মরু ওইবা দিবেলপমেন্ত অমদা, নেস্নেল কঞ্জ্যুমর হেল্পলাইন (NCH) না মাগী কনভর্জেন্স প্রোগ্রামগী মখাদা কম্পনী 1000 হেনবগা খুৎশম্নদুনা গ্রিভান্স রিজোলুসন অথুবা মতমদা পাংথোকপা ঙমখ্রে। কম্পনীশিং অসিনা ই-কম্মর্স, ত্রাভেল অমসুং তুরিজম, প্রাইবেৎ এজুকেসন, FMCG, কঞ্জ্যুমর দ্যুরেবল্স, ইলেক্ত্রোনিক প্রদক্তশিং, রিতেল আউৎলেৎশিং, ওতোমোবাইলশিং, DTH অমসুং কেবল সর্ভিসশিং, অমসুং বেঙ্কিং য়াওনা মরুওইবা সেক্তরশিং কোনশিল্লি। কনভর্জেন্স কম্পনীশিং অসিগা মরী লৈনবা কমপ্লেন্তশিং অসি ওনলাইন রিজোলুসনগীদমক্তা মখোয়দা হকথেংননা ত্রান্সফর তৌই।

কনভর্জেন্স পার্তনরশিংগী মশিং অসি 2017দা কম্পনী 263 ওইরম্বদগী হৌজিক্কী ওইনা কম্পনী 1009দা লেপ্তনা হেনগৎলক্লি। হেনগৎলকপা অসিনা হেল্পলাইনগী ইফিসিএন্সী হেনগৎহনবদা পার্তনরশিং অসিনা লৌরিবা থৌদাং অদু ময়েক শেংহল্লি। মসিনা অথুবা মতমদা অমসুং ইফেক্তিব ওইনা কমপ্লেন্ত রিদ্রেসেল তৌবা ঙমহল্লি অমসুং ত্রান্সপরেন্সী অমসুং একাউন্তেবিলিতী হেনগৎহল্লি। পার্তনরশিপশিংনা কঞ্জ্যুমরগী কমপ্লেন্তশিং অসি লিতিগেসনগী মমাংগী তাঙ্কক্তা য়েংশিনবা, হেন্না চাউবা কঞ্জ্যুমরগী থাজবা হেনগৎহনবা ঙমহল্লি। অদুম ওইনমক, করিগুম্বা কমপ্লেন্ত অমবু রিজোল্ব তৌদ্রবদি, কঞ্জ্যুমর প্রোতেক্সন এক্ত, 2019গী মখাদা মতিক চাবা কঞ্জ্যুমর কম্মিসন অদুদা এপ্রোচ তৌবীয়ু।

ভারত সরকারগী দিপার্তমেন্ত ওফ কঞ্জ্যুমর এফিয়র্স (DoCA) না গ্রিভান্স রিদ্রেসেল প্রোসেস ফগৎহন্নবা গ্রিভান্স দেতা চাং নাইনা মোনিতর তৌরি। হন্দক্তা দিপার্তমেন্তনা হৌজিক চৎলিবা শেনবা চহি (2024-25) অসিদা খ্বাইদগী হেন্না গ্রিভান্স লাকখিবা মকোক থোংবা নন-কনভর্জেন্স কম্পনী তরা মশক খঙদোকখ্রে। কম্পনীশিং অসিগী মনুংদা দিল্লীভরী লিমিতেদ, ইলেক্ত্রোনিক্সকোম্প.কোম, দোমিনোস পিজ্জা, হায়র এপ্লাইন্স ইন্দিয়া প্রাইবেৎ লিমিতেদ, ফার্স্তক্রাই.কোম, থোমসন ইন্দিয়া, মহিন্দ্রা এন্দ মহিন্দ্রা, রেপিদো, ওরিএন্ত ইলেক্ত্রিক লিমিতেদ, অমসুং সিম্ফোনি লিমিতেদ য়াওরি। লেপ্তনা লাক্লিবা গ্রিভান্সশিং অদু খন্ননবা অমসুং মখোয়বু কনভর্জেন্স পার্তনরশিং ওইনা ওনবোর্দ তৌনবা কম্পনীশিং অসিগা লোয়ননা মীফম অমা মথং চয়োলদা পাংথোক্নবা থৌরাং তৌরি।

NCHগী তেক্নোলোজিকেল ত্রান্সফোর্মেসন অসিনা মাগী কোল হেন্দলিং কেপাসিতীদা মশক থোক্না হেনগৎহনখি। NCHনা ওকখিবা কোলশিংগী মশিং অসি 2015গী জনুৱারীদা কোল 14,795দগী 2024গী জনুৱারীদা কোল 1,41,817দা চাদা 10 হেনগৎখ্রে। হায়রিবা এক্সপোনেন্সিএল গ্রোথ অসিনা কঞ্জ্যুমরশিংনা মখোয়গী কমপ্লেন্তশিং রেজিস্তর তৌনবগীদমক হেল্পলাইন অসি শীজিন্নবগী থাজবা হেনগৎলক্লিবা অসি তাক্লি। থা অমদা রেজিস্তর তৌখিবা গ্রিভান্সকী চাংচৎকী মশিং অসি 2017দা 37,062 ওইরম্বদগী 2024দা 1,12,468দা হেনগৎখ্রে।

