0 2

ಮಾಧ್ಯಮ ಬಂಧುಗಳಿಂದ ಹೆಚ್ಚಿನ ಸಂಖ್ಯೆಯ ವಿನಂತಿಗಳನ್ನು ಪರಿಗಣಿಸಿ ಮತ್ತು ಉತ್ಸವವನ್ನು ವರದಿ ಮಾಡಲು ಗರಿಷ್ಠ ಮಾಧ್ಯಮ ಪ್ರತಿನಿಧಿಗಳಿಗೆ ಅನುಕೂಲ ಮಾಡಿಕೊಡುವ ಉದ್ದೇಶದಿಂದ, 55ನೇ ಭಾರತದ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವಕ್ಕಾಗಿ (ಐ.ಎಫ್.ಎಫ್.ಐ) ಮಾಧ್ಯಮ ಪ್ರತಿನಿಧಿಗಳ ನೋಂದಣಿಯನ್ನು ಕೇವಲ 24 ಗಂಟೆಗಳ  ಅವಧಿಗೆ ಪುನಃ ತೆರೆಯಲಾಗುತ್ತದೆ. ಇಂದು (14 ನವೆಂಬರ್ 2024) ಸಂಜೆ 05:00:00 ರಿಂದ ನಾಳೆ ಸಂಜೆ 04:59:59 ರವರೆಗೆ (15ನೇ ನವೆಂಬರ್ 2024). ಇನ್ನೂ ನೋಂದಾಯಿಸಿಕೊಳ್ಳದ ಮಾಧ್ಯಮ ಪ್ರತಿನಿಧಿಗಳಿಗೆ ನೋಂದಣಿ ಮಾಡಲು ಇದು ಕೊನೆಯ ಅವಕಾಶವಾಗಿದೆ.  ಇನ್ನೂ ನೋಂದಾಯಿಸದ ಮಾಧ್ಯಮದವರು ತಕ್ಷಣ ನೋಂದಾಯಿಸಲು ಮತ್ತೊಮ್ಮೆ  ಪ್ರೋತ್ಸಾಹಿಸಲಾಗುತ್ತಿದೆ ಮತ್ತು ಈ ಅಂತಿಮ ಗಡುವನ್ನು ತಪ್ಪಿಸಿಕೊಳ್ಳಬೇಡಿ.

ನೋಂದಣಿ ಪ್ರಕ್ರಿಯೆ

ಮಾಧ್ಯಮ ಪ್ರತಿನಿಧಿಯಾಗಿ ನೋಂದಾಯಿಸಲು, ನೀವು ಜನವರಿ 1, 2024ಕ್ಕೆ 21 ವರ್ಷಗಳನ್ನು ಪೂರ್ಣಗೊಳಿಸಿರಬೇಕು ಮತ್ತು ಮುದ್ರಣ, ವಿದ್ಯುನ್ಮಾನ, ಡಿಜಿಟಲ್ ಅಥವಾ ಆನ್ ಲೈನ್ ಮಾಧ್ಯಮ ಸಂಸ್ಥೆಗೆ ಸೇರಿದ ವರದಿಗಾರ, ಛಾಯಾಗ್ರಾಹಕರು, ಅಥವಾ ಡಿಜಿಟಲ್ ವಿಷಯವಸ್ತುಗಳ ರಚನೆಕಾರರಾಗಿರಬೇಕು. ವಯಸ್ಸಿನ ಮಾನದಂಡವನ್ನು ಪೂರೈಸುವ ಸ್ವತಂತ್ರ ಪತ್ರಕರ್ತರನ್ನು ಸಹ ನೋಂದಾಯಿಸಲು ಪ್ರೋತ್ಸಾಹಿಸಲಾಗುತ್ತದೆ. ನೋಂದಾಯಿಸುವ ಮೊದಲು ದಯವಿಟ್ಟು ಇಲ್ಲಿ ಸಂಬಂಧಿತ ಅರ್ಹತಾ ಮಾನದಂಡಗಳನ್ನು ಓದಿ ಮತ್ತು ನೀವು ನೋಂದಾಯಿಸುವ ಮೊದಲು ಅಪ್ ಲೋಡ್ ಮಾಡಲು ತಿಳಿಸಲಾದ ದಾಖಲೆಗಳನ್ನು ಸಿದ್ಧಪಡಿಸಿಕೊಳ್ಳಿ. ನೋಂದಣಿ ಪ್ರಕ್ರಿಯೆಯು ನೇರವಾಗಿದ್ದು ಆನ್ ಲೈನ್ https://my.iffigoa.org/media-login ನಲ್ಲಿ ಮಾಡಬಹುದಾಗಿದೆ.

