কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা লুচিংবা অৱাংবা থাক্কী কম্মিতি অমনা রাজ্য কয়াদা দিজাস্তর মিতিগেসন অমসুং কেপাসিতী বিল্দিং প্রোজেক্তশিংগীদমক লুপা করোর 1115.67গী অয়াবা পীখ্রেম। শেল-থুম মন্ত্রী, লৌউ-শিংউ মন্ত্রী অমসুং নিতি আয়োগকী ভাইস চেয়রমেন য়াওবা কম্মিতী অসিনা রাজ্য 15দা লেন্দস্লাইদ রিস্ক হন্থহন্নবা নেস্নেল দিজাস্তর রিস্পোন্স ফন্দ (NDRF)দগী শেল থাদনবগীদমক অমসুং নেস্নেল দিজাস্তর রিস্পোন্স ফন্দ (NDRF)গী ফন্দিং ৱিন্দোদগী প্রিপিয়র্দনেস অমসুং কেপাসিতী বিল্দিংগী মখাদা রাজ্য অমসুং UT পুম্নমক্তা সিভিল দিফেন্স ভোল্যুন্তিয়রশিংগী ত্রেনিং অমদি কেপাসিতী বিল্দিং তৌনবগী অতোপ্পা প্রপোজেল অমা অয়াবা পীনবা খন্নখ্রে

অৱাংবা থাক্কী কম্মিতিনা রাজ্য 15 (অরুনাচল প্রদেশ, আসাম, হিমাচল প্রদেশ, মনিপুর, মেঘালয়া, মিজোরাম, নাগালেন্দ, সিক্কিম, ত্রিপুরা, উত্তরাখন্দ, কর্নাতকা, কেরলা, মহারাস্ত্র, তামিল নাদু, ৱেস্ত বেঙ্গল) অসিদা লুপা করোর 1000গী অপুনবা শেনফমগা লোয়ননা নেস্নেল লেন্দস্লাইদ রিস্ক মিতিগেসন প্রোজেক্তকী অয়াবা পীখ্রে। কম্মিতি অসিনা উত্তরাখন্দগী লুপা করোর 139, হিমাচল প্রদেশকী লুপা করোর 139, অৱাং নোংপোক্কী রাজ্য নিপানগী লুপা করোর 378, মহারাস্ত্রগী লুপা করোর 100, কর্নাতকাগী লুপা করোর 72, কেরলাগী লুপা করোর 72, তামিল নাদুগী লুপা করোর 50 অমসুং ৱেস্ত বেঙ্গলগী লুপা করোর 50 অয়াবা পীখ্রে।

রাজ্য/UTশিংদা সিভিল দিফেন্সকী ত্রেনিং অমসুং কেপাসিতী বিল্দিংগীদমক অপুনবা লুপা করোর 115.67গী প্রোজেক্ত অমা HLCনা অয়াবা পীখ্রে। মমাংদা, কম্মিতি অসিনা শহর তরেৎতা লুপা করোর 3075.65গী অপুনবা শেনফমগা লোয়ননা অর্বান ফ্লদ রিস্ক মিতিগেসন প্রোজেক্তশিং অমসুং রাজ্য 4দা লুপা করোর 150গী অপুনবা শেনফমগা লোয়ননা GLOF রিস্ক মেনেজমেন্ত প্রোজেক্তশিং NDMF তগী অয়াবা পীখি।

প্রধান মন্ত্রী শ্রী নরেন্দ্র মোদীগী দিজাস্তর রেসিলিএন্ত ভারতকী মঙলান অদু মঙফাওনহন্নবা, গৃহ মন্ত্রী শ্রী অমিত শাহগী লমজিং মখাদা গৃহ মন্ত্রালয়না লৈবাক অসিদা দিজাস্তরশিংবু ইফেক্তিব ওইনা মেনেজমেন্ত তৌনবা খোঙথাং কয়া লৌখৎখ্রে। ভারত্তা দিজাস্তর রিস্ক রিদক্সন সিস্তেম মপাঙ্গল কনখৎহন্দুনা দিজাস্তরগী মতমদা পুন্সি অমসুং লন-থুম অমাং অতা থোকপা থিংনবা খোঙথাং কয়া লৌখৎখ্রে।

প্রধান মন্ত্রী শ্রী নরেন্দ্র মোদীগী লুচিং মখাদা অমসুং কেন্দ্রগী গৃহ মন্ত্রী শ্রী অমিত শাহগী লমজিং মখাদা চহি অসিদা রাজ্যশিংদা লুপা করোর 21,476 হেন্না পীথখ্রে। মসিগী মনুংদা স্তেত দিজাস্তর রেস্পোন্স ফন্দ (SDRF) দগী রাজ্য 26তা লুপা করোর 14,878.40, নেস্নেল দিজাস্তর রেস্পোন্স ফন্দ (NDRF) দগী রাজ্য 15দা লুপা করোর 4,637.66, স্তেত দিজাস্তর মিতিগেসন ফন্দ (SDMF) দগী রাজ্য 11দা লুপা করোর 1385.45 অমসুং নেস্নেল দিজাস্তর মিতিগেসন ফন্দ (NDMF) দগী রাজ্য 6দা লুপা করোর 574.93 য়াওরি।

*****