କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ଆମେରିକାର ମେରିଲ୍ୟାଣ୍ଡର ବାଲ୍ଟିମୋରସ୍ଥିତ ଜନ୍ ହପକିନ୍ସ ବିଶ୍ୱବିଦ୍ୟାଳୟ (ଜେଏଚୟୁ)ର ସଭାପତି ରୋନାଲ୍ଡ ଜେ ଡାନିଏଲ୍ସଙ୍କ ନେତୃତ୍ୱରେ ଏକ ଉଚ୍ଚସ୍ତରୀୟ ପ୍ରତିନିଧି ଦଳକୁ ଭେଟିଛନ୍ତି। ଏହି ପ୍ରତିନିଧି ଦଳରେ ଜେଏଚୟୁର ଆଭ୍ୟନ୍ତରୀଣ ୟୁନିଟ୍ ଗୁପ୍ତା କ୍ଲିନସ୍କି ଇଣ୍ଡିଆ ଇନଷ୍ଟିଚ୍ୟୁଟ୍ (ଜିକେଆଇଆଇ)ର ଅଧିକାରୀମାନେ ମଧ୍ୟ ସାମିଲ ଥିଲେ, ଯେଉଁଥିରେ ଗବେଷଣା, ଶିକ୍ଷା, ନୀତି ଏବଂ ଅଭ୍ୟାସ ମାଧ୍ୟମରେ ଜେଏଚ୍ୟୁ ସମ୍ପ୍ରଦାୟକୁ ଭାରତୀୟ ଅଂଶୀଦାରଙ୍କ ସହ ଆଣିବାର ଦାୟିତ୍ୱ ଦିଆଯାଇଥିଲା।

ଉଚ୍ଚଶିକ୍ଷା ସଚିବ କେ ସଞ୍ଜୟ ମୂର୍ତ୍ତି; ବୈଠକରେ ଉଚ୍ଚଶିକ୍ଷା ବିଭାଗ, ଶିକ୍ଷା ମନ୍ତ୍ରଣାଳୟ ଓ ବୈଦେଶିକ ବ୍ୟାପାର ମନ୍ତ୍ରଣାଳୟର ବରିଷ୍ଠ ଅଧିକାରୀମାନେ ଯୋଗ ଦେଇଥିଲେ।

ଶ୍ରୀ ପ୍ରଧାନ ଜାତୀୟ ଶିକ୍ଷା ନୀତି ୨୦୨୦ (ଏନଇପି ୨୦୨୦) ଦ୍ୱାରା ସକ୍ଷମ ହୋଇଥିବା ପରିବର୍ତନମୂଳକ ସୁଯୋଗ ଉପରେ ଆଲୋକପାତ କରିଥିଲେ, ଯାହା ଶିକ୍ଷାଗତ ସହଯୋଗ ଏବଂ ଭାରତର ଶିକ୍ଷା କ୍ଷେତ୍ରକୁ ଅଗ୍ରଗତି ପାଇଁ ପଥ ପ୍ରଶସ୍ତ କରିଛି । ଶ୍ରୀ ପ୍ରଧାନ ଭାରତୀୟ ଏଚଇଆଇ ମାନଙ୍କ ସହିତ ଦୃଢ଼ ଭାଗିଦାରୀ ସ୍ଥାପନ, ବିଶେଷ କରି ଦ୍ବିତୀୟ ଓ ଯୁଗ୍ମ ଡିଗ୍ରୀ କାର୍ଯ୍ୟକ୍ରମ, ଛାତ୍ରଛାତ୍ରୀ ଓ ଅଧ୍ୟାପକଙ୍କ ଦ୍ୱିପାକ୍ଷିକ ଗତିଶୀଳତା ଏବଂ ଡାଟା ବିଜ୍ଞାନ, କୃତ୍ରିମ ବୁଦ୍ଧିମତା ଏବଂ ଭବିଷ୍ୟତ ପ୍ରଯୁକ୍ତି ବିଦ୍ୟା ଭଳି ଉଦୀୟମାନ କ୍ଷେତ୍ରରେ ଗବେଷଣା ଭାଗିଦାରୀ କ୍ଷେତ୍ରରେ ଜ୍ଞାନର ବିଶ୍ୱସ୍ତରୀୟ ଆଦାନ ପ୍ରଦାନରେ ଯୋଗଦାନ କରିବା ଦିଗରେ ବିଶ୍ୱବିଦ୍ୟାଳୟର ପ୍ରତିବଦ୍ଧତାକୁ ପ୍ରଶଂସା କରିଥିଲେ । ଉଭୟ ଦେଶର ଛାତ୍ରଛାତ୍ରୀଙ୍କ ମଧ୍ୟରେ ଉଦ୍ଭାବନ ଏବଂ ଉଦ୍ୟୋଗକୁ ପ୍ରୋତ୍ସାହିତ କରିବା ପାଇଁ ଏହି ସହଯୋଗର ସମ୍ଭାବନା ଉପରେ ସେ ଗୁରୁତ୍ୱାରୋପ କରିଥିଲେ ।

ଜେଏଚୟୁ ଏବଂ ପ୍ରମୁଖ ଭାରତୀୟ ଉଚ୍ଚଶିକ୍ଷା ଅନୁଷ୍ଠାନ (ଏଚ୍ଇଆଇ) ମଧ୍ୟରେ ଶୈକ୍ଷିକ ଏବଂ ଗବେଷଣା ସହଯୋଗକୁ ସୁଦୃଢ଼ କରିବା ଉପରେ ଆଲୋଚନା ହୋଇଥିଲା। ଏହି ପ୍ରତିନିଧି ଦଳ ଭାରତରେ ଏକ ଅଫସୋର ଜେଏଚୟୁ କ୍ୟାମ୍ପସ ପ୍ରତିଷ୍ଠା ପାଇଁ ସକ୍ରିୟ ଭାବରେ ଆଲୋଚନା କରିଥିଲେ ।

