ভারত সরকারগী কঞ্জ্যুমর এফিয়র্স দিপার্তমেন্তনা এজুকেসন মন্ত্রালয়গী ইন্নোভেসন সেলগা খুৎশম্নদুনা খামেন অশিনবগী ভেল্যু চেনগী তোঙান তোঙানবা থাকশিংদা ইন্নোভেতিব আইদিয়াশিং কৌদুনা তোমেতো গ্রান্দ চেলেঞ্জ (TGC) কৌবা হেক্কাথোন অমা হৌদোকখ্রে। 30.06.2023দা হৌদোকখিবা তোমেতো গ্রান্দ চেলেঞ্জ (TGC) অসি মহৈরোইশিং, রিসর্চ স্কোলরশিং, ফেকল্তী মেম্বরশিং, ইন্দস্ত্রীগী মীওইশিং, স্তার্ত-অপশিং অমসুং প্রোফেস্নেলশিংনা থৱায় য়াওবা উবা ফংখি।

ভারত শিনবা থুংনা লৈরিবা ইন্নোভেতরশিংদগী অপুনবা আইদিয়া 1,376 লাকখি। অকনবা মওংদা য়েংশিল্লবা মতুংদা আইদিয়া 28দা প্রোতোতাইপ দিবেলপমেন্ত অমসুং মেন্তরশিপকীদমক ফন্দিং ফংহনখ্রে হায়না শ্রীমতি নিধি খারেনা ঙসি মফম অসিদা পাউমীশিংদা পাউদমখি।।

মালেমগী অনিশুবা খ্বাইদগী চাউবা খামেন অশিনবা পুথোক্লিবা ভারতনা চহিদা খামেন অশিনবা মিলিয়ন মেত্রিক তন 20 পুথোকই। অদুম ওইনমক, নোং য়াম্না চুবা নৎত্রগা নুংশা খঙহৌদনা য়াংক্না শাবা অসিনচিংবা অইং-অশাগী ফিভমশিংনা পোত্থোক পুথোকপা অমসুং ফংহনবদা অকায়বা পীরি। মসিনা মমলদা য়াম্না চাউনা অহোংবা লাকহল্লি। হায়রিবা খুদোংচাদবশিং অসিনা লৌমীশিংগী শেল-থুমদা হকথেংননা অকায়বা পীরি, সপ্লাই চেনশিং থিংহল্লি, অমসুং মরুওইবা শেল মাংহনবগী মরম ওইরি। মরুওইবা ইসুশিং অসি থেংননবা অমসুং খামেন অশিনবগীসপ্লাই চেন স্তেবিলাইজ তৌনবা ইন্নোভেতিব অমসুং স্কেল তৌবা ঙম্বা সোল্যুসনশিং পুথোক্নবা তোমেতো গ্রান্দ চেলেঞ্জ (TGC) হৌদোকখ্রে।

গ্রান্দ চেলেঞ্জ অসিনা খামেন অশিনবা পুথোকপা, প্রোসেসিং তৌবা অমসুং য়েন্থোকপদা লৈরিবা সিস্তেমিক ওইবা শীংনবশিং কোকহন্নবা ভারতকী নহা ওইরিবা ইন্নোভেতরশিং অমসুং রিসর্চরশিংগী তেলেন্তশিং শীজিন্ননবা পান্দম থম্লি। হায়রিবা শীংনবশিং অদুদি:

• প্রি-প্রদক্সন: ক্লাইমেৎ রেসিলেন্ত সীদশিং অমসুং অফবা এগ্রোনোমিক প্রেক্তিসশিং ফংবগী চাং নেম্মি।
• পোস্ত-হার্ভেস্তকী অমাংবা: কোল্দ স্তোরেজ ফেসিলিতীশিং লৈতবা অমসুং নীংথিনা হেন্দল তৌদবনা অমাং-অতা থোকহল্লি।
• প্রোসেসিং অমসুং ভেল্যু এদিসন: অহেনবা খামেন অশিনবা প্রোসেসিং তৌনবগীদমক মতিক চাবা ইনফ্রাস্ত্রকচর লৈতে।
• সপ্লাই চেন: সপ্লাই চেন মচেৎ-চেৎ ওইরকপা অমসুং মিদলমেনশিংগী দোমিনেন্সীনা ইনইফিসিএন্সী অমসুং মমল তাংহল্লি।
• মার্কেত এক্সেস অমসুং দিমান্দ ফোর্কাস্তিং: কন্সিস্তেন্ত ওইদনা এক্সেস তৌবা অমসুং দিমান্দ ফোরকাস্ত তৌবগী খুৎলাইশিং লৈতবা মমল হন্থরকপা অমসুং মাং-তাকপা থোকহল্লি।
• তেক্নোলোজি এদোপ্তেসন: প্রিসিজন ফার্মিং অমসুং IoTদা য়ুম্ফম ওইবা মোনিতরিংগুম্বা মোদর্ন এগ্রিকলচরেল তেক্নোলোজিশিংগী এৱেরনেস অমসুং শীজিন্নবা ৱাৎপা।
• পেক্কেজিং অমসুং ত্রান্সপোর্তেসন: সেল্ফ লাইফ ফগৎহন্নবা অমসুং মাংখিবা হন্থহন্নবা ইন্নোভেতিব, কোস্ত ইফেক্তিব সোল্যুসনশিং মথৌ তাবা।

