U Myntri Sorkar Pdeng ba dei khmih ia ka Tnad Kam ialehkai bad Labour & Employment, Dr. Mansukh Mandaviya, un ialam ia ka Padyatra (ka jingiaid kjat) halor ka phang ‘Mera Samvidhan Mera Swabhiman’ ryngkat bad ki MY Bharat Youth Volunteer ban kynmaw burom ia ka Constitution Day ha ka 25 tarik Naiwieng, 2024 ha New Delhi. Ha kane ka jingialang yn rakhe ia ka jingpdiang ia ka Riti Synshar jong ka ri bad pyndon burom ia ka jingiohi jngai jong ki Nongseng ia ka, kaba long u mawmer ba kongsan ha ka jingiaid lynti ka India ha kaba iadei bad ka synshar paidbah.

Kane ka Padyatra kalong shi bynta ki Padyatra ba bun ba u Dr. Mandaviya un sdang ha kana ka shi snem ha kaba man ka yatra kan phaikhmat halor ka phang pdeng ba kyrpang ban ai mynsiem ia ki samla bad rakhe ia ka hiar pateng ba riewspah jong ka India. Ka Constitution Day Padyatra kadei kaba ar ha ki bynta, hadien  ka jingplie paidbah ia ka ‘Bhagwan Birsa Munda – Maati Ke Veer’ Padyatra ha ka 13 tarik Naiwieng, 2024 ha Jashpur, Chhattisgarh.

Ka Padyatra, ka thmu ban kyntiew ia ki jingngeit jong ka Riti Synshar bad ai jinghikai shaphang ka Preamble bad ki jingngeit jong ka synshar paidbah hapdeng ki samla, ka ban sdang na Major Dhyan Chand National Stadium ha ka por 8 baje Mynstep ha ka 25 tarik Naiwieng 2024. Ki Myntri Sorkar Pdeng, ki Dkhot jong ka iing dorbar thawain Parliament bad kiwei kiwei ki kynrem ki lyndan kin iasoh lang ha kane ka jingiaid kjat.

Yn sdang ia ka jingialang da ka jingplie paidbah ba kynthup ka art exhibition kaba pyni ia ka jingim bad ki jingnohsynniang jong u Dr. B.R. Ambedkar ryngkat kiwei kiwei ki dkhot ba pawkhmat jong ka Constituent Assembly. Yn don ruh ka exhibition kaba pyni bniah ia ka jingiaid lynti ka Riti Synshar ba ban don lang ia ka kynreoh kaba don ia ka Preamble ha kaba ki briew jong ka ri ki lah ban shim bynta bad iasoh bad ki jingngeit jong ka riti synshar jong ka ri.

Ka Padyatra kan sdang na Major Dhyan Chand National Stadium, bad iaid lyngba ki jaka ba kyrpang kum ka Kartavyapath bad India Gate, bad pynkut biang ha stadium.

La khmih lynti ba ka Padyatra kan don palat 10,000 ngut ki samla ki ban iashim bynta na ki kynhun bapher bapher, kynthup ki MY Bharat Volunteer, NYKS, NSS, NCC, bad Bharat Scouts & Guides. Ki prokram deiriti, ki exhibition ba iadei bad ka pule puthi, bad ki jingialang iamir jingmut kin wanrah ka jingsngewthuh ba kham jylliew shaphang ki nongrim jong ka Synshar Paidbah hapdeng ki samla jong ka ri.

Ka jingiashim bynta ki samla ka long ka bynta ba kongsan jong kane ka prokram. Yn pynlong ia ki prokram pynrung kyrteng My Bharat ha kane ka prokram, bad ki nongiashim bynta ki lah ban shon ia ki selfie. Shuh shuh, ki jingialang ban soi ia ki banner kan ailad ia ki samla ba kin don ka bynta ha ka histori. La saindur ia kine ki prokram ban wanrah ia ka jingiadei hapdeng ki ki samla bad ka jinghiar pateng ka Synshar Paidbah.

Ka prokram ka long u mawmer ba kongsan ha ka jingrakhe ia ka jingdap 75 snem ka Riti Synshar ka ban long baroh shisnem, kaba ban jur ia ka bynta jong ki samla ban pynneh pynsah bad kyntiew ia ki nongrim jong ka Synshar Paidbah na ka bynta ka Viksit Bharat 2047.

Ban tip kham bniah shaphang u Bhagwan Birsa Munda – ‘Maati Ke Veer’ Padyatra, NION HANGNE.

*****