#IFFIWood, 22 नोव्‍हेंबर 2024

 

गोंयांत जाल्ल्या 55व्या इफ्फीत ध्वनी कलाकार नकुल कामते   आनी एरिक होएन हांणी ध्वनी डिझायनाचे कला आनी विज्ञानाचेर आपले विचार मांडले. दोन फावटीं राष्ट्रीय पुरस्कार फावो  जाल्ल्या कामते न लगन आनी दिल चहता है ह्या सारक्या चित्रपटांनी भारतीय सिनेमांत क्रांती घडोवन हाडल्या. दोन फावटीं एमी विजेत जाल्लो होएन द क्वीन गॅम्बिट आनी डीपवॉटर होरायझन ह्या सिनेमा खातीर वळखतात. दोनूय तज्ञांनी ध्वनी तंत्रगिन्यानाचेर आपले नदरेक, कथाकथनांत ताची भुमिका आनी चित्रपट उद्देगांतल्या ध्वनी डिझायनाची विकसीत जावपी परिदृश्या  सांगली.

कामते आनी होएन ह्या दोगांयनी ध्वनी रचनांच्या विकसीत जावपी स्वरुपाचेर विचार करून सत्राची सुरवात केली. तंत्रीक उदरगतीक लागून येवपी आव्हानां आनी संद हांचेविशीं कामते न आपले विचार सांगले, जाल्यार होएन हाणें ध्वनी निर्मितींत मनशाच्या घटकाची गरजेची भुमिका स्पष्ट  केली.

उदयाक येवपी तंत्रगिन्यानाचो, खास करून आर्टिफिशियल इंटेलिजन्स (एआय) ध्वनी डिझायनाचेर कितलो परिणाम जाता हाचो अभ्यास ह्या भासाभासेत जालो. “एआय निवड सादर करता, पूण तो निर्णय घेना वा सादरीकरणाच्या प्रामाणीकपणाचेर अर्थ लावना-कथा सांगपाचो एक मुखेल आंग जो स्वभावीकपणान मनीस उरता अशे होएन हांणी सांगले. ” कामते न हे कल्पनेचो विस्तार करून आवाजाच्या आराखड्यांत मनशाच्या निर्णयाचें म्हत्व सांगलें.

तशेंच जटिल ध्वनीदृश्यांचें समतोल दवरतना ध्वनी डिझायनरांक कितले आव्हान आसता  हाचेरय चर्चा जाली, “मुखेल फोकसांत आसा, ध्वनी घटक प्रेक्षकांक व्यापून उडोवंक नात पूण ताचे बदला फिल्म निर्मात्यान कितें हेतू दवरलां तें तांकां मार्गदर्शन करप- होएन हाणें स्पश्ट केलें.” “आयचे चित्रपट चड करून मान्य डेसिबल पातळे परस चड आसतात, जाका लागून पळोवपाचो अणभव उणो जावंक शकता. - कामते”

भंयकर चित्रपटांतल्या आवाजाचे कलेचेरूय चर्चा जाली, कामतेन म्हणलें, “ध्वनी नासतना लेगीत एक बळिश्ट पटकथा चित्रपटाक चालना दिवंक शकता”, “विरळ ध्वनीप्रदेश प्रेक्षकांक कथांत चड खोलायेन बुडपाक मेळटा-  होएन ” चित्रपटाच्या भावनीक स्वराक आकार दिवपाक संगीत आनी आवाज कितली म्हत्वाची भुमिका दवरता हाचेर दोनूय तज्ञ एकमत जाले.

संवाद व्हिज्युअल्स वांगडा ध्वनी समन्वयनाचे उत्क्रांती कडेन वळ्ळें आनी कामतेन भारतीय सिनेमांत ताची उदरगत सोदून काडली आनी लगान हें एक आद्य उदाहरण म्हणून उल्लेख केलो. ताणें स्पश्ट केलें, “शब्दाचो हस्तक्षेप उणो करपा खातीर सिंक आवाजाक अफाट शिस्त आनी काळजीपूर्वक सुवात निवडपाची गरज आसता, पूण अस्सल कामगिरी काडपाची गजाल येता तेन्ना ताचे परिणाम अतुलनीय आसात.”

हॉलीवूड आनी भारतीय सिनेमांतल्या ध्वनी रचना पद्दतींतल्या फरकांचेरूय ह्या सत्रांत अभ्यास केलो. भारतांतल्या अर्थसंकल्पीय अडचणींक लागून ध्वनी डिझायनरांकडेन  चड करून चड निधी कसो  आसचो  पडटा हाचेर कामतेन भर दिलो, मास्टर आनी कमांडर ह्या चित्रपटांत दिसपी विस्तारीत प्रक्रियांकडेन हाचो विचार जालो. अशा मर्यादे भितर काम केल्ल्यान जायते फावटीं निर्माण जाता अशें होएन हांणी नोंद केलें, “केन्ना केन्नाय, आयफोनाचेर काडिल्ल्या आवाजाचो परिणाम अपेक्षां परस चड आसूं येता.”

दोनूय तज्ञांनी चित्रपट निर्मितींत ध्वनी रचनाच्या सहकार्याच्या स्वरुपाचेर भर दिलो. “सविस्तर संक्षिप्त वा संदर्भ दिवपी दिग्दर्शक ध्वनी डिझायनरांक आपलें काम कथेकडेन चड लागींच्यान जुळोवंक सक्षम करतात,” “अपेस जावंक शकना अशा दृश्यांक चडांत चड लक्ष दितात, आवाज कथे कडेन एकदम जुळटा हाची खात्री करतात- होएन ”

सत्र सोंपता म्हणसर तज्ञांनी बिगर थळाव्या चित्रपटांतल्या ध्वनी डिझायनाची भुमिका कितें आसा हाचेर विचार केलो., “उपशीर्षकां आसल्यार लेगीत भावनीक संबंद तिगोवन दवरपाक आवाज म्हत्वाचो उरता -  होएन ” जाल्यार ध्वनी रचना हेर चित्रपट निर्मितीच्या घटकांपरस केन्नाच दुय्यम मानूंक फावना अशें कामतेन स्पश्ट केलें.

आकांक्षी ध्वनी डिझायनरां खातीर मोलादीक सल्ल्यान सत्र सोंपलें. कामतेन “फिल्मांतल्या स्टँडआउट आवाजांचें निरिक्षण आनी दस्तावेजीकरण करून सुरवात करात” अशी शिफारस केली, जाल्यार होएन हाणें ह्या क्राफ्टाच्यो बारीकसाणी समजून घेवपाखातीर प्रतिकात्मक ध्वनी रचनांची प्रतिकृती करपाचो सराव करपाक प्रोत्साहन दिलें. आपली कुशळटाय तयार करपा खातीर वैयक्तीक ध्वनी लायब्ररी बांदपाचें म्हत्व दोनूय तज्ञांनी मान्य केलें.

 

* * *

PIB IFFI CAST AND CREW | Subhash/Manali/Darshana | IFFI 55

(Release ID: 2076391) Visitor Counter : 4