0 6

#IFFIWood, 21 नोव्‍हेंबर 2024 

"आमकां देशभरांतल्यान 250 परस चड अर्ज आयले, तातूंत ईशान्येकडल्यान मोठो आंकडो आयला," अशें भारतीय पॅनोरमा नॉन फिचर फिल्म्स जूरीचे अध्यक्ष श्री सुब्बिया नल्लामुथू हांणी गोंयांत 55व्या भारतीय आंतरराष्ट्रीय चित्रपट महोत्सवांत (इफ्फी) जाल्ले पत्रकार परिशदे वेळार सांगलें. “म्हाविद्यालयांतले विद्यार्थी आनी तरणाटे निर्माते सयत वेगवेगळ्या मळा वयल्या फिल्म निर्मात्यांनी आपल्यो नोंदी सादर केल्यांत. आशय आनी कथा सांगप हे निवडीचे मुखेल निकश आसले", अशेंय तांणी सांगलें.

परीक्षक वांगडी शालिनी शाह हांणी लद्दाखी फिल्माची उक्तावणाचे फिल्म म्हणून निवड जाल्ल्याचेर उमेद उक्तायली आनी ताका “एक दुर्मिळ आनी अभिमानाचो प्रसंग” अशें म्हणलें. तशेंच हरियाणवी सिनेमांतल्या प्रगतीचेर तिणें भर दिलो, तातूंत जाल्ली सुदारणा समर्पीत मार्गदर्शन उपक्रमांक लागून जाल्या, अशे तिणें म्हळें. 

नॉन फिचर फिल्मांचेर प्रकाश घालपाची बेगोबेग गरज आसा, हाचेर परीक्षकान भर दिलो. वंदना कोहली हीणें म्हणलें, कि "ह्या सिनेमा विशीं प्रसार माध्यमांतल्यान चड उलोवपाची गरज आसा आनी प्रेक्षक आनी सिनेमा निर्मात्यांमदीं जागृताय निर्माण करपाखातीर फिल्म क्लब तयार करपाची गरज आसा." आशय चड करून अपवादात्मक आसलो, तरी वेवसायीक मार्गदर्शनाचो फायदो संपादन आनी कथा सांगपाच्या क्राफ्टाक मेळूं येता, अशें तिणें मार्गदर्शनाच्या म्हत्वाचेर भर दिताना सांगले. 

उदेंत्या प्रवृत्तीचेर विचार करतना परीक्षकांनी ईशान्येकडल्यान नोंदणींत आशादायक वाड जाल्ल्याचे सांगले. तशेंच पयसुल्ल्या प्रदेशांनी भोंवून प्रभावी म्हायतीपट तयार करपा खातीर, शारी फिल्म निर्मात्यांनी केल्ल्या यत्नांची तानी  तोखणाय केली. हें ह्या वर्सा जायत्या वेंचून काडिल्ल्या चित्रपटांच्या विशयांतल्यान दिसून येता.

कार्यक्षम माध्यम नाशिल्ल्यान तांच्या पावपाक आडमेळीं येतात, अशें सांगून पॅनेलान सामुहीकपणान म्हायतीपट फिल्म निर्मिती खातीर चड आदार दिवपाचो उलो मारला. ओटीटी प्लॅटफॉर्मांक नॉन फिचर फिल्मांक मजत आनी प्रसिद्धिक फुडाकार घेवचो, अशें तांणी सांगलें. "ह्या प्रकाराक आदार दिवपाक जागृताय निर्माण करप, निधी आनी प्रचाराक रचणूक केल्लो चॅनल म्हत्वाचो आसा", अशें तांणी सांगलें.

सरकारान अर्थीक आदार दिवपा खातीर सीएसआर निधी वैयक्तीक नॉन फिचर फिल्म प्रकल्पां कडेन व्हरपाचो विचार करूं येता, अशें परीक्षकांनी सुचयलां. म्हायतीपट रिसोर्स उपक्रमाची सुरवात तशेच ईशान्येक नॉन फीचर फिल्मांक अर्थीक आदार दिवपा खातीर राष्ट्रीय चित्रपट विकास म्हामंडळान (एनएफडीसी) हालींच केल्ल्या उपक्रमांक तांणी येवकार दिलो.

