#IFFIWood, 22 नोव्‍हेंबर 2024

 

आयज 55व्या भारतीय आंतरराष्ट्रीय चित्रपट महोत्सवांत (इफ्फी) जाल्ल्या मनभुलोवपी पत्रकार परिशदेंत, 'सनफ्लॉवर्स वअर द फर्स्ट वन्स टू नो’ ह्या प्रशंसीत लघुपटाच्या गटान प्रसार माध्यमांकडेन, ह्या सिनेमाच्या  निर्मिती विशीं आपले अणभव सांगले.

ह्या संवादांत दिग्दर्शक चिदानंद एस नायक हांणी विचार उक्तायतना सांगले, की 'सनफ्लॉवर्स वअर द फर्स्ट वन्स टू नो' हें भारतीय लोककथा आनी ताच्या भुरगेपणांतल्या अणभवांत खोलायेन रुजलां. पारंपारीक कथांची काव्यात्मक सोबीतकाय आनी वैयक्तीक यादींची  सोबीतकाय विणपी एक कथा सांगता. ताणें ह्या सिनेमाचें वर्णन करतना सांगले की, हो सिनेमा "वास्तव जिणेंतल्या अणभवाची काव्यात्मक अभिव्यक्ती" आसा आनी हातूंत ताणें सांस्कृतीक विशय आनी कथाकथन हांचे संशोधन कशें प्रतिबिंबीत करतात, हाचेर भर दिलो.

फिल्म निर्माते म्हूण आपल्या प्रवासा विशीं विचारलें, तेन्ना चिदानंदान हाणी तरणाटे आनी आकांक्षी चित्रपट निर्मात्यां खातीर लघुपटांचें म्हत्व सांगलें. "लघुपट हें आकांक्षी फिल्म निर्मात्यांक आपलो सिनेमा प्रवास सुरू करपाक एक व्हड मंच आसा. लघुपट तांकां वेगवेगळ्या शैली, तंत्र आनी कथा सांगपाच्या प्रकारांचो प्रयोग करपाची संद दिता," अशें तांणी सांगलें. ताणें फुडें सांगलें, की एक सिनेमा निर्माते म्हूण ते सदांच वेळ, सुवात आनी खर्च हांचे मदीं समतोल निर्माण करपाचो यत्न करता, तेच बरोबर चित्रपट प्रेक्षकांचे मोल वाडयतलो हाची खात्री करता.

चित्रपटाची निर्मिती प्रक्रिया तितलीच उल्लेखनीय आशिल्ली. निर्मिती डिझायनर प्रणव खोत हाणें मर्यादीत साधनसंपत्तीतल्यान चित्रपटाक जिवीत करपाच्या आव्हानांविशीं भासाभास केली. "एफटीआयआय, पुणे हांणी निर्मित केल्लो 'सनफ्लावर्स वअर द फर्स्ट वन टू नो' ह्या प्रकल्पान आमकां सृजनशील विचार करपाक आनी आमकां मेळपी मर्यादीत मार्गदर्शक तत्वां आनी साधनां भितर अभिनव उपाय सोदपाक उर्बा दिली, अशें तांणी सांगले.

'सनफ्लावर्स वेअर द फर्स्ट वन्स टू नो', ह्या फिल्मान 97व्या अकादमी पुरस्कारांत लायव्ह ऍक्शन शॉर्ट फिल्म विभागांत अधिकृतपणान पात्रताय मेळयल्या. भारतीय लोककथा आनी परंपरेंतल्यान प्रेरीत जाल्ल्या ह्या कन्नड- भाशेच्या प्रकल्पाक, संवसारीक मान्यताय मेळयल्ल्या कान फिल्म फेस्टिवलाच्या ला सिनेफ सिलेक्शनांत, ह्या सिनेमाक पयलें इनाम फावो जाला.

फिल्मा विशीं:

कलर | 16’ | 2024 | कन्नड 

गांवांतलो कोंबडो चोरून समाजाक अडचणींत घालपी जाण्टे बायलेची ही काणी. कोंबडो परत हाडपाखातीर एक भाकीत करतात, जाका लागून जाण्टे बायलेच्या कुटुंबाक बंदखणेत धाडटात.

 

कलाकार आनी क्रू:

दिग्दर्शक: चिदानंद एस नायक

निर्माते: एफटीआयआय, पुणे

पटकथा लेखक: चिदानंद एस नायक

संपादक: मनोज व्ही.

सिनेमाटोग्राफर: सूरज ठाकुर

 

* * *

PIB IFFI CAST AND CREW | Subhash/Manali/Darshana | IFFI 55

(Release ID: 2076182) Visitor Counter : 11