নহারোল অমসুং শান্ন-খোৎনবগী মন্ত্রালয়
প্রধান মন্ত্রীনা মহাক্কী মন কী বাত্তা ৱা ঙাংবদা ভিকসিৎ ভারত অমা শেমগৎনবা নহারোলশিংনা শরুক য়ানবা হায়খ্রে
নহারোলনা লমজিংনবা ইথিল পীনবা ‘ভিকসিৎ ভারত য়ং লীদর্স দাইলোগ’ লাউথোকখ্রে
জনুৱারী 11-12, 2025দা ভারত মন্দপমদা স্বামী বিবেকানন্দগী ভিজনবু পালন তৌরদুনা য়ুথ মহা কুম্ভ পাংথোক্কনি
Posted On:
24 NOV 2024 3:11PM by PIB Imphal
ঙসি মহাক্কী থাগী মন কী বাত্তা প্রধান মন্ত্রী শ্রী নরেন্দ্র মোদীনা ভিকসিৎ ভারত অমা শেমগৎপদা নহাশিংনা লৌরিবা মরুওইবা থৌদাং অদু পনখি। নহা ওইরিবা ৱাখল্লোনশিং পুনশিনবগী শক্তি অদু পল্লদুনা মহাক্না 2025গী জনুৱারী 11-12দা নই দিল্লীগী ভারত মন্দপমদা পাংথোক্কদৌরিবা 'ভিকসিৎ ভারত য়ং লিদর্স দাইলোগ' হায়না মিংথোনবা মশক থোকপা থৌরাং অমা লাউথোকখি।
স্বামী বিবেকানন্দগী 162শুবা মপোক কুমওন লাকপদা, মসিগী চাউরবা থৌরম অসিনা লৈবাক শিনবা থুংনা লৈরিবা নহা করোর কয়াবু পুনশিন্নবা, খন্ন-নৈননবা অমসুং ভারতকী তুংলমচৎকী ৱাখল্লোনশিং পুথোক্নবগী প্লেৎফোর্ম অমা ওইগনি। খুঙ্গং, ব্লোক, জিলা, রাজ্যশিংদগী খনগৎলবা নহা লিশিং কয়ানা দাইলোগ'কীদমক পুনগনি।
থৌরম অদুদা ৱা ঙাংলদুনা, প্রধান মন্ত্রীনা অনৌবা লুচিংবা অমা শেমগৎনবা অমসুং গ্রাসরুতকী রাজনিতীগী ওইবা থৌদাংবু মপাঙ্গল কনখৎহন্নবা মহাক্কী ভিজন অদু ফোংদোকখি। “লাল কিলাগী লানবনদগী রাজনিতীগা মরী লৈনদবা অদুগুম্বা নহাশিংবু রাজনিতীদা য়াওনবা ঐহাক্না হায়জখি। 'ভিকসিৎ ভারত য়ং লিদর্স দাইলোগ' মাইকৈ অসিদা চংশিল্লিবা অতোপ্পা খোঙথাং অমনি” হায়না মহাক্না ফোংদোকখি।
দাইলোগ অসিদা নেস্নেল অমসুং ইন্তর্নেস্নেলগী এক্সপর্তশিং, থোৎ লীদরশিং অমসুং দিগনিতরীশিংনা দশরুক য়াগনি। প্রধান মন্ত্রী মশামক্না শরুক য়াগনি অমসুং নহারোলশিংগা ৱারী শানদুনা মহাক্না মখোয়বু লৈবাক অসিগী চাউখৎ-থৌরাংগীদমক অনৌবা ৱাখল্লোনশিং পুথোক্নবা পুক্নিং থৌগৎকনি। ৱাখল্লোনশিং অসিনা ভারতকী তুংলমচৎকীদমক মপুং ফাবা রোদমেপ অমা শেমগৎপদা মতেং পাংগনি।
প্রধান মন্ত্রীনা নহারোলশিংদা খুদোংচাবা অসি লৌদুনা লৈবাক শেমগৎপদা থৌদাং লৌনবা হায়খি। মহাক্না হায়খি, "মসি ভারতকী তুংলমচৎ শেমগৎলিবা মীওইশিংগীদমক অচৌবা খুদোংচাবা অমনি। লাক্লো, ঐখোয় পুন্না লৈবাক অসিবু শেমগৎসি, অমসুং লৈবাক অসিবু চাউখৎহল্লসি”।
থৌরম অসিনা স্বামী বিবেকানন্দগী ৱাখল্লোনবু থাগৎপা, নহা ওইরিবা মীওইশিংদা ইথিল পীনবা অমসুং হেন্না ফবা অমসুং চাউখৎপা ভারত অমগী য়ুম্ফম থোনবদা য়াম্না মরু ওইবা তাঞ্জা অমা ওইগনি।
নেস্নেল য়ুথ ফেস্তিবেলগী অনৌবা মওং অমা ওইরিবা ভিকসিৎ ভারত য়ং লিদর্স দাইলোগ অসিদা ভিকসিৎ ভারত চেলেঞ্জ য়াওরি, মসি ভারতকী তুংলমচৎ শেমগৎপদা নহাশিংবু পুক্নিং থৌগৎনবা ফেজ মরিগী কম্পিতিসন অমনি। অহানবা স্তেজ - ভিকসিৎ ভারত ক্বিজ অসি হয়েং হায়বদি 2024গী নবেম্বর 25দা মেরা য়ুবা ভারত (মাই ভারত) প্লেৎফোর্মদা হৌরগনি। অকুপ্পা মরোলগীদমক্তা, https://pib.gov.in/PressReleasePage.aspx? PRID=2074242।
ভিকসিৎ ভারত য়ং লিদর্স দাইলোগ - নেস্নেল য়ুথ ফেস্তিবেল 2025গা মরী লৈনবা অকুপ্পা মরোল পুম্নমক মাই ভারত প্লেৎফোর্ম (https://mybharat.gov.in/) দা ফংগনি।
******
(Release ID: 2076599)
Visitor Counter : 7