणांत अविभाज्य थारलां.

.

आपले सृजनशील प्रक्रियेचेर चिंतन करतना सेंथिलान दरेक कथेच्यो खाशेल्यो गरजो समजून घेवपाचें म्हत्व सांगलें. "दर एक काणी स्वताक वेगळी. तुमी तुमची काणी प्रेक्षकांक कशी सांगतात हें म्हत्वाचें. हांव प्री-प्रोडक्शन स्टेजांत चड वेळ घेता कथा आनी तिच्यो गरजो समजून घेवपाक आनी ते प्रमाण शूटिंगाची येवजण करपाक", ताणें आग्रह धरलो. तशेंच तांणी तांच्या वावराच्या सहकार्याच्या स्वरुपाचेर भर दिलो, व्हिज्युअल इफेक्टांची तंत्रीक मागणी पुराय करतना कथेची सेवा करपी प्रतिमा तयार करपा खातीर सिनेमाटोग्राफरान व्हीएफएक्स दिग्दर्शका वांगडा लागींच्यान काम करचें पडटलें अशें सांगलें.

व्हिज्युअल इफेक्ट्स आनी सिनेमा कारागिरी एकठांय हाडपी  आद्यप्रवर्तक म्हणून सेंथिलान चित्रपट निर्मितींत खर नेम नाशिल्ल्याचें रेखांकन केलें. "फिल्म निर्मितींत नेम नात. ही एक सृजनशील निवड आनी वैयक्तीक निर्णय. हें सगळें तुमी तुमची काणी कितले मनोरंजक आनी खात्री करपा सारकेपणान सांगतात ताचेर आदारून आसता", अशें सांगून तांणी दरेका यशस्वी चित्रपटाच्या मुळाक आकर्शक कथाकथन आसता, हाचेर भर दिलो.

निमाण्या भाशणांत सेंथिलान आपल्या सुरवातीच्या काळांतली एक वैयक्तीक आख्यायिकाय सांगली, तातूंत ताणें सिनेमाटोग्राफीचो आपलो मार्ग कांय प्रमाणांत योगायोगाची आशिल्ल्याचें उक्तें केलें. सुरवेक योगायोगान फिल्म शाळेंत वचपाचो हेतू आशिल्ल्यान रोखडोच ताका अथक समर्पणान फिल्म निर्मितीची आवड फुडें व्हरपाक मेळ्ळी. सिनेमांत जिविता परस व्हडली कथा सांगपा खातीर सृजनशील मर्यादा धुकलपाची गरज आसा हाचेर विचार करतना तांणी म्हणलें “कांय वेळार कथा आकर्शक रितीन सादर करपा खातीर तर्क आनी नेम मोडचे पडटात.”

* * *

PIB IFFI CAST AND CREW | Subhash/Manali/Darshana | IFFI 55