ಗೋವಾದಲ್ಲಿ 55ನೇ ಭಾರತೀಯ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (ಇಂಟರ್ನ್ಯಾಷನಲ್ ಫಿಲ್ಮ್ ಫೆಸ್ಟಿವಲ್ ಆಫ್ ಇಂಡಿಯಾ (ಐ.ಎಫ್.ಎಫ್.ಐ.) ಭಾಗವಾಗಿ ಸಿನಿಮೀಯ ನಾವೀನ್ಯತೆ ಮತ್ತು ಅಂತರಾಷ್ಟ್ರೀಯ ಸಹಯೋಗದಲ್ಲಿ ಮತ್ತೊಂದು ಮೈಲಿಗಲ್ಲು ಆಗಿ ಜನಪ್ರಿಯಗೊಂಡ ವಿನೂತನ ಫಿಲ್ಮ್ ಬಜಾರ್ 2024 ಭರವಸೆಯ ಟಿಪ್ಪಣಿಯೊಂದಿಗೆ ಮುಕ್ತಾಯಗೊಂಡಿದೆ. ನ್ಯಾಷನಲ್ ಫಿಲ್ಮ್ ಡೆವಲಪ್ಮೆಂಟ್ ಕಾರ್ಪೊರೇಷನ್ (ಎನ್ಎಫ್ಡಿಸಿ) ಆಯೋಜಿಸಿದ ಕಾರ್ಯಕ್ರಮದಲ್ಲಿ ಉದ್ಯಮದ ದಿಗ್ಗಜರು, ಉದಯೋನ್ಮುಖ ಚಲನಚಿತ್ರ ನಿರ್ಮಾಪಕರು ಮತ್ತು ಜಾಗತಿಕ ಪಾಲುದಾರರು ಒಟ್ಟುಗೂಡಿ ಕಥೆ ಹೇಳುವ ಕಲೆಯನ್ನು ಆಚರಿಸಲು, ವಿಜ್ರಂಭಿಸಲು ಮತ್ತು ಹೊಸ ಸೃಜನಶೀಲ ಉದ್ಯಮಗಳನ್ನು ಬೆಳೆಸಲು ಅವಕಾಶ ಮಾಡಿಕೊಟ್ಟಿತು.

ಫಿಲ್ಮ್ ಬಜಾರ್ ದಕ್ಷಿಣ ಏಷ್ಯಾದ ವಿಷಯ ಮತ್ತು ಪ್ರತಿಭೆಯನ್ನು ಅನ್ವೇಷಿಸಲು, ಬೆಂಬಲಿಸಲು ಮತ್ತು ಪ್ರದರ್ಶಿಸಲು ಈ ವರ್ಷ ಪ್ರಮುಖ ವೇದಿಕೆಯಾಗಿ ಮಾರ್ಪಟ್ಟಿದೆ. ಜಾಗತಿಕ ಚಲನಚಿತ್ರೋದ್ಯಮದಲ್ಲಿ ಸಹಯೋಗ ಮತ್ತು ಬೆಳವಣಿಗೆಯ ಕ್ರಿಯಾತ್ಮಕ ಕೇಂದ್ರವಾಗಿ ಫಿಲ್ಮ್ ಬಜಾರ್ ಮುಂದುವರಿಯಿತು.