গ্রিভান্স রিদ্রেসেল সিস্তেম অসি হেন্না ফগৎহন্নবা খোঙথাং অমা ওইনা, NCHনা AI-বেজ স্পীচ রিকোগনিসন, ত্রান্সলেসন সিস্তেম, অমসুং মলতিলিঙ্গুএল চেতবোত অমা NCH 2.0গী শরুক অমা ওইনা হৌদোক্নবা থৌরাং তৌরি। তেক্নোলোজিগী থাক ৱাংখৎলকপনা কমপ্লেন্ত ফাইল তৌবগী প্রোসেস অসি হেন্না মওং তানা, ইফিসিএন্ত অমসুং ইনক্লুসিব ওইহন্নবা পান্দম থম্লি।

AI-পাৱর ওইবা স্পীচ রিকোগনিসন অমসুং ত্রান্সলেসন সিস্তেম অসিনা কঞ্জ্যুমরশিংদা মখোয়গী লোকেল লোলশিংদা ভোইস ইনপুৎকী খুত্থাংদা কমপ্লেন্তশিং ফাইল তৌবা য়াহল্লগনি, মসিনা মেনুএল ইন্তরভেন্সন হন্থহল্লগনি। মলতিলিঙ্গুএল চেতবোত অসিনা রিএল-তাইমগী মতেং পীদুনা, মেন্যুএল দেতা এন্ত্রী হন্থহন্দুনা অমসুং অপুনবা য়ুজর এক্সপরিয়েন্স হেনগৎহন্দুনা কমপ্লেন্ত-হেন্দলিং প্রোসেসপু হেন্না মওং চুমহনগনি।

অহোংবশিং অসিনা লিঙ্গ্যুস্তিক বেকগ্রাউন্দ পুম্নমক্কী কঞ্জ্যুমরশিংনা কমপ্লেন্ত রিদ্রেসেল সিস্তেমদা চপ মান্নবা এক্সেস লৈহন্নবা থাজবা পীগনি। দিপার্তমেন্ত ওফ কঞ্জ্যুমর এফিয়র্সনা খুদোংচাদবা লৈতবা, থুনা পাংথোকপা অমসুং শেল চংদবা গ্রিভান্স রিজোলুসন প্রোসেস অমা পীনবা ৱাশক্লি। NCH 2.0গী মখাদা জেনরেতিব AI, স্পীচ রিকোগনিসন, ত্রান্সলেসন, অমসুং চেত-বোত তেক্নোলোজীশিং হৌদোকপা অসিনা কঞ্জ্যুমর প্রোতেক্সনবু প্রি-লিতিগেসন স্তেজদা হেন্না ফগৎহন্নবা মরু ওইবা খোঙথাং অমা ওইগনি।

দিপার্তমেন্তনা নেস্নেল কঞ্জুমর হেল্পলাইন (NCH) অসি নৌনা শেমদোকখ্রে। মসিদা ভারত শিনবা থুংনা লৈরিবা কঞ্জ্যুমরশিংনা প্রি-লিতিগেসন স্তেজদা গ্রিভান্স রিদ্রেসেলগীদমক সেন্ত্রেল পোইন্ত অমা শেম্লে। হেল্পলাইন অসি হিন্দী, ইংলিস, কাশ্মিরী, পঞ্জাবী, নেপালি, গুজরাতি, মরাথি, কন্নরা, তেলুগু, তামিল, মালয়ালম, মৈথিলি, সান্তালি, বেঙ্গালী, ওরিয়া, অসামীজ অমসুং মনিপুরী য়াওনা লোন 17দা ফংই। মফম খুদিংমক্কী কঞ্জ্যুমরশিংনা তোল ফ্রী নম্বর 1915 গী খুত্থাংদা মখোয়গী কমপ্লেন্তশিং রেজিস্তর তৌবা য়াহল্লি। কমপ্লেন্তশিং ফাইল তৌনবগীদমক ৱাতসএপ, SMS, ইমেল, NCH এপ, ৱেব পোর্তেল অমসুং উমং এপ অসিনচিংবা মখল কয়াগী চেনেলশিং পীরিবা সেন্ত্রেলাইজ তৌরবা AI-ইনেবল ওইবা সিস্তেম অমা ওইরিবা ইন্তিগ্রেতেদ গ্রিভান্স রিদ্রেসেল মেকানিজম (INGRAM) পোর্তেলদা কমপ্লেন্তশিং অসি রেজিস্তর তৌবা য়াগনি।

কমপ্লেন্তশিং ফংলবা মতুংদা, NCHনা মখোয়দু মরি লৈনবা কম্পনীশিং, রেগ্যুলেতরশিং নত্ত্রগা গবর্নমেন্ত দিপার্তমেন্তশিংদা রিজোলুসনগীদমক্তা ফোর্ৱার্দ তৌই।

***