#IFFIWood, 22 नोव्‍हेंबर 2024 

ऑस्ट्रेलियन सिनेमाचे  जीवेपण  आनी आधुनिकता मनयतना 55व्या आंतरराष्ट्रीय चित्रपट महोत्सवांत "कंट्री फोकस: ऑस्ट्रेलिया" विभागांत फोर्स ऑफ नेचर: द ड्राय 2 हें खाशेलें फिल्म  म्हणून दाखयलें. दिग्दर्शक, लेखक, आनी निर्मातो रॉबर्ट कॉनॉली आयज गोंयांतल्या प्रसार माध्यमां कडेन उलयताले.

पांच बायलांक एक्झिक्यूटिव्ह रिट्रीट करून पयसुल्ल्या रानांत वचून पळयल्या, पूण तातूंतली फकत चार बायलां परतून येतात. फेडरल पुलीस एजंट एरोन फाल्क बेपत्ता जाल्ल्या हाइकराचे नशीब उक्ते करपाक खोलायेन तपास  करता. तो जापो सोदताना, त्याच खरखरीत दृश्टीकोनांत ताच्या भुरगेपणांतल्यो यादी  परतून उबीं जावंक लागतात, खऱ्या अर्थान कितें घडलें हाचे गूढ गुंथून.

सिनेमाची तेजस्वीताय आशिल्लो हो चित्रपट न्याय, कुटुंबीक निश्ठा आनी फाटल्या काळांतले भावनीक दाग असले  विशय सोदून काडटा. गांवगिऱ्या ऑस्ट्रेलियेच्या क्षमाशील फाटभूंयेर तयार जाल्ली, ताणभरीत चवकशी आनी गिरेस्त पात्रांनी चलपी कथाकथन हांचो मेळ घालपी हो एक आकर्शक थ्रिलर.

प्रसामाध्यमाकडेन  उलयतना रॉबर्ट कॉनॉलीन भारतीय सिनेमाची खोलायेन तोखणाय केली आनी म्हणलें, "आमी सिनेमांतल्यान भारता विशीं शिकतात, आनी म्हाका खऱ्यांनीच खऱ्या अर्थान भारतीय प्रेक्षकां मुखार येवपाक आवडटलें." तांच्या चित्रपटांतल्या दृश्यांचें म्हत्व विचारलें तेन्ना ताणें तांच्या म्हत्वाच्या भुमिकेचेर भर दिलो, तांकां ‘समीक्षात्मक’ आनी आपल्या कथांनी खाशेले ‘पात्र’ अशें लेगीत वर्णन केलें. अर्थपूर्ण कथन तयार करपाक भूंयप्रदेशांचो लोकांचेर जाल्लो परिणाम समजून घेवप गरजेचें अशें तांणी फुडें स्पश्ट केलें.

सिनेमा वरवीं हवामान बदला सारकिल्या जागतीक प्रस्नांक तोंड दिवपाच्या विशयाचेर दिग्दर्शकान ह्या प्रस्नाचें म्हत्व मान्य करून सांगलें, "हो एक म्हत्वाचो मुद्दो, आनी तरनाट्या चित्रपट निर्मात्यांनी हवामान बदलाचो परिणाम उजवाडाक हाडपी चित्रपट तयार करपाचेर लक्ष केंद्रीत करपाची गरज आसा."

निमाण्या उलोवपांत तांणी भारतीय सिनेमाची वाडट्या संवसारीक पांवड्यारय भर दिलो, ऑस्ट्रेलियांतले  प्रेक्षक चड फिल्मा पळयतात अशें ताणी  सांगलें.

* * *

PIB IFFI CAST AND CREW | Subhash/Manali/Darshana | IFFI 55