ভারত শিনবা থুংনা লৈরিবা ইন্নোভেতরশিংদগী অপুনবা আইদিয়া1,376 লাকখি। আইদিয়া 423 অসি অকনবা মওংদা য়েংশিল্লবা মতুংদা রাউন্দ 1দা শোর্তলিস্ততা তৌখি। আইদিয়া 29না রাউন্দ 2দা চংখি। প্রোজেক্ত 28না ফন্দিং অমসুং মেন্তরশিপ ফংখি। প্রোজেক্তশিং অসি AICTE অমসুং DoCAগী TGC ইভালুএসন কম্মিতীনা মতম মতমগী ওইনা য়েংশিনবা, অতেনবা ভিজিৎশিং অমসুং রিভিয়ু তৌখি। এক্সপর্তশিংগী পেনেলনা ইভালুএসন তৌবগী রাউন্দ কয়া অমা পাংথোক্তুনা 2024গী ওক্তোবর 14-15দা ফাইনেল ইভালুএসন তৌখি। প্রোজেক্তশিং অসি মখোয়গী মরী লৈনবা, স্কেল তৌবা ঙম্বা অমসুং ইন্নোভেসনগী মতুং ইন্না য়েংশিনখি।

তোমেতো গ্রান্দ চেলেঞ্জনা মরুওইবা ইম্পেক্ত অমা লৈহনখি। মসিগী মনুংদা পেতেন্ত 14, দিজাইন রেজিস্ত্রেসন 4/ ত্রেদমার্ক 10 অমসুং পব্লিকেসন 10 য়াওনা ফাইল তৌবগী প্রোসেসতা লৈবা IP কয়া অমা লৈরে। মরুওইবা ফলশিং অদুদি:

• শেলফ লাইফ হেনগৎহন্নবা অমসুং পোস্ত-হার্ভেস্তকী অমাংবা হন্থহন্নবা ইন্নোভেতিব পেকেজিং অমসুং ত্রান্সপোর্তেসন সোল্যুসনশিং শেমগৎপা।
•  শিজিন্নবা য়াবা হেনগৎহনবা, মাং-তাকপা হন্থহনবা অমসুং চহি চুপ্পগী ওইনা ফংহনবা প্রোসেস তৌরবা পোত্থোকশিং শেম্বা।

তোমেতো গ্রান্দ চেলেঞ্জকী সোল্যুসনশিংনা খামেন অশিনবগী ভেল্যু চেনদা অহোংবা পুরক্নবা, রেসিলিয়েন্স হেনগৎহন্নবা, মাংবা হন্থহন্নবা অমসুং স্তেকহোল্দরশিংগীদমক্তা শেন্দোং হেনগৎহন্নবা ৱাশক্লি। মসিগী খোঙথাং অসিনা ভারত্তা অতোপ্পা লৌউ-শিংউগী পোৎলমশিংদা থেংনবা খুদোংচাদবশিং কোকহন্নবগীদমক বেঞ্চমার্ক অমা শেম্লে।

তোমেতো গ্রান্দ চেলেঞ্জ অসি কোল্লাবোরেসন অমসুং ইন্নোভেসনগী শক্তিগী খুদম অমনি। একাদেমিয়া, ইন্দস্ত্রী অমসুং সরকারবু পুনশিন্নদুনা, মসিনা ভারতকী লৌউ-শিংউগী শীংনবশিংদা তুংকোইনা চৎকদবা, ইম্পেক্ত পীবা সোল্যুসনশিংগী লম্বী য়াৎলি। থৌরাং অসিনা লৌমীশিং অমসুং তোমেতো কঞ্জ্যুমর অনিমক্তা কান্নবা পীগনি।

***