0 3

"Ngi la ioh palat 250 tylli ki jingtyrwa na kylleng ka ri bad ki bun ruh kiba wan na ka thain shatei lammihngi," la ong u Subbiah Nallamuthu, Chairperson ka kynhun nongbishar Indian Panorama Non-Feature Films, ha ka jingiakynduh bad ki lad pathai khubor ha ka bynta kaba 55 jong ka International Film Festival of India (IFFI) ha Goa. “Ki nongshna phlim kiba kynthup ruh ia ki samla ba dang pule ha ki kolej bad ki nongpynmih phlim ki la phah ia ki kam jong ki. Ka prokram bad ka jingiathuh khana ka dang bteng ban long ka bynta kaba kongsan ha ka jingshah jied,” u la ong.

Ka Shalini Shah, kaba dei kawei na ki nongbishar ka la ong ba ka kmen shaphang ka jingshah jied ka phlim Ladakhi kum ka phlim kaba pynsdang bad ka la ong ba kane ka dei ka ‘jingjia kaba kyrpang bad kaba wanrah ia ka jingsngew sarong.” Ka la kdew ruh sha ka jingkiew ka kam shna phlim Haryanvi bad ka la ong ba kane ka la jia namar ki sienajm ban ialam lynti.

Ka kynhun ki nongbishar ka la ban jur halor ka jingdonkam ban phaikhmat sha ki phlim non-feature. Ka Vandana Kohli ka la ong, "Ngi dei ban iakren shuh shuh shaphang ki documentary bad ki phlim non-feature ha ka media bad ki kynhun kiba iadei bad ki phlim ban wanrah ia ka jingsngewthuh ha ki nongpeit bad ki nongshna phlim.” Ka la ban jur halor ka jingkongsan jong ka jingialam lynti da kaba ong ba watla ki khana ki long kiba sngewtynnad, ka kam editing bad ka jingiathuh khana ka lah ban kham bha lyngba ka jingialam lynti da kito kiba la tbit ha kine ki kam.

Ha kaba iadei bad ki jingsngewtynnad ha kine ki por, ka kynhun ki nongbishar ka la kdew sha ka jingkiew ki jingphah na ka thain shatei lammihngi. Ki la iaroh ruh ia ki sienjam jong ki nongshna phlim na ki jaka sor kiba leit sha ki jaka ba jynjar ban poi ban wanrah ia ki documentary kiba bha, kumba la iohi na ki phang jong ki phlim ba la shah jied mynta u snem.

Ka kynhun ka la kyntu ia ka jingkyrshan kaba kham bha ia ka kam shna documentary da kaba ong ba ka jingduna ki rynsan ka ktah bha ia kine ki jait phlim. Ki la kyntu ia ki rynsan OTT ba kin ialam lynti ha ka jingbei tyngka bad ka jingkyntiew ia ki phlim non-feature. “Ka jingai jingtip, ka jingbei tyngka bad ka lad kaba skhem ban kyntiew ka long kaba donkam bha ban kyrshan ia kine ki jait phlim,” ki la ong.

Ka kynhun ki nongbishar ka la ai jingmut ruh ba ka Sorkar ka lah ban pyrkhat ban ai ia ki CSR fund sha ki kam shna phlim non-feature jong ki riew shimet kum ka jingkyrshan pisa. Ki la iaroh ia ki sienjam ba dang shen jong ka National Film Development Corporation's (NFDC) ban bei tyngka ia ki phlim non-feature ha ka thain shatei lammihngi ha ryngkat ka jingsdang ia ka Documentary Resource Initiative.

Ka kynhun ki nongbishar, kaba kynthup hynniew ngut ki dkhot, ka dei kaba longkhlieh da u Subbiah Nallamuthu, u nongshna phlim documentary ba pawnam uba la pass na ka FTII uba la jop shibun ki khusnam kum ka V. Shantaram Lifetime Achievement Award, san tylli ki khusnam National Film Award bad uba la long nongbishar ha katto katne ki international & national film festival. Kane ka kynhun ki nongbishar ka kynthup kine ki dkhot harum kiba la don bynta ha ki phlim kiba la ioh jingiaroh bha bad kiba long ki nongmihkhmat na ki kynhun bad ki kam bapher bapher:

Ka kynhun ki nongbishar ia ki phlim Non-Feature na ka bynta ka IFFI 2024 ka kynthup:

1. Subbiah Nallamuthu (Chairperson)
2. Rajnikant Acharya, Producer bad Film Director
3. Ronel Haobam, Film Director
4. Usha Deshpande, Film Director bad Producer
5. Vandana Kohli, Film Director bad Nongthoh
6. Mithunchandra Chaudhari, Film Director
7. Shalini Shah, Film Director

Ha ka jingpynkut ia kane ka jingiakynduh bad ki lad pathai khubor, ka Vandana Kohli ka la ong, “Ngi donkam ban sngewthuh ia ki documentary bad kyntiew ia ki.” U Sayyid Rabeehashmi u la pyniaid ia kane ka jingiakynduh bad ki lad pathai khubor.

Ha ka IFFI 2024, yn pyni 20 tylli ki phlim non-feature ha ka Indian Panorama kiba la shah jied napdeng 262 tylli ki phlim. Kane ka thup jong ki phlim non-feature ka pyni ia ka bor jong ki nongshna phlim ba kin pyni, lum jingtip bad pynbyrnia bad ka dei ruh ka dak jong ki jingngeit tynrai ha India. Ka rai jong ka kynhun nongbishar ha kaba iadei bad phlim pynsdang ha ka thup non-feature ka dei ka ‘Ghar Jaisa Kuch (Ladakhi)’, ba direct da u Harsh Sangani.

Ka bynta kaba 55 jong ka IFFI ka bteng ban long ka rynsan kaba kongsan na ka bynta ki nongshan phlim, ka jingwanrah ia ki jingiakren, ka jingsaindur thymmai bad ka jingiatreilang ha ki kam shna phlim ha kylleng ka pyrthei.

Pule shuh: https://pib.gov.in/PressReleasePage.aspx?PRID=2067711

* * *