ಕಾರ್ಯಕ್ರಮದಲ್ಲಿ ಪ್ರಮುಖ ಘೋಷಣೆಯಾಗಿ, ಮುಖೇಶ್ ಛಾಬ್ರಾ ಅವರು ತಮ್ಮ ಮುಂದಿನ ಎರಡು ಸಹ-ನಿರ್ಮಾಣ ಮಾರುಕಟ್ಟೆ (ಸಿಪಿಎಂ) ಯೋಜನೆಗಳಲ್ಲಿ ಫಿಲ್ಮ್ ಬಜಾರ್ ನೊಂದಿಗೆ ತಮ್ಮ ಸಹಯೋಗವನ್ನು ಬಹಿರಂಗಪಡಿಸಿದರು. ಮೊದಲನೆಯದು, ಬಾಘಿ ಬೇಚರೆ (ಇಷ್ಟವಿಲ್ಲದ ಬಂಡುಕೋರರು), ಇದು ಸಿಪಿಎಂ ಚಲನಚಿತ್ರವಾಗಿದ್ದು, ಇದಕ್ಕಾಗಿ ಅವರು ಉಚಿತವಾಗಿ ಪ್ರತಿಭೆಗಳನ್ನು ಆಯ್ಕೆಮಾಡಲಿದ್ದಾರೆ. ಎರಡನೆಯದು, ಪಾಂಡಿ ಚೆರಿ, ಸಿಪಿಎಂ ವೆಬ್ ಸರಣಿಯಾಗಿದ್ದು, ಯುವಪ್ರತಿಭೆಗಳು ಯಾವುದೇ ವೆಚ್ಚವಿಲ್ಲದೆ ಛಾಬ್ರಾ ಅವರ ಅನುಭವಗಳ ಎರಕಹೊಯ್ದ ಪರಿಣತಿಯಿಂದ ಪ್ರಯೋಜನ ಪಡೆಯಲಿದ್ದಾರೆ. ಈ ಸಹಯೋಗವು ಸೃಜನಶೀಲ ಪ್ರತಿಭೆಯನ್ನು ಪೋಷಿಸಲು ಮತ್ತು ಉದ್ಯಮದ ಪಾಲುದಾರಿಕೆಯನ್ನು ಬಲಪಡಿಸಲು ಫಿಲ್ಮ್ ಬಜಾರ್ ನ ನಿರಂತರ ಬದ್ಧತೆಯನ್ನು ಎತ್ತಿ ತೋರಿಸುತ್ತದೆ.

ಚಿತ್ರಕಥೆ ಅಭಿವೃದ್ಧಿಗಾಗಿ ಫೈನಲ್ ಡ್ರಾಫ್ಟ್ ನ ಸಹಯೋಗ, ಸರಣಿಯಾಧಾರದಲ್ಲಿ ಕಥೆ ಹೇಳುವಿಕೆಯನ್ನು ಉತ್ತೇಜಿಸಲು ಫಿಲ್ಮ್ ಇಂಡಿಪೆಂಡೆಂಟ್ ಎಪಿಸೋಡಿಕ್ ರೈಟಿಂಗ್ ವರ್ಕ್ಶಾಪ್ ನೊಂದಿಗೆ ತೊಡಗಿಸಿಕೊಳ್ಳುವುದು ಮತ್ತು ಸಿಪಿಎಂ ನಲ್ಲಿ ಕೋಥಿಯಾನ್-ಫಿಶರ್ಸ್ ಆಫ್ ಮೆನ್ ಅನ್ನು ಗುರುತಿಸಲಾಗಿದೆ ಹಾಗೂ “ಸಾವಾ” ಮತ್ತು ಎ.ಟಿ.ಎಫ್. ಐಪಿ ವೇಗವರ್ಧಕದೊಂದಿಗೆ ಪಾಲುದಾರಿಕೆಯಂತಹ ಉತ್ತೇಜಕ ಹೊಸ ಮಹತ್ವಪೂರ್ಣ ಪಾಲುದಾರಿಕೆಗಳನ್ನು ಘೋಷಿಸಿತು. 

ಈ ವಿನೂತನ ಉಪಕ್ರಮಗಳ ಹೊರತಾಗಿ, ವರ್ಕ್ ಇನ್ ಪ್ರೋಗ್ರೆಸ್ ಪ್ರಶಸ್ತಿಗಳನ್ನು ಈ ಕೆಳಗಿನ ಚಲನಚಿತ್ರಗಳಿಗೆ ನೀಡಲಾಯಿತು:

