0 7

#IFFIWood, 25 नोव्‍हेंबर 2024

स्वभावान अनिश्चीत आशिल्ल्या फिल्म निर्मिती आनी अभिनय करिअरांत, साहस करतना आकांक्षी फिल्म निर्मात्यांनी बॅकअप करिअर पर्याय तयार दवरप बरे, अशें राष्ट्रीय पुरस्कार जैतिवंत अभिनेत्री कृति सॅनॉन हीणे आयज सांगलें.

तिणें मुखार सांगलें, की तिचो ‘मिमी’ सिनेमा हो आतां मेरेन तिच्या अभिनय कारकिर्दींत केल्लो सगळ्यांत धाडसी चित्रपट निवड आशिल्ली आनी, ती जोखीम बरीच फायदो दिवन गेली, जेन्ना तिका त्या सिनेमा खातीर उत्कृश्ट अभिनेत्याचो (बायल) राष्ट्रीय पुरस्कार मेळ्ळो.  आयज गोंयांतल्या कला अकादमींत  'एम्पावरिंग चेंज: विमेन लिडिंग द वे इन सिनेमा' ह्या विशयाचेर पॅनल चर्चेत ती उलयताली. इफ्फी  2024 च्या कुशीक हे 'इन कॉन्व्हरसेशन' सत्र आयोजीत केल्लें.

“ह्या सिनेमाची (मिमी) निवड करची न्हय, असो सल्लो म्हाका जायत्या जाणांनी दिलो. म्हाका आर्ट हाऊस फिल्मां पसंत करपी अभिनेत्याचें लेबल दितले आनी ताचो परिणाम म्हज्या वाटेर येवपी हेर प्रकल्पांचेर जातलो, असो तांकां भंय आशिल्लो. तरी लेगीत पटकथा काळजाक स्पर्श करताली, म्हणून हांवें हो चित्रपट घेतलो. आनी चित्रपट वेंचतना हो घटक चड म्हत्वाचो आसूंक जाय”, अशें मत सॅनन हांणी उक्तायलें. तशेंच फुडाराक सुपरवुमन पात्र आनी खंयच्याय पात्राक नकारात्मक भुमिका करपाची इत्सा तिणें उक्तायली.

‘दो पत्ती’ ह्या सिनेमांतली आपली भुमिका थरयल्ली आनी बारीकसाणीन आसा हे मानता, अशें कृति हांणी सांगलें आनी घरगुती हिंसाचार विशय आपल्या काळजाक स्पर्श करपी, अशें वर्णन केले. “तेरी बातों में ऐसा उलझा जिया” ह्या सिनेमांतल्या भुमिकेविशीं उलयतना अभिनेत्यान, एकदम सरळ तोंडाच्या रोबॉटाची भुमिका करप कशें कठीण आशिल्लें आनी त्या भुमिकेक कसो बरो प्रतिसाद मेळ्ळो, तें उक्तायलें.

हालींच्या सिनेमांत बायलांनी केल्ल्या नकारात्मक पात्रां आनी भुमिका विशीं टिप्पणी करतना, सॅनन हिणे  सांगलें, की प्रेक्षकांक ही पात्रांक आवडटा आनी तांचे कडेन ते  बरे तरेन जोडटात. ‘दादल्यांच्या नदरेत’ आयच्या काळांत बदल जायत आसा, ‘परफेक्ट’ चली वा बायलेची मागणी उणी जायत आसा. 

ओटीटी प्लॅटफॉर्मांतल्यान ह्या उद्देगांत प्रवेश मेळोवपी बायला लेखकांच्या नव्या पिळगेची कृतिक व्हड तोखणाय आशिल्ली. ओटीटी प्लॅटफॉर्मांक लागून शेंकड्यांनी देशांनी, बायल फिल्म निर्मात्यांक चड बरी माची मेळटा, अशें तिणें सांगलें.

“बायलांनी स्वताचेर काम करचें; तांणी आपले शंबर टक्के यत्न करचे, जिज्ञासू रावचें आनी प्रस्न विचारचे, अशें या अभिनेत्यान निमाणें सांगलें.

* * *

PIB IFFI CAST AND CREW | Subhash/Manali/Darshana | IFFI 55