0 4

Ka bynta kaba 55 jong ka International Film Festival of India (IFFI) ka wanrah ia ka lad ia baroh ban iohi ia ki phlim, da kaba rah shakhmat ia ka phang "SabkaManoranjan" (Ka jingpynbyrnia ia baroh). Ka IFFI ka bteng ia ka nongrim ban long ka tamasa jong ki phlim kaba ai bynta ia baroh, da kaba pynthikna ba kane ka tamasa ka plie lad ia ki briew kiba ieid ia ki phlim bad kito kiba don la ki jong ki sap man u snem. Lyngba ka jingkyrshan jong kiba iatreilang kum ka Inclusion Partner, State Commission for Persons with disabilities, Goa bad Accessibility Partner Svayam, ka IFFI ka wanrah ia ka jingplie lad ia baroh ha kaba iadei bad ki phlim.

Ki sienjam ban plie lad ia baroh ha ka IFFI 55 ki long kumneharum:

• Ka prokram plie bad ka prokram pynkut kaba plie lad ia baroh: Kane ka dei ka sien kaba nyngkong ha ka histori jong ka IFFI ban don ka live sign language, ha ka prokram plie bad ka prokram pynkut ia kane ka tamasa kaba pynthikna ba baroh kiba wan iashim bynta, ba kynthup ia kito kiba don jin duna ha ka bor iohsngew ki ioh ban iashim bynta pura ha kane ka tamasa.
• Ka bynta Accessible India Films: Kawei na ki bynta ba kongsan jong ka IFFI 2024 ka dei ka bynta ka ban pyni ia ki phlim na India bad kito na kiwei kiwei ki ri ryngkat bad ki jingbatai bad ka Indian Sign Language, kaba plie lad ia kito kiba don jingduna ha ka bor iohi bad ka bor iohsngew ba kin ioh shim bynta. Ka bynta kaba 55 jong ka IFFI kan pyni ruh ia ki phlim jong ka India bad ki phlim na kiwei kiwei ki ri ha ryngkat ka jingbatai lyngba ka app. Kane ka bynta ka sdang ha ka 22 tarik u Naiwieng lyngba ka jingpyni ia ka 12th Fail, ka ban don ka jingbatai bad ka sign language. Kane ka bynta kaba thymmai ha ka jingplie lad ban iohi ia ki phlim kan sdang lyngba ka jingshad tynrai ha ka Indian Sign Language da ka MethilDevika, kum ka dak jong ka jingieng skhem kane ka tamasa na ka bynta ka jingai bynta ia baroh.

• Ki lad digital:
  • Ki rynsan online, ba kynthup ia ka website, app bad ki social media channel jong kane ka tamasa ki thmu ban kyntiew ia ka jingioh bynta baroh.
  • Baroh ki jaka ki dei kiba la pynbiang ban pyndonkam ki wheelchair, ki jaka shongthait bad ki jaka pynieng kali. Ki don ruh ki briew kiba pynbiang ia ka sign language ha kane ka tamasa.
• Ki Masterclassbad ki jingiakynduh bad ki lad pathai khubor

Kamasterclasskaba kyrpang kaba tip kum ka "Exhibition of Feature Films in Cinema Theatres: The Question of Accessibility" ka dei ka ban pynlong ha ka IFFI 2024. Shuh shuh, kimasterclass bad ki jingiakynduh bad ki lad pathai khubor kin don ruh ia ka live sign language, kaba pynthikna ba baroh ki ioh bynta ha ki jingpynbna bad ki jingiamir jingmut.