• ಕಟ್ಟಿ ರಿ ರಾಟ್ಟಿ: ರಿದಮ್ ಜಾನ್ವೆ ಅವರ ಹಂಟರ್ಸ್ ಮೂನ್ 50 ಗಂಟೆಗಳ ಉಚಿತ 4ಕೆ ಡಿಐಗಾಗಿ ಪ್ರಸಾದ್ ಲ್ಯಾಬ್ಸ್ ಪ್ರಶಸ್ತಿಯನ್ನು ಪಡೆದುಕೊಂಡಿದೆ.
• ಶೇಪ್ ಆಫ್ ಮೊಮೊಗೆ ತ್ರಿಬೇನಿ ರೈ ಅವರ ನುಬ್ ಸ್ಟುಡಿಯೋ ₹ 6 ಲಕ್ಷ ಮೌಲ್ಯದ ಡಿಐ ಪ್ಯಾಕೇಜ್ ಅನ್ನು ನೀಡಿತು.
• ವಿಶೇಷ ಉಲ್ಲೇಖಗಳು ದಿ ಗುಡ್, ದಿ ಬ್ಯಾಡ್ ಅಂಡ್ ದಿ ಹಂಗ್ರಿ ಮತ್ತು ದಿ ರೆಡ್ ಹೈಬಿಸ್ಕಸ್ಅನ್ನು ಒಳಗೊಂಡಿತ್ತು, ಇದು ಪ್ರಸಾದ್ ಲ್ಯಾಬ್ಸ್ನಿಂದ 50 ಗಂಟೆಗಳ ಡಿಐ ಮೇಲೆ 50% ರಿಯಾಯಿತಿಯನ್ನು ಪಡೆಯಿತು. 

ಫಿಲ್ಮ್ ಬಜಾರ್ ಶಿಫಾರಸುಗಳ (ಎಫ್ಬಿಆರ್) ವಿಭಾಗದಲ್ಲಿ, ಕಾರ್ಯಕ್ರಮದ ವೈವಿದ್ಯಮಯ ಮತ್ತು ಅಂತರ್ಗತವನ್ನು ಪ್ರತಿಬಿಂಬಿಸುವ ಅಗ್ರ ಮೂರು ವಿಜೇತರಿಗೆ ಪ್ರಾಯೋಜಕತ್ವ ಮತ್ತು ಪ್ರಚಾರದ ಪ್ರಯೋಜನಗಳ ಭಾಗವಾಗಿ ತಲಾ ರೂ. 3 ಲಕ್ಷಗಳ ಬಹುಮಾನವನ್ನು ನೀಡಲಾಯಿತು.

ವಿಜೇತರು:

• ಅಂಗಮಾಳ್, ವಿಪಿನ್ ರಾಧಾಕೃಷ್ಣನ್ ನಿರ್ದೇಶಿಸಿದ್ದಾರೆ
• ಹೌಸ್ ಆಫ್ ಮಣಿಕಂಠ, ಪಿನಾಕಿ ಜನಾರ್ಧನ್ ಬರೆದು ನಿರ್ದೇಶಿಸಿದ್ದಾರೆ 
• ಫ್ಲೇಮ್ಸ್, ರವಿಶಂಕರ್ ಕೌಶಿಕ್ ಬರೆದು ನಿರ್ದೇಶಿಸಿದ್ದಾರೆ

ಹಣಕಾಸಿನ ಸಹಾಯಗಳ ಜೊತೆಗೆ, ವಿಜೇತರು ಹಲವಾರು ಹೆಚ್ಚುವರಿ ಪ್ರಯೋಜನಗಳನ್ನು ಕೂಡಾ ಪಡೆಯುತ್ತಾರೆ. ಇದರಲ್ಲಿ ರೂ. 300 ಕ್ಯೂಬ್ ಸಿನಿಮಾ ಥಿಯೇಟರ್ಗಳಲ್ಲಿ 2 ಲಕ್ಷ ಮೌಲ್ಯದ ಟ್ರೇಲರ್ ಪ್ರಚಾರ, ಜೊತೆಗೆ ತಮ್ಮ ಪ್ರಾಜೆಕ್ಟ್ಗಳನ್ನು ವಿಶಾಲ ಪ್ರೇಕ್ಷಕರಿಗೆ ಉನ್ನತೀಕರಿಸಲು ಸಹಾಯ ಮಾಡುವ ಇತರ ಪ್ರಚಾರದ ಅವಕಾಶಗಳು ಕೂಡಾ ಒಳಗೊಂಡಿರುತ್ತದೆ

