#IFFIWood, 25 नोव्‍हेंबर 2024

"महावतार नरसिंह" ह्या एका महत्वाकांक्षी एनिमेटेड फिल्माचो आयज 55व्या  भारतीय आंतरराष्ट्रीय चित्रपट महोत्सवांत (IFFI) संवसारीक प्रीमियर जालो आनी भारतीय सिनेमांतलो इतिहासीक माईलस्टोन  थारलो. अश्विन कुमार हाणें दिग्दर्शित केल्लो हो दृश्यात्मक अदभूत चित्रपट श्रद्धा, धैर्य आनी लवचीकपण हांच्या आकर्शक कथना वरवीं भगवान विष्णुच्या तिसऱ्या आनी चवथ्या अवताराच्या-वराह आनी नरसिंहाच्या महाकाव्यांक जिवीत हाडटा.

आयज पत्रकार परिशदेंत संबोधन करतना अश्विन कुमार हांणी उक्तायलें की, “हो फकत एनिमेशन फिल्म न्हय; तर तो मोगाचो वावर आनी आमच्या गिरेस्त सांस्कृतीक दायजाक श्रद्धांजली आसा . विष्णु पुराण, नरसिंह पुराण, श्रीमद भागवत पुराण हांचो आदार घेवन आमी मूळ स्त्रोतां कडेन खरे रावून सगळ्या पिळग्यांनी प्रतिध्वनीत जावपी  कथा सादर केल्या अशे ताणें  सांगले. ह्यो कथा पुराणकथा म्हणून न्हय तर आमच्या सामुहीक इतिहासाचो आनी जाणविकायेचो एक भाग म्हूण तिगोवपाची म्हाका इत्सा आशिल्ली” अशेंय ताणें सांगले. 

भगवान विष्णुचो सूड घेवपी राक्षस राजा हिरण्यकशिपू आनी ताचो पूत प्रल्हाद हांचेमदलो महाकाव्यात्मक संघर्श ह्या चित्रपटांत दाखयला, जाची अखंड श्रद्धा भगवानाक नरसिंह अवतारान प्रकट जावपाक भाग पाडता. काणये कडेन आपलो वैयक्तीक संबंद स्पश्ट करतना दिग्दर्शकान म्हणलें, म्हज्या जिवितांतल्या काळखांतल्या टप्प्यांत ह्या कथांनी म्हाका बळगें मेळ्ळें.प्रल्हादाच्या भावार्थान आनी लवचीकपणाक लागून म्हाका हो सिनेमा तयार करपाची प्रेरणा मेळ्ळी; हेरां खातीर तो आशेचे तिरीप जातले अशी आस्त बाळगता” अशे ताणें मुखार म्हळें. 

‘महावतार नरसिंह’ ह्या सिनेमाचो हेत भारतीय एनिमेशनाचो  दर्जो वाडोवप, सगळ्या पिरायेच्या समूहांक आकर्षित करपी सिनेमॅटिक अणभव दिवप असो आसा. जिवंत जीणेसारके  एनिमेशन आनी बारीकसाणीन तपशीलवारपणान हो चित्रपट तयार करपाक साडे चार वर्सां लागलीं. निर्माती शिल्पा धवन हांणी सांगलें, हो प्रकल्प आमच्या दायजाचो उत्सव. भारतीय संस्कृतायेची गिरेस्तकाय दाखोवपा खातीर संवसारभरांतल्या घराघरांत  पावपाचो आमी हेतू दवरतात” अशेंय तिणें  सांगले . 

भारतांत एनिमेशन मुखेलपणान भुरग्यां खातीर आसा असो समज आसा आनी हेच खोडून काडून आव्हांनासयत  सगळ्यां खातीर एक चित्रपट तयार करपाक आमी सोदताले. आमच्या दृश्टीकोनाचेर सुरवेक कोणाचोच विस्वास नाशिल्लो, पूण भारतीय व्हीएफएक्स आनी एनिमेशन संवसारीक दर्ज्याचें आसूं येता हें आमी सिद्ध केलां” अशे ह्या वेळार संबोधीत करतना अश्विन कुमार हांणी सांगले . 

‘महावतार नरसिंह’ ही  विशाल दृश्टीची फकत एक सुरवात. व्हिडियो गेम, कॉमिक्स, वेब मालिका आनी लायव्ह-ऍक्शन फिल्मां सयत प्रकल्पांच्या माळे वरवीं भगवान विष्णुच्या सगळ्या धा अवतारांचो अभ्यास करपाची ह्या पंगडाची येवजण आसा. “हो फकत सिनेमा न्हय, तो एक दायज. संशोधन आनी खोलाय  हांतूंत  रुजल्ली कला खोलायेन प्रतिध्वनीत जाता आनी फुडल्या यत्नांत हो मानक पाळपाक आमी कटिबद्ध आसात अशें दिग्दर्शकान  सांगलें.

तरणाटे हे काणये कडेन जोडटले अशी आस्त कुमाराक आसा. “सत्य आनी सत्ता, श्रध्दा आनी दुबाव हांचे मदलो संघर्श कालबाह्य आसा. तरणाटे प्रेक्षक स्वताच्या आव्हानांक नेव्हिगेट करतना ही काणी प्रतिध्वनीत जातली अशें म्हाका दिसता”, अशें तांणी सांगलें.

आधुनीक कथाकथन आनी पुर्विल्ल्या शास्त्रांच्या गिन्यानाचो मेळ घालून ‘महावतार नरसिंह’ पौराणीक कथा पडद्याचेर कशी सांगतात हाची नवी व्याख्या सादर करपाची खात्री आसा.

* * *

PIB IFFI CAST AND CREW | Subhash/Utkarsha/Darshana | IFFI 55