نوجوانوں کے امور اور کھیل كود كے علاوہ محنت و روزگار کے مرکزی وزیر ڈاکٹر من سکھ مانڈویہ 25 نومبر 2024 کو یوم آئین کی یاد میں میرا یووا بھارت کے نوجوانوں کے رضاکاروں کے ساتھ  نئی دہلی میں 'میرا سمودھان میرا سوابھیمان' موضوع پر ایک پد یاترا (پیدل مارچ) کی قیادت کریں گے۔ اس تقریب میں ہندوستانی آئین کے نفاذ کا جشن منایا جائے گا اور بانیان کے وژن کا احترام کیا جائے گا جو ہندوستان کے جمہوری سفر میں ایک اہم كامیابی ہے۔

یہ پدیاترا پدیاتروں کی ایک سیریز کا حصہ ہے جسے ڈاکٹر مانڈویہ ایک سال کے دوران شروع کریں گے۔ ہر پدیاترا نوجوانوں کو متاثر کرنے اور ہندوستان کے بھرپور ورثے کا جشن منانے کے لیے ایک منفرد موضوع پر توجہ مرکوز کرے گا۔ یوم آئین پدیاترا 13 نومبر 2024 کو جش پور، چھتیس گڑھ میں منعقد ہونے والی افتتاحی ’بھگوان برسا منڈا – مٹی کے ویر‘ پد یاترا کے بعد اس سلسلے کی دوسری پدیاترا ہے۔

پد یاترا جس کا مقصد آئینی اقدار کو فروغ دینا اور نوجوانوں میں جمہوریت کی تمہید اور اصولوں کے بارے میں بیداری پیدا کرنا ہے، 25 نومبر 2024 کو صبح 8:00 بجے میجر دھیان چند نیشنل اسٹیڈیم سے شروع ہوگا۔ اس تاریخی مارچ میں مرکزی وزراء، اراکین پارلیمنٹ اور دیگر معززین کے شامل ہونے کی توقع ہے۔

تقریب کا آغاز امبیڈکر دستور ساز اسمبلی کے دیگر معزز اراکین کی موجودگی میں افتتاحی تقریب کے ساتھ ہوگا جس میں ڈاکٹر بی آر کی زندگی اور ان کی خدمات کو ظاہر کرنے والی ایک وسیع آرٹ نمائش پیش کی جائے گی۔ آئینی سفر کی تفصیل پر مشتمل ایک جامع نمائش بھی دکھائی جائے گی، جس کی تکمیل ایک انٹرایکٹو تمہید کی دیوار سے کی جائے گی جہاں شہری ہندوستان کی آئینی اقدار کے ساتھ منسلک اور جڑ سکتے ہیں۔

پد یاترا میجر دھیان چند نیشنل اسٹیڈیم سے شروع ہوگی اور  جو کرتویہ پتھ اور انڈیا گیٹ جیسے اہم مقامات سے گزرتی ہوءی واپس اسٹیڈیم پر اختتام پذیر ہوگی۔

پدیاترا میں مختلف تنظیموں بشمول میرا یووا بھارت رضا كاران، این واءی كے ایس، این ایس ایس، این سی سی ، اور بھارت سکاؤٹس اینڈ گائیڈز کے 10,000 سے زیادہ نوجوانوں کے شرکت کرنے کی امید ہے۔  ثقافتی پرفارمنس، تعلیمی نمائشیں اور انٹرایکٹو سیشن نوجوان شہریوں میں آئینی اقدار کی سمجھ کو مستحكم کریں گے۔

نوجوانوں کی مصروفیت ایونٹ کا بنیادی جزو ہے۔ پروگرام کے دوران میرا یووا بھارت رجسٹریشن ڈرائیوز کا اہتمام کیا جائے گا اور شرکاء خاص طور پر ڈیزائن کردہ موضوع والے سیلفی پوائنٹس کے ذریعے دن کو کیپچر کر سکتے ہیں۔ علاوہ ازیں بینر پر دستخط کی تقریبات نوجوان شرکاء کو تاریخ پر اپنا نشان چھوڑنے کا موقع دیں گی۔ یہ سرگرمیاں نوجوان شہریوں اور ان کے آئینی ورثے کے درمیان بامعنی تعلق قائم کرنے کے لیے وضوع كی گئی ہیں۔

یہ تقریب آئین کے 75 ویں سال کے سال بھر جاری رہنے والے جشن میں ایک اہم سنگ میل کی نمائندگی کرتی ہے جس میں وکسِت بھارت 2047 کے لیے آئینی اقدار کے تحفظ اور فروغ میں نوجوانوں کے کردار پر زور دیا گیا ہے۔

بھگوان برسا منڈا - 'ماٹی کے ویر' پد یاترا کے بارے میں مزید جاننے کے لیے، یہاں کلک کریں۔

******

U.No:2837

ش ح۔ع س۔س ا