ಸ್ಟೂಡೆಂಟ್ ಪ್ರೊಡ್ಯೂಸರ್ ವರ್ಕ್ಶಾಪ್ ಪಿಚ್ ಪ್ರಶಸ್ತಿಗಳನ್ನು ಘೋಷಿಸಲಾಯಿತು.   ಡೆಡ್ಲಿ ಡೋಸಾಸ್ ಚಿತ್ರಕ್ಕಾಗಿ ಅನುಶ್ರೀ ಕೆಲತ್ ಅವರು ವಿಜೇತರಾದರು, ಹಾಗೂ ರನ್ನರ್-ಅಪ್ ಪ್ರಶಸ್ತಿಯನ್ನು ಪುಂಜಾಲ್ ಜೈನ್ ಅವರು ತಮ್ಮ ಲಕಾಡ್ ಹಾರಾ ಚಿತ್ರಕ್ಕಾಗಿ ಪಡೆದರು.

ಫಿಲ್ಮ್ ಬಜಾರ್ ನಲ್ಲಿ ಮೊದಲ ಬಾರಿಗೆ, ಸಹ-ನಿರ್ಮಾಣ ಮಾರುಕಟ್ಟೆ ವೈಶಿಷ್ಟ್ಯಕ್ಕಾಗಿ ನಗದು ಅನುದಾನ ವನ್ನೂ ಕೂಡಾ  ಪರಿಚಯಿಸಲಾಯಿತು, ಹಾಗೂ ಈ ವರ್ಗದಲ್ಲಿ ಚಲನಚಿತ್ರ ನಿರ್ಮಾಪಕರಿಂದ ಅತ್ಯುತ್ತಮ ಸ್ಪಂದನೆಗಳನ್ನು ಗುರುತಿಸಲಾಯಿತು.

• ಈ ವಿಭಾಗದಲ್ಲಿ ಪ್ರಥಮ ಬಹುಮಾನವನ್ನು ಪಾಯಲ್ ಸೇಥಿ ನಿರ್ದೇಶಿಸಿದ ಮತ್ತು ತನಿಕಾಚಲಂ ಎಸ್ಎ ನಿರ್ಮಿಸಿದ ಕುರಿಂಜಿ (ದಿ ಡಿಸ್ಪಿಯರಿಂಗ್ ಫ್ಲವರ್) ಚಿತ್ರಕ್ಕೆ ನೀಡಲಾಯಿತು.
• ಸಂಜು ಸುರೇಂದ್ರನ್ ನಿರ್ದೇಶನದ ಮತ್ತು ಪ್ರಮೋದ್ ಶಂಕರ್ ನಿರ್ಮಾಣದ ಕೋಥಿಯಾನ್ - ಫಿಶರ್ಸ್ ಆಫ್ ಮೆನ್ ಚಿತ್ರಕ್ಕೆ ಎರಡನೇ ಬಹುಮಾನ ಲಭಿಸಿದೆ.
• ಮೂರನೇ ಬಹುಮಾನವನ್ನು ರಾವಣನ ಎಲ್ಲಾ ಹತ್ತು ತಲೆ ಚಿತ್ರಕ್ಕೆ ನೀಡಲಾಯಿತು, ಇದನ್ನು ಪ್ರಾಂಜಲ್ ದುವಾ ನಿರ್ದೇಶಿಸಿದ್ದಾರೆ ಮತ್ತು ಬಿಚ್-ಕ್ವಾನ್ ಟ್ರಾನ್ ಚಿತ್ರ ನಿರ್ಮಿಸಿದ್ದಾರೆ.

ಹೆಚ್ಚುವರಿಯಾಗಿ, ಸುಮಿತ್ ಪುರೋಹಿತ್ ನಿರ್ದೇಶಿಸಿದ ಮತ್ತು ಚಿಪ್ಪಿ ಬಾಬು ಮತ್ತು ಅಭಿಷೇಕ್ ಶರ್ಮಾ ನಿರ್ಮಿಸಿದ ಬಾಘಿ ಬೇಚರೆ (ರಿಲಕ್ಟಂಟ್ ರೆಬೆಲ್ಸ್) ಚಿತ್ರ ಅತ್ಯುತ್ತಮ ಪಿಚ್ ಗಾಗಿ ವಿಶೇಷ ಪ್ರಶಂಸಾತ್ಮಕ ಉಲ್ಲೇಖವನ್ನು ಪಡೆಯಿತು.