ದಯವಿಟ್ಟು ಗಮನಿಸಿ ನಿಮ್ಮ ಅರ್ಜಿಯ ಪರಿಶೀಲನೆಯ ನಂತರ ಮಾಧ್ಯಮ ಪ್ರತಿನಿಧಿಯಾಗಿ ನಿಮ್ಮ ಮಾನ್ಯತೆಯ ಅನುಮೋದನೆಯನ್ನು ನಿಮ್ಮ ನೋಂದಾಯಿತ ಇಮೇಲ್ ಐಡಿಯಲ್ಲಿ ನಿಮಗೆ ತಿಳಿಸಲಾಗುತ್ತದೆ. ಈ ನೋಂದಣಿ ಪ್ರಕ್ರಿಯೆಯ ಮೂಲಕ ಪ್ರೆಸ್ ಇನ್ಫಾರ್ಮೇಶನ್ ಬ್ಯೂರೋ (ಪಿಐಬಿ ) ದಿಂದ ಮಾನ್ಯತೆ ಪಡೆದ ಮಾಧ್ಯಮ ವ್ಯಕ್ತಿಗಳು ಮಾತ್ರ 55ನೇ ಐ.ಎಫ್.ಎಫ್.ಐ 2024 ಗಾಗಿ ಮಾಧ್ಯಮ ಪ್ರತಿನಿಧಿ ಪಾಸ್ ಗಳಿಗೆ ಅರ್ಹರಾಗಿರುತ್ತಾರೆ. ಮಾಧ್ಯಮದ ಪ್ರಸಾರಾವಧಿ, ಗಾತ್ರ (ಪ್ರಸಾರ, ಪ್ರೇಕ್ಷಕರು, ತಲುಪುವಿಕೆ), ಸಿನಿಮಾದ ಮೇಲೆ ಕೇಂದ್ರೀಕರಿಸುವುದರ ಪರಿಮಾಣ ಮತ್ತು ಐ.ಎಫ್.ಎಫ್.ಐನ ನಿರೀಕ್ಷಿತ ಮಾಧ್ಯಮ ಪ್ರಸಾರದಂತಹ ಅಂಶಗಳ ಆಧಾರದ ಮೇಲೆ ಪ್ರತಿ ಮಾಧ್ಯಮ ಸಂಸ್ಥೆಗೆ ನೀಡಬೇಕಾದ ಮಾನ್ಯತೆಗಳ ಸಂಖ್ಯೆಯನ್ನು ಪಿಐಬಿ ನಿರ್ಧರಿಸುತ್ತದೆ.
 
ಮಾಧ್ಯಮ ಪ್ರತಿನಿಧಿ ಪಾಸ್ ಗಳನ್ನು 18ನೇ ನವೆಂಬರ್ 2024 ರಿಂದ ಐ.ಎಫ್.ಎಫ್.ಐ. ಆವರಣದಲ್ಲಿ ಪಡೆಯಬಹುದು. ಯಾವುದೇ ಪ್ರಶ್ನೆಗಳಿಗೆ ದಯವಿಟ್ಟು  ‘Media Accreditation Query’ ಎಂದು ವಿಷಯವನ್ನು ನಮೂದಿಸಿ  iffi4pib[at]gmail[dot]com ಗೆ ಇಮೇಲ್ ಅನ್ನು ಕಳುಹಿಸಿ.

ಈಗಲೇ ಇಲ್ಲಿ ನೋಂದಾಯಿಸಿ,  ನಾವು ಸಿನಿಮಾದ ಸಂತೋಷವನ್ನು ಹಂಚಿಕೊಳ್ಳಲು ಮತ್ತೊಮ್ಮೆ ನಿಮ್ಮನ್ನು ಸ್ವಾಗತಿಸುತ್ತೇವೆ!
 
ಸಿನಿಮಾಮಂದಿರಗಳಲ್ಲಿ ಸಿಗೋಣ!