• Ka jingpyni ia ki phlim ba la pynbiang kine ki lad ka long kumneharum:

• 12th Fail – Naiwieng 22, 11:30 baje mynstep (Audio Description, Sign Language)

• Bartali’s Bicycle – Naiwieng 24, 5:00 baje janmiet (Audio Description, Live Sign Language)

• Beyond the Court: The Indian Wheelchair Basketball Journey – Naiwieng 24, 5:00 baje janmiet (Audio Description, Sign Language)

• Stride – Naiwieng 26, 11:45 baje mynstep (Audio Description, Sign Language)

• India Votes #WorldsLargestElection – Naiwieng 26, 11:45 baje mynstep (Sign Language)

• When Opportunity Knocks the Recruiter's Door - Naiwieng 26, 11:45 baje mynstep (Audio Description, Sign Language)

• Ka jingpyni ia ki phlim ha ryngkat ki audio description lyngba ka app –

Mynta kito kiba don jingduna ha ka bor iohi ki lah ban ioh ia ki phlim lyngba ka Moviebuff Access app kaba la shna da ka Qube Cinemas. Ki nongiashim bynta ki hap ban pyndonkam ia ka WiFi ha ki jaka ba pyni ia ki phlim khnang ban ioh ia ka jingbatai shaphang ki phlim ha ka phone jong ki.

• Swatantrya Veer Savarkar (Phlim ba pynsdang) – Naiwieng 21, 11:00 baje mynstep
• Piano Lessons (USA) – Naiwieng 21, 12:45 bajenohphaisngi
• GharatGanpati – Naiwieng 22, 12:45 bajenohphaisngi
• MahavatarNarsimha (Kaba pyni ha ka sien kaba nyngkong sha ka pyrthei) – Naiwieng 24, 4:30 bajenohphaisngi
• Sam Bahadur – Ba direct da kaMeghnaGulzar, Naiwieng 24, 8:00 bajemynmiet
• The Rooster (Australia) – Naiwieng 24, 5:15 baje janmiet
• Article 370 – Naiwieng 26, 8:00 bajemynmiet
• Addition (Australia) – Naiwieng 27, 10:15 bajemynmiet

• Ki jingiatreilang ba pynkupbor

Ki sienjam jong ka bynta kaba 55 jong ka IFFI ban ai bynta ia baroh ki urlong namar ki jingiatreilang bad ki Content Partners kum ka

• • India Signing Hands ba la seng da uAlokKejriwal, kaba la ioh ia ka khusnam National Award for Empowerment of PwDs,
  • Yes, We Too Can Charitable Trust kaba la seng da ka National Paralympics Swimming Champion MadhaviLathaPrathigudupu.
  • Movie Buff App kaba la shna da ka Qube Cinema kaba ai ia ki jingbatai shaphang ki phlim.
  • Cinedubs App kaba shna da ka Dubswork Mobile Pvt Ltd kaba plie lad ia ka jingpyni ia ki phlim ha ki ktien bapher bapher kaba pyni ia ka jingiar bad ka jingai bynta ia baroh.
  • Billion Readers ka dei ka kynhun ka bym trei ban iohnong ha ki kam kiba iadei bad ka jingiar bad ka jingai bynta ia baroh ha ki kam phlim, kaba kyntiew ia ka jingmihkhmat bad ka jingioh bynta kaba kham iar.

• Ka kynhun kaba ieng skhem na ka bynta ka jingsngewlem bad ka jingai bynta ia baroh

Ka kynhun IFFI ka dei kaba la ioh jinghikai ha kaba iadei bad ka jingsngewlem ban pynthikna ba baroh kiba wan iashim bynta ki ioh ia ka jingpdiang sngewbha, ka jingsngewthuh bad ka jingniewkor. Kane ka jingpynkhreh ka pynlong ba kito kiba don bynta bad ka jingpyniaid ia ka IFFI ki don ka jingsngewlem haba ai ki jingshakri ia ki briew, kaba wanrah ia ka jinglong jingman kaba plie lad ia baroh, kaba don ka jingburom ha kane ka tamasa.

Ka jingieng skhem ka IFFI ha ka jingai bynta ia baroh ka pyni ia ka jingthmu kaba kham heh na ka bynta ka “SabkaManoranjan”. 55^th Ka IFFI ka ban biang halor ka bynta jong ka kum ka nongialam ha ka jingwanrahia ka jingpyni ia ka deiriti da kaba pynbiang ia ka jinglong jingman ha kaba baroh ki lah ban ioh ia ka jingsngewtynnad namar ki phlim.

* * *