ವಿಶೇಷ ಉಪಕ್ರಮದ ಅಂಗವಾಗಿ, ಫಿಲ್ಮ್ ಬಜಾರ್ ನಲ್ಲಿ ಫ್ರೆಂಚ್ ಪ್ರತಿನಿಧಿಗಳ ಭಾಗವಹಿಸುವಿಕೆಯನ್ನು ಉತ್ತೇಜಿಸುವ ನಿರಂತರ ಪ್ರಯತ್ನಗಳಿಗಾಗಿ ಫ್ರೆಂಚ್ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾವನ್ನು ಗೌರವಿಸಲಾಯಿತು. ಫಿಲ್ಮ್ ಬಜಾರ್ 2025ರ ವೈವಿದ್ಯಮಯ ನೋಟವನ್ನು ನೀಡುವ ವೇವ್ಸ್ 2025 ರ ಟೀಸರ್ ನೊಂದಿಗೆ ಸಂಜೆಯ ಕಾರ್ಯಕ್ರಮವು ಮುಕ್ತಾಯವಾಯಿತು.

ಸಮಾರಂಭದಲ್ಲಿ ಕೇಂದ್ರ ವಾರ್ತಾ ಮತ್ತು ಪ್ರಸಾರ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಶ್ರೀ ಪೃಥುಲ್ ಕುಮಾರ್ , ಎನ್.ಎಫ್.ಡಿ.ಸಿ. ಎಂ.ಡಿ. ಮತ್ತು ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯದ ಚಲನಚಿತ್ರಗಳ ಜಂಟಿ ಕಾರ್ಯದರ್ಶಿ ಶ್ರೀಮತಿ ವೃಂದ ಮನೋಹರ್ ದೇಸಾಯಿ ಅವರು ವಿಶೇಷ ಭಾಷಣ ಮಾಡಿದರು. ಫಿಲ್ಮ್ ಬಜಾರ್ನ ಸಲಹೆಗಾರ ಶ್ರೀ ಜೆರೋಮ್ ಪೈಲಾರ್ಡ್, ಖ್ಯಾತ ನಟ ಶ್ರೀ ಅವಿನಾಶ್ ತಿವಾರಿ ಮತ್ತು ಖ್ಯಾತ ಕಾಸ್ಟಿಂಗ್ ನಿರ್ದೇಶಕ ಶ್ರೀ ಮುಖೇಶ್ ಛಾಬ್ರಾ ಸಮಾರಂಭದಲ್ಲಿ ಉಪಸ್ಥಿತರಿದ್ದರು.

ಚಿತ್ರ ಕಥೆ ಹೇಳುವಿಕೆ, ಸೃಜನಶೀಲತೆ ಮತ್ತು ನಾವೀನ್ಯತೆಗಳಿಗೆ ಜಾಗತಿಕ ಕೇಂದ್ರವಾಗಿ ಈ ಕಾರ್ಯಕ್ರಮವು ಮಗದೊಮ್ಮೆ ಯಶಸ್ಸು ಕಂಡಿತು. ಫಿಲ್ಮ್ ಬಜಾರ್ 2025 ಕ್ಕೆ ವೇದಿಕೆಯನ್ನು ಕೂಡಾ ಸಿದ್ಧಪಡಿಸಿಕೊಂಡಿದೆ. ಚಲನಚಿತ್ರಪ್ರೇಮಿಗಳಲ್ಲಿ ಉತ್ಸಾಹವು ಈಗಾಗಲೇ ನಿರ್ಮಾಣವಾಗಿದೆ. ಮುಂದಿನ ವರ್ಷದ ಆವೃತ್ತಿಯು ಮತ್ತೊಂದು ವಿಶೇಷ ಸಾಧನೆಗಳು ಮತ್ತು ಕ್ರಿಯಾತ್ಮಕ ಸಿನಿಮೀಯ ಸಹಯೋಗಗಳನ್ನು ನೀಡಲಿದೆ.

*****