مرکزی وزیر داخلہ اور امداد باہمی کے وزیر  جناب امت شاہ کی زیر صدارت ایک اعلیٰ سطحی کمیٹی نے مختلف ریاستوں کے لیے آفات سے نمٹنے اور صلاحیت سازی کے پروجیکٹوں کے لیے 1115.67 کروڑ روپے کی منظوری دی۔ وزیر خزانہ، وزیر زراعت اور نیتی آیوگ کے وائس چیئرمین پر مشتمل کمیٹی نے نیشنل ڈیزاسٹر مٹیگیشن فنڈ (این ڈی ایم ایف) سے 15 ریاستوں میں مٹی کے تودے گرنے  کے خطرے کو کم کرنے کی تجویز کی تیاری اور فنڈنگ ​​کا جائزہ لیا اور نیشنل ڈیزاسٹر رسپانس فنڈ کی فنڈنگ ​​ونڈو کا جائزہ لیا۔ این ڈی آر ایف کے تحت تمام ریاستوں اور مرکز کے زیر انتظام علاقوں میں شہری دفاع کے رضاکاروں کی تربیت اور صلاحیت سازی کی تجاویز پربھی  غور کیا گیا۔

اعلیٰ سطحی کمیٹی نے مجموعی طور پر 15 ریاستوں (اروناچل پردیش، آسام، ہماچل پردیش، منی پور، میگھالیہ، میزورم، ناگالینڈ، سکم، تریپورہ، اتراکھنڈ، کرناٹک، کیرالہ، مہاراشٹر، تمل ناڈو، مغربی بنگال) میں قومی لینڈ سلائیڈ رسک اسیسمنٹ کو منظوری دی ہے۔ 1000 کروڑ روپے کی لاگت سے آفات سے نمٹنے  کے منصوبے کو منظوری دی گئی ہے۔ کمیٹی نے اتراکھنڈ کے لیے 139 کروڑ روپے، ہماچل پردیش کے لیے 139 کروڑ روپے، شمال مشرقی ریاستوں کے لیے 378 کروڑ روپے، مہاراشٹر کے لیے 100 کروڑ روپے، کرناٹک کے لیے 72 کروڑ روپے، کیرالہ کے لیے 72 کروڑ روپے، تمل ناڈوکے لیے 100 کروڑ روپے ، اتر پردیش کے لیے 50 کروڑ اور مغربی بنگال کے لیے 50 کروڑ روپے منظور کیے گئے۔

اعلیٰ سطحی کمیٹی نے تمام ریاستوں/ مرکز کے زیر انتظام علاقوں میں شہری دفاع کی تربیت اور صلاحیت سازی کے لیے 115.67 کروڑ روپے کی کل لاگت کے ایک اور پروجیکٹ کو بھی منظوری دی ہے۔ اس سے پہلے ، کمیٹی نے سات شہروں میں 3075.65 کروڑ روپے کی کل لاگت والے اربن فلڈ رسک مِٹیگیشن پروجیکٹوں اور این ڈی ایم ایف سے 4 ریاستوں میں 150 کروڑ روپے کی کل لاگت کے ساتھ جی ایل او ایف رسک مینجمنٹ کو منظوری دی تھی۔

وزیر اعظم جناب نریندر مودی کے آفات سے بچنے والے ہندوستان کے وژن کو پورا کرنے کے لیے، مرکزی وزیر داخلہ جناب امت شاہ کی رہنمائی میں وزارت داخلہ نے ملک میں آفات کے موثر انتظام کو یقینی بنانے کے لیے کئی اقدامات کیے ہیں۔ ہندوستان میں ڈیزاسٹر رسک ریڈکشن سسٹم کو مضبوط بنا کر آفات کے دوران جان و مال کے کسی بڑے نقصان کو روکنے کے لیے کئی اقدامات کیے گئے ہیں۔

وزیر اعظم جناب نریندر مودی کی قیادت اور مرکزی وزیر داخلہ جناب امت شاہ کی رہنمائی میں، اس سال ریاستوں کو پہلے ہی 21,476 کروڑ روپے سے زیادہ کی رقم جاری کی جا چکی ہے۔ اس میں اسٹیٹ ڈیزاسٹر ریسپانس فنڈ (ایس ڈی آر ایف ) سے 26 ریاستوں کو 14,878.40 کروڑ روپے، نیشنل ڈیزاسٹر رسپانس فنڈ (این ڈی آر ایف ) سے 15 ریاستوں کو 4,637.66 کروڑ روپے، ریاستی آفات سے نمٹنے کے فنڈ (این ڈی آر ایف) سے 11 ریاستوں کو 1,385.45 کروڑ روپے، 51 کروڑ روپے ،نیشنل ڈیزاسٹر مٹیگیشن فنڈ (این ڈی ایم ایف) سے 11 ریاستوں کو 574.93 کروڑ روپے ایس ڈی ایف فنڈ (51 کروڑ روپے) شامل ہیں۔

***

) ش ح –    ا م      - ر ب  )

U.No. 2977