ಐ.ಎಫ್.ಎಫ್.ಐ ಬಗ್ಗೆ

1952ರಲ್ಲಿ ಸ್ಥಾಪನೆಯಾದ ಭಾರತೀಯ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವ (ಐ.ಎಫ್.ಎಫ್.ಐ)ವು ಏಷ್ಯಾದ ಪ್ರಮುಖ ಚಲನಚಿತ್ರೋತ್ಸವಗಳಲ್ಲಿ ಒಂದಾಗಿದೆ. ಅದರ ಪ್ರಾರಂಭದಿಂದಲೂ, ಐ.ಎಫ್.ಎಫ್.ಐ ಚಲನಚಿತ್ರಗಳು, ಅವುಗಳ ಆಕರ್ಷಕ ಕಥೆಗಳು ಮತ್ತು ಅವುಗಳ ಹಿಂದೆ ಇರುವ ಪ್ರತಿಭಾವಂತ ವ್ಯಕ್ತಿಗಳನ್ನು ಆಚರಿಸುವ ಗುರಿಯನ್ನು ಹೊಂದಿದೆ. ಚಲನಚಿತ್ರಗಳ ಬಗ್ಗೆ ಅಪಾರವಾದ ಮೆಚ್ಚುಗೆ ಮತ್ತು ಪ್ರೀತಿಯನ್ನು ಉತ್ತೇಜಿಸಲು ಮತ್ತು ಹರಡಲು, ಜನರಲ್ಲಿ ತಿಳುವಳಿಕೆ ಮತ್ತು ಸೌಹಾರ್ದದ ಸೇತುವೆಗಳನ್ನು ನಿರ್ಮಿಸಲು ಮತ್ತು ವೈಯಕ್ತಿಕ ಹಾಗು ಸಾಮೂಹಿಕ ಶ್ರೇಷ್ಠತೆಯ ಹೊಸ ಎತ್ತರಗಳನ್ನು ತಲುಪಲು, ಅವರನ್ನು ಪ್ರೇರೇಪಿಸಲು ಈ ಉತ್ಸವವು ಶ್ರಮಿಸುತ್ತದೆ.

ಐ.ಎಫ್.ಎಫ್.ಐ ಅನ್ನು ಭಾರತ ಸರ್ಕಾರದ ವಾರ್ತಾ ಮತ್ತು ಪ್ರಸಾರ ಸಚಿವಾಲಯವು ಗೋವಾ ಸರ್ಕಾರದ ಎಂಟರ್ ಟೈನ್ಮೆಂಟ್ ಸೊಸೈಟಿಯ ಸಹಯೋಗದೊಂದಿಗೆ ಪ್ರತಿವರ್ಷ ಆಯೋಜಿಸುತ್ತದೆ. ವಾರ್ತಾ ಮತ್ತು ಪ್ರಸಾರ ಸಚಿವಾಲಯದ ಚಲನಚಿತ್ರೋತ್ಸವಗಳ ನಿರ್ದೇಶನಾಲಯವು (ಡಿ.ಎಫ್.ಎಫ್.) ಸಾಮಾನ್ಯವಾಗಿ ಉತ್ಸವವನ್ನು ಮುನ್ನಡೆಸುತ್ತಿದ್ದರೆ, ಚಲನಚಿತ್ರ ಮಾಧ್ಯಮ ಘಟಕಗಳನ್ನು ರಾಷ್ಟ್ರೀಯ ಚಲನಚಿತ್ರ ಅಭಿವೃದ್ಧಿ ನಿಗಮದೊಂದಿಗೆ (ಎನ್.ಎಫ್.ಡಿ.ಸಿ.) ವಿಲೀನಗೊಳಿಸಿದ ಪರಿಣಾಮವಾಗಿ ಎನ್.ಎಫ್.ಡಿ.ಸಿ.ನಿಗಮವು ಉತ್ಸವದ ನಿರ್ವಹಣೆಯನ್ನು ವಹಿಸಿಕೊಂಡಿದೆ. 55ನೇ ಭಾರತೀಯ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದ ತಾಜಾ ಸುದ್ಧಿಗಳಿಗಾಗಿ, ದಯವಿಟ್ಟು ಚಲನಚಿತ್ರೋತ್ಸವದ http://www.iffigoa.org ಜಾಲತಾಣಕ್ಕೆ ಭೇಟಿ ನೀಡಿ ಮತ್ತು ಪಿಐಬಿಯ ಸಾಮಾಜಿಕ ಮಾಧ್ಯಮ ವೇದಿಕೆಗಳಾದ ಎಕ್ಸ್, ಫೇಸ್ ಬುಕ್, ಇನ್ಟಾಗ್ರಾಂ ಮತ್ತು ವಾಟ್ಸ್ ಆಪ್ ನಲ್ಲಿ ಐ.ಎಫ್.ಎಫ್.ಐ ಅನ್ನು ಅನುಸರಿಸಿ.

*****