ଡାନିଏଲ୍ସ ଏବଂ ପ୍ରତିନିଧି ମଣ୍ଡଳର ଏହି ଗସ୍ତ ଭାରତ-ଆମେରିକା ଶିକ୍ଷା ସହଯୋଗର ବଢୁଥିବା ଗୁରୁତ୍ୱଉପରେ ଆଲୋକପାତ କରିଛି । ଭାରତ ଗସ୍ତରେ ଯାଇଥିବା ଏହି ପ୍ରତିନିଧି ଦଳ ବିଭିନ୍ନ ଭାରତୀୟ ବିଶ୍ୱବିଦ୍ୟାଳୟ କ୍ୟାମ୍ପସ ପରିଦର୍ଶନ କରିବେ ଏବଂ ଭାରତରେ ଜେଏଚ୍ୟୁର କାର୍ଯ୍ୟକୁ ସୁଦୃଢ଼ କରିବା ଏବଂ ଅନ୍ତର୍ଜାତୀୟକରଣ ପ୍ରୟାସକୁ ଆଗକୁ ବଢ଼ାଇବା ପାଇଁ ପ୍ରମୁଖ ସରକାରୀ ଅଧିକାରୀ, ଶିକ୍ଷାବିତ୍ ନେତା ଏବଂ ଦୂତାବାସ ପ୍ରତିନିଧିଙ୍କ ସହ ଆଲୋଚନା କରିବେ।

ଏହି ୧୨ ଜଣିଆ ପ୍ରତିନିଧି ଦଳରେ ଫ୍ରିଟଜ୍‍ ଡବ୍ଲ୍ୟୁ ଶ୍ରୋଏଡରଙ୍କ ଭଳି ବିଶିଷ୍ଟ ଶିକ୍ଷାବିତ୍ ଓ ପ୍ରଶାସକ, ବିକାଶ ଓ ଆଲୁମିନି ରିଲେସନ୍ସର ବରିଷ୍ଠ ଉପାଧ୍ୟକ୍ଷ ସାମିଲ ଥିଲେ। ଆଲେକ୍ଜାଣ୍ଡର ଟ୍ରାଏଣ୍ଟିସ୍, କେରୀ ବିଜନେସ୍ ସ୍କୁଲର ଡିନ୍; ବ୍ଲୁମବର୍ଗ ସ୍କୁଲର ଅନ୍ତର୍ଜାତୀୟ ସ୍ୱାସ୍ଥ୍ୟ ବିଭାଗର ଅଧ୍ୟକ୍ଷ ଜୁଡ ୱାଲସନ; ହ୍ୱିଟିଂ ସ୍କୁଲ ଅଫ୍ ଇଞ୍ଜିନିୟରିଂର ସ୍ନାତକୋତ୍ତର ଶିକ୍ଷା ର ଉପାଧ୍ୟକ୍ଷ ଶ୍ରୀଦେବୀ ଶର୍ମା; ଜନ୍ ଗୋଲ୍ଡଷ୍ଟାଇନ୍, ଅନ୍ତର୍ଜାତୀୟ କାର୍ଯ୍ୟକ୍ରମ ପାଇଁ ବିକାଶର ବରିଷ୍ଠ ଆସୋସିଏଟ୍ ନିର୍ଦ୍ଦେଶକ; ଏବଂ ଜନ୍ ହପକିନ୍ସ ବିଶ୍ୱବିଦ୍ୟାଳୟର ସଂକ୍ରାମକ ରୋଗ ବିଭାଗର ନିର୍ଦ୍ଦେଶିକା ତଥା ଗୁପ୍ତା-କ୍ଲିନସ୍କି ଇଣ୍ଡିଆ ଇନଷ୍ଟିଚ୍ୟୁଟ୍ (ଜିକେଆଇଆଇ)ର ସହ-ପ୍ରତିଷ୍ଠାତା ଅମିତା ଗୁପ୍ତା।

ଜେଏଚ୍ୟୁର ବିଶିଷ୍ଟ ଭାରତୀୟ ବଂଶୋଦ୍ଭବ ଅଧ୍ୟାପକ ଯଥା ଶିଶୁ ରୋଗ ଓ ଅନ୍ତର୍ଜାତୀୟ ସ୍ୱାସ୍ଥ୍ୟ ପ୍ରଫେସର ମଥୁରାମ ସନ୍ତୋଷମ୍ ଏବଂ ମେଡିସିନ୍ ପ୍ରଫେସର ତଥା ନେଫ୍ରୋଲୋଜି ବିଭାଗର ନିର୍ଦ୍ଦେଶକ ଚିରାଗ ପାରିଖ ମଧ୍ୟ ଅଂଶଗ୍ରହଣ କରିଥିଲେ। ଏହି ପ୍ରତିନିଧି ଦଳରେ ରାଜ ଓ କମଳା ଗୁପ୍ତା, ଦୀପକ ରାଜ, କୁନାଲ ପାଲ ଏବଂ ନୀତିଶା ବେସ୍ରାଙ୍କ ସମେତ ଜିକେଆଇଆଇ ଅଧିକାରୀ ଏବଂ ଏହାର ପରାମର୍ଶଦାତା ବୋର୍ଡର ସଦସ୍ୟମାନେ ସାମିଲ ଥିଲେ।

HS