सात वांगडी आशिल्ल्या नॉन-फीचर फिल्म परीक्षकांचें मुखेली श्री सुब्बिया नल्लामुथू, हे एक नामनेचे म्हायतीपट फिल्म निर्माते आनी एफटीआयआयचे आदले विध्यार्थी  आसात. तांका व्ही. शांताराम लायफटायम अचीवमेंट पुरस्कार, पांच नॅशनल फिल्म अॅवॉर्ड्स सयत जायते पुरस्कार फावो जाल्यात आनी जायत्या आंतरराष्ट्रीय आनी राष्ट्रीय फिल्म फेस्टिवलांखातीर तांणी परीक्षक म्हूण काम केलां. नॉन-फीचर परीक्षकांत मुखावेले वांगडी आशिल्ले, जांकां जायत्या प्रशंसीत चित्रपटांचें श्रेय मेळला, आनी जे वैयक्तीक रितीन वेगवेगळ्या चित्रपट संस्थांचें आनी वेवसायांचें प्रतिनिधित्व करतात, तेच बरोबर गिरेस्त आनी विविधताय आशिल्ल्या भारतीय चित्रपट भावपणाचे फुडारपण करतात:

इफ्फी 2024 खातीर नॉन फीचर फिल्म जूरीं :

1. श्री सुब्बिया नल्लामुथु (अध्यक्ष) 

2. श्री रजनीकांत आचार्य, निर्माते आनी चित्रपट दिग्दर्शक

3. श्री रोनेल हाओबाम, चित्रपट दिग्दर्शक

4. उषा देशपांडे, फिल्म दिग्दर्शक आनी निर्माती

5. वंदना कोहली, फिल्म दिग्दर्शक आनी लेखिका

6. श्री मिथुनचंद्र चौधरी, फिल्म दिग्दर्शक

7. शालिनी शाह, फिल्म दिग्दर्शक

पत्रकार परिशदेचो शेवट करतना वंदना कोहली हांणी टिप्पणी केली, कि “आमी म्हायतीपट समजून घेवपाची गरज आसा, तांकां समजून घेवन आनी तांची परब मनोवपाची गरज आसा.” श्री सैयद रबीहश्मी हांणी पत्रकार परिशदेचें सूत्र संचालन केलें.

इफ्फी 2024त 262 चित्रपटांच्या स्पेक्ट्रमांतल्यान वेंचून काडिल्ल्या, इंडियन पॅनोरमांत 20 नॉन फीचर फिल्म दाखयतले. नॉन फिचर फिल्म्साच्या पॅकेजींतल्यान उदयाक येवपी आनी स्थापन जाल्ल्या फिल्म निर्मात्यांनी, समकालीन भारतीय मुल्यांचें दस्तावेजीकरण, चवकशी, मनरिजवण आनी तशेंच प्रदर्शित करपाची तांक दाखयल्या. नॉन फीचर विभागांत उक्तावण फिल्मा खातीर जूरीची निवड श्री हर्ष सांगनी हांणी दिग्दर्शीत केल्ले ‘घर जैसा कुछ (लद्दाखी)’ हे फिल्म आशिल्ले.

55वी इफ्फी फिल्म निर्मात्यां खातीर एक म्हत्वाची माची म्हूण काम चालूच दवरता. तशेच संवसारीक चित्रपट समाजा भितर संवाद, नवनिर्माण आनी सहकार्याक पोसवण दिता.

Read more: https://pib.gov.in/PressReleasePage.aspx?PRID=2067711

* * *

PIB IFFI CAST AND CREW | Subhash/Manali/Darshana | IFFI 55

सोशल मिडियावर आम्हाला फॉलो करा:@PIBPanaji    /PIBPanaji    /pib_goa   pibgoa[at]gmail[dot]com  /PIBGoa