কেন্দ্র সরকারনা হান্ননা মন্ত্রালয়শিং/ দিপার্তমেন্তশিংদা আধার পেমেন্ত ব্রিজকী খুত্থাংদা ৱেলফেয়র স্কিমশিংগী বেনেফিসরীশিংদা সবসিদী/ ইন্সেন্তিব পীবা অমসুং 100% বাইওমেত্রিক আধার ওথেন্তিকেসনগী খুদোংচাবা ফংহন্নবা খঙহনখ্রে। য়ুনিয়ন বজেৎ 2024-25দা লাউথোকখিবা এমপ্লোয়মেন্ত লিঙ্ক ইন্সেন্তিব (ELI) স্কিমদগী এমপ্লোয়র অমসুং এমপ্লোয়ী মশিং য়াম্লবা মীওইশিংনা কান্নবা ফংবা ঙম্নবগীদমক, লেবর অমসুং ইমপ্লোয়মেন্ত মন্ত্রালয়না EPFOদা এমপ্লোয়রশিংগা লোয়ননা কেম্পেন মোদ অমদা থবক তৌনবা অমসুং এমপ্লোয়ীশিংগী য়ুনিভর্সেল একাউন্ত নম্বর (UAN) এক্তিবেত তৌনবা খঙহনখ্রে। EPFOনা মখোয়গী জোনেল অমসুং রিজনেল ওফিসশিংবু ইফেক্তিব ওইবা আউৎরিচকীদমক শরুক য়াগনি।

আধারবু আইদেন্তিতী দোক্যুমেন্ত অমা ওইনা শিজিন্নবনা সরকারগী দেলিভরী প্রোসেসশিং লাইথোকহল্লি, ত্রান্সপরেন্সী অমসুং ইফিসিএন্সী হেনগৎহল্লি অমসুং বেনিফিসরীশিংনা মখোয়গী এনতাইতলমেন্তশিং শোইদনা ফংহনবদা থাজবা পীরি। আধারদা য়ুম্ফম ওইবা ভেরিফিকেসন অসিনা মী অমগী শকখঙনবগীদমক্তা দোক্যুমেন্ত কয়া পুথোকপগী তঙাইফদবা লৈহন্দে।

অহানবা তাঙ্কক্কী ওইনা, এমপ্লোয়রশিংনা চৎলিবা শেনবা চহি অসিদা য়াওরক্লিবা মখোয়গী এমপ্লোয়ী পুম্নমক্কীদমক 2024গী নবেম্বর 30 ফাওবগী মনুংদা আধারদা য়ুম্ফম ওইবা OTPগী খুত্থাংদা UAN এক্তিবেত তৌবগী প্রোসেস অসি লোইশিনবা মথৌ তাই। মখোয়না মখোয়গা থবক তৌমিন্নরিবা মীওই পুম্নমক্কীদমক প্রোসেস অসিবু মপুং ফানা লোইশিনহনগদবনি।

UAN এক্তিবেত তৌবনা ইমপ্লোয়ীশিংদা EPFOগী মপুং ফাবা ওনলাইন সর্ভিসশিংদা থোইদোক হেন্দোক্না এক্সেস ফংহল্লি। মসিনা মখোয়না মখোয়গী প্রোভিদেন্ত ফন্দ (PF) একাউন্তশিং, PF পাসবুকশিং য়েংবা অমসুং দাউনলোদ তৌবা, শেল লৌথোকপা, এদভান্স নত্ত্রগা ত্রান্সফরগীদমক্তা ওনলাইন ক্লেমশিং সবমিৎ তৌবা, পর্সনেল দিতেলশিং অপদেৎ তৌবা, অমসুং ক্লেমশিং রিএল তাইমদা ত্রেক তৌবা ঙমহল্লি। মসিনা এমপ্লোয়ীশিংদা EPFO ওফিসশিংদা হকথেংননা চৎপগী তঙাইফদবা লৈতনা মখোয়গী য়ুমদগী EPFO সর্ভিসশিং 24/7 ফংহনগনি।

এক্তিবেত তৌবগী থৌওং অসি আধারদা য়ুম্ফম ওইবা OTP (ৱান তাইম পাসৱার্দ) অমা শিজিন্নদুনা তৌবা য়াগনি। এমপ্লোয়রশিংনা মখোয়গী এমপ্লোয়ীশিংনা মখাদা পীরিবা স্তেপশিং অসি পাংথোক্তুনা UAN এক্তিবেত তৌনবা হোৎনগদবনি:

1. EPFOমেম্বর পোর্তেলদা চংঙু।
2. “ইম্পোর্তেন্ত লিঙ্কস”কী মখাদা য়াওরিবা "এক্তিবেৎ UAN" লিঙ্কতা নম্মু।
3. UAN, আধার নম্বর, মমিং, DOB, অমসুং আধারগা লিঙ্ক তৌবা মোবাইল নম্বর নম্মু।
4. EPFOগী দিজিতেল সর্ভিসশিং মপুং ফানা ফংনবা এমপ্লোয়ীশিংনা মখোয়গী মোবাইল নম্বর অদু শোইদনা আধারগা লিঙ্ক তৌগদবনি।
5. আধার OTP ভেরিফিকেসনগী অয়াবা পীয়ু।
6. অদোমগী আধারগা লিঙ্ক তৌবা মোবাইল নম্বরদা OTP লাক্নবা “গেৎ ওথোরাইজেসন পিন”দা নম্মু।
7. এক্তিবেসন মপুং ফাহন্নবা OTP নম্মু
8. মায়পাক্না এক্তিবেসন তৌরবা মতুং অদোমগী রেজিস্তর তৌরবা মোবাইল নম্বরদা পাসৱার্দ অমা থারক্কনি।

অনিশুবা তাঙ্কক্কী ওইনা, মখা তানা, UAN এক্তিবেত তৌবদা ফেস-রিকোগনিসন তেক্নোলোজীগী খুত্থাংদা বাইওমেত্রিক ওথেন্তিকেসনগী স্তেৎ-ওফ-দি-আর্ত ফেসিলিতী য়াওরগনি।

******