0 5

“Ka long kaba donkam ia baroh ban sngewthuh bad don jingsngewlem ia ki longkmie kiba iaid lyngba ki jingeh ha ka kam shongkha shongman,” la ong ka director jong ka phlim, ka Arati Kadav ha ka jingiakynduh bad ki lad pathai khubor haba la pyni nyngkong ia ka ‘Mrs’ ha ka bynta kaba 55 jong ka IFFI 2024 ha Goa.

Ha ka jingiakren bad ki lad pathai khubor, ka Kadav ka la batai shaphang ka jingthmu jong ka ha kaba iadei bad kane ka phlim da kaba ong ba ka Mrs. ka dei ka phlim jong ki ‘riew madan, kaba la saindur ban iahap bad ki briew. “Man ka longkmie ka dei ka phang jong kane ka phlim.

Ka la ban jur halor ka jingpynkut ia ka jingsngap jar shaphang ka bynta jong ki longkmie, hapoh ka longiing bad ha ka imlang sahlang bad ka la batai kumno ka Mrs. ka wanrah shakhmat ia kine ki phang.

Ka Sanya Malhotra, kaba ak kum ka Richa, ka la kren shaphang ka jingsngew iahap jong ka bad kane ka Richa. “Ki briew kum ka Richa ki don hajan jong ngi,” la ong ka Sanya. “Nga la iakynduh shibun ki longkmie kiba la iaid lyngba ki juh ki jingshem. Nga la sngew iahap bha bad ka Richa hadien ba nga la iakren bad ki longkmie, nga la iohsngew ia ki khana jong ki bad sngewthuh ia ki jingeh jong ki,” ka la bynrap. Ka la ong ruh ba ka phlim ka iahap bad ki jingthrang jong ki longkmie bad kumta ka sngew jan bha ia kane. Ka Sanya ka la kren ruh shaphang ka jingbahkhlieh ba ka la sngew haba ka la ak kum ka Richa da kaba ong, “Ngam shym la khein sting ia kane ka kam. Nga peit ia baroh ki bynta da ka jingshim khia bad ka jingbahkhlieh da kaba pynthikna ba nga pyni ia ki jingsngew.”

U Producer Harman Baweja u la sdang ia ka jingiakren da ka jingbatai shaphang ka khubor ba kongsan jong ka phlim, ka jingban halor ki jingeh ba ki longkmie ki iakynduh hadien ba ki shongkha bad ki iaid ha ka lynti jong ka jingkylla. U la ong ba ka Mrs. ka dei ka khana jong ka longkmie, ka Richa, kaba kwah ban pynkylla ia ka khana jong ka, ha kaba kane kan kham bha ia ki jingkyrmen jong ka imlang sahlang. U Baweja u la ong, “Ka longkmie ka iaid ha ka lynti kaba pher hadien ba la shongkha bad ka Mrs. ka dei ka jingiaid lynti ka Richa ban shem ialade. Ngi dei ban pynkylla na ki jingpyrkhat ba dei ia ki longkmie ne ki Rangbah. Ha kane ka kam ym don jingiapher hapdeng ki shynrang ne kynthei. Ha kaba kut ka dei ka kamram jong ngi kum ka imlang sahlang ban weng ia kine ki jingiapher."

Ka Mrs. ka ai ka khubor kaba khlain shaphang ka jingpynkupbor, ka jingshem ialade bad ki jingeh ha ka imlang sahlang. Lyngba ka khana kaba sngewtynnad bad ki nongiashim bynta kiba don sap, kane ka phlim kan wanrah ia ki jingiakren bad ai mynsiem ia ki nongpeit ba kin pyrkhat arsien shaphang ka bynta jong ki longkmie bad ki rangbah.

Shaphang ka: Mrs.

Colour | 111’ | Hindi | 2024

Ka Richa, ka nongshad, ka la shong kurim bad u doktor ba trei shitom hynrei ka shem jingeh namar ki kam ha iing bad ka jingbym ioh ia ka jingiaroh. Watla ka long kaba trei met bad mynsiem, ka iakhun ban pynhun ia ki jingkyrmen jong ka longiing katba ki paralok jong ka ki jam shaphrang. Da ka jingkut jingmut ban tei ia la ka jinglong jingman, ka Richa ka phaikhmat sha ka jingieid jong ka ia ka shet ka tiew bad ban ialeh pyrshah ia ka jingthombor ki Rangbah. Ka “Mrs.” ka dei ka jingiaid lynti jong ka ban shem ialade, bad ka jingkiew shaphrang jong ka katba ka pynkylla ialade ban tam ia ki jingkyrmen bad ki jingngeit tynrai.

Director: Arati Kadav

Producer: Jyoti Deshpande, Pammi Baweja, Harman Baweja

Screenwriter: Anu Singh Chaudhary, Harman Baweja, Arati Kadav

Cinematographer: Pratham Mehta

Editor: Prerna Saigal

Peit ia baroh kawei ka jingiakynduh bad ki lad pathai khubor hangne:

* * *