بھارت کی صدر محترمہ دروپدی مرمو نے آج (22 نومبر 2024) حیدرآباد، تلنگانہ میں لوک منتھن-2024 کے افتتاحی اجلاس میں شرکت کی۔

اس موقع پر اظہار خیال  کرتے ہوئے صدر جمہوریہ نے لوک منتھن کے انعقاد کے لیے تمام متعلقہ فریقوں کی ستائش  کی۔ انہوں نے کہا کہ یہ ہندوستان کی بھرپور ثقافت، روایات اور ورثے میں اتحاد کے تانے بانے کو مضبوط کرنے کی ایک قابل ستائش کوشش ہے۔ انہوں نے اس بات پر زور دیا کہ تمام شہریوں کو ہندوستان کی ثقافتی اوردانشورانہ وراثت کو سمجھنا چاہیے اور ہماری قابل قدر روایات کو مضبوط کرنا چاہیے۔

صدرجمہوریہ نے کہا کہ تنوع ہمارے بنیادی اتحاد کو خوبصورتی کی قوس و قزح فراہم کرتا ہے۔ چاہے ہم جنگل میں رہنے والے ہوں،چاہے دیہات میں یا شہر کے رہنے والے ہوں، ہم سب ہندوستانی ہیں۔ قومی اتحاد کے اس جذبے نے تمام چیلنجز کے باوجود ہمیں متحد رکھا ہے۔ انہوں نے کہا کہ صدیوں سے ہمارے معاشرے کو تقسیم اور کمزور کرنے کی کوششیں کی جارہی ہیں۔ ہمارے فطری اتحاد کو توڑنے کے لیے مصنوعی تفریق پیدا کی گئی ہے، لیکن ہندوستانیت کے جذبے سے سرشار ہمارے شہریوں نے قومی اتحاد کی مشعل کوہمیشہ روشن رکھا ہے۔

صدر جمہوریہ نے کہا کہ ہندوستانی نظریہ کا اثر زمانہ قدیم سے ہی دنیا میں دور دور تک پھیلا ہوا ہے۔ ہندوستان کے مذہبی عقائد، فن، موسیقی، ٹیکنالوجی، طبی نظام، زبان اور ادب کو پوری دنیا میں سراہا گیا ہے۔ ہندوستانی فلسفیانہ نظام ایسا پہلانظام تھا جنہوں نے عالمی برادری کو مثالی زندگی کی اقدار کا تحفہ دیا۔لہٰذا یہ ہماری ذمہ داری ہے کہ ہم اپنے اسلاف کی ان شاندار روایات کو مضبوطی فراہم کریں۔

صدر جمہوریہ نے کہا کہ صدیوں سے سامراج اور نوآبادیاتی طاقتوں نے نہ صرف ہندوستان کا معاشی طور پر استحصال کیا بلکہ ہمارے سماجی تانے بانے کو بھی تباہ کرنے کی کوشش کی۔ بھرپور فکری ہماری روایات کو حقیر سمجھنے والے حکمرانوں نے شہریوں میں ثقافتی احساس کمتری پیدا کیا۔ ہم پر ایسی روایات مسلط کی گئیں جو ہمارے اتحاد کے لیے مضر تھیں۔ صدیوں کی غلامی کے باعث ہمارے شہری غلامی کی ذہنیت کا شکار ہو گئے۔ ہندوستان کو ایک ترقی یافتہ ملک بنانے کے لیے شہریوں میں‘نیشن فرسٹ’(ملک پہلے) کا جذبہ بیدار کرنا ضروری ہے۔ انہیں یہ جان کر خوشی ہوئی کہ لوک منتھن اس جذبے کو پھیلا رہا ہے۔

صدرجمہوریہ کی تقریر پر نظرثانی کے لئے یہاں کلک کریں

Please click here to see the President's Speech

********

 (ش ح۔ ش م ۔ م ا)